ఇకపై యువజన శ్రామిక రైతు కాంగ్రెస్ పార్టీని వైఎస్సార్ కాంగ్రెస్ పార్టీ అనీ, వైఎస్సార్సీపీ అనీ పిలవడానికి వీల్లేదా.? ఏమో, ముందు ముందు ఆ పరిస్థితులు వచ్చినా ఆశ్చర్యపోనక్కర్లేదు. మామూలుగా అయితే ఇప్పటిదాకా అందరికి వైఎస్సార్ కాంగ్రెస్ పార్టీ అని పిలిచినా, వైఎస్సార్సీపీ అని పిలిచినా, వైసీపీ అని పిలిచినా.. అది జగన్ నేతృత్వంలోని యువజన శ్రామిక రైతు కాంగ్రెస్ పార్టీ గురించే. కానీ, ఇక్కడ ఇంకో వైఎస్సార్ కాంగ్రెస్ పార్టీ వుంది. అదే, అన్న వైఎస్సార్ కాంగ్రెస్ పార్టీ.
ఇప్పుడు ఈ ‘అన్న వైఎస్సార్సీపీ’ ఢిల్లీ హైకోర్టును ఆశ్రయించింది తమ పార్టీ పేరులోని ‘వైఎస్సార్ కాంగ్రెస్ పార్టీ’ని యువజన శ్రామిక రైతు కాంగ్రెస్ పార్టీ వాడేస్తోందని ఆరోపిస్తూ. ఢిల్లీ హైకోర్టు ఈ మేరకు, యువజన శ్రామిక రైతు కాంగ్రెస్ పార్టీకీ అలాగే కేంద్ర ఎన్నికల సంఘానికీ నోటీసులు జారీ చేయడం గమనార్హం. నిజానికి, యువజన శ్రామిక రైతు కాంగ్రెస్ పార్టీ కూడా శివకుమార్ అనే వ్యక్తి పెట్టింది. ఆ శివకుమార్ నుంచి వైఎస్సార్ కాంగ్రెస్ పార్టీని తీసుకున్నారు వైఎస్ జగన్ మోహన్రెడ్డి. శివకుమార్కి పార్టీలో ‘నామ్ కే వాస్తే’ తరహా పదవి ఇచ్చిన, ఆయన్ని మీడియా నుంచీ, రాజకీయాల నుంచీ దూరంగా వుంచారు.
ఇప్పుడు ‘పేరు’ గొడవ కారణంగా ఆ శివకుమార్ న్యాయస్థానం ముందుకు రావడం తప్పకపోవచ్చు. అన్నట్టు, అన్న వైఎస్సార్ కాంగ్రెస్ పార్టీని స్థాపించింది కడప జిల్లాకి చెందిన బాషా. ఈయన వైఎస్ రాజశేఖర్రెడ్డికి అత్యంత సన్నిహితుడు. వైఎస్ రాజశేఖర్రెడ్డి సూచన మేరకే తాను అన్న వైఎస్సార్ కాంగ్రెస్ పార్టీని పెట్టానని బాషా చెబుతున్నారు. గతంలోకూడా కేంద్ర ఎన్నికల సంఘం ‘వైఎస్సార్ కాంగ్రెస్ పార్టీ’ పేరు వాడకూదని యువజన శ్రామిక రైతు కాంగ్రెస్ పార్టీని ఆదేశించిందని భాషా చెబుతుండడం గమనార్హం.
యువజన శ్రామిక రైతు కాంగ్రెస్ పార్టీ నుంచి నర్సాపురం ఎంపీ రఘురామకృష్ణరాజుకి షోకాజ్ నోటీస్ వెళ్ళడంతో ఈ ‘పేరు’ గొడవ మొదలైంది. తాను ప్రాతినిథ్యం వహిస్తున్న పార్టీ పేరు విషయమై ఇప్పటికే కేంద్ర ఎన్నికల సంఘం నుంచి రఘురామకృష్ణరాజు స్పష్టత తెచ్చుకున్న విషయం విదితమే. రఘురామకృష్ణరాజుకి ఇచ్చిన షోకాజ్ నోటీస్లో ‘యువజన శ్రామిక రైతు కాంగ్రెస్ పార్టీ’ అని పేర్కొనకుండా, ‘వైఎస్సార్ కాంగ్రెస్ పార్టీ’ అని పేర్కొనడమే ఈ వివాదానికి కారణం. మరి, ఈ వివాదం ఎక్కడిదాకా వెళుతుందో ఏమో.!
939630 319127Hi, Neat post. Theres a issue along along with your web site in web explorer, could test this IE nonetheless may be the marketplace leader and a excellent portion of individuals will omit your excellent writing because of this problem. 20874
61038 497354Woh I like your weblog posts, saved to fav! . 370240