ఆమె వయసు 54.. మేకప్‌ తో 30 గా మాయ చేసి పెళ్లిళ్లు

తిరుపతికి చెందిన శరణ్య వరుస పెళ్లిళ్లు చేసుకుంటూ మోసాలకు పాల్పడుతోంది. ఆమె తల్లి శాంతమ్మ కూడా మోసానికి సహకరిస్తూ వచ్చిందట. ఈ విషయం సంచలనంగా మారింది. ఇలా అమ్మాయిలు మోసానికి పాల్పడుతూ డబ్బు కోసం పెళ్లి చేసుకోవడం కామన్‌ విషయం. కాని శరణ్య వయసు పాతిక మూడు పదుల వయసు కాదు ఆమె వయసు ఏకంగా 54.. ఔను 54 ఏళ్ల వయసులో ఆమె వరుస పెళ్లిళ్లు చేసుకుంటూ మోసాలకు పాల్పడుతోంది. అయితే పెళ్లి సమయంలో ఆమె వయసు మూడు పదులు అన్నట్లుగా కనిపించేందుకు గాను మేకప్‌ తో మ్యానేజ్ చేస్తూ ఉంది.

ఇప్పటి వరకు ఎంతో మందిని మోసం చేసి పెళ్లి చేసుకుని వారి నుండి అందివచ్చినంత వరకు డబ్బు దండుకుని వారి నుండి విడిపోవడం జరుగుతున్న విషయం. తాజాగా తమిళనాడుకు చెందిన గణేష్ ను ఈమె వివాహం చేసుకుంది. ఆమె పేరున కొంత ఆస్తిని రిజిస్ట్రర్ చేయించేందుకు గణేష్ సిద్దం అయ్యాడు. ఆ సమయంలో ఆమె ఆధార్ ను ఇచ్చింది. అప్పుడు ఆధార్ పై ఉన్న వయసు చూసి షాక్ అయ్యాడు. తీగ లాగితే డొంక కదిలినట్లుగా ఆమె మేకప్‌ వ్యవహారం మొత్తం బయటకు వచ్చేసింది. గడచిన అయిదు ఆరు సంవత్సరాలుగా ఇదే పని అన్నట్లుగా శరణ్య చేస్తుందట. కేసు నమోదు చేసిన పోలీసులు ఎంక్వౌరీ చేస్తున్నారు.