ఆంధ్రపదేశ్ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి త్వరలో జైలుకు వెళ్ళాల్సి వస్తుందట. ఈ విషయాన్ని టీడీపీ అనుకూల మీడియా కుండబద్దలుగొట్టేస్తోంది. నిజానికి, వైఎస్ జగన్ అరెస్టవడం ఖాయమన్న చర్చ ఈనాటిది కాదు. ఎప్పటినుంచో జరుగుతున్నదే. కాంగ్రెస్ ఎంపీగా వున్నప్పుడే ఆయన మీద కేసులు నమోదయ్యాయి. అక్రమాస్తుల కేసులో అరెస్టయ్యారు.. జైలుకు వెళ్ళారు.. బెయిల్ మీద బయటకు వచ్చారు. ప్రజాక్షేత్రంలో విజయం సాధించి అధికార పీఠమెక్కారు.
మళ్ళీ మరోమారు జగన్ అరెస్ట్ తప్పదన్న ప్రచారం అధికార వైసీపీలో కలకలం రేపుతున్న మాట వాస్తవం. ‘దిన దిన గండం నూరేళ్ళ ఆయుస్షు..’ అన్న చర్చ వైసీపీలో చాలాకాలంగా సాగుతున్నా, రాష్ట్రంలో వైసీపీకి వున్న క్రేజ్ నేపథ్యంలో వైసీపీ నేతలెవరూ, ఈ అంశాలపై బయటకి గట్టిగా మాట్లాడలేని పరిస్థితి.
కాగా, జగన్ బెయిల్ రద్దు కాబోతోందనీ, రఘురామ ఈ మేరకు దాఖలు చేసిన పిటిషన్.. జగన్కి షాకివ్వబోతోందనీ, ఈ క్రమంలోనే వైఎస్ జగన్.. ఢిల్లీకి వెళ్ళి కేంద్ర ప్రభుత్వ పెద్దల వద్ద సాగిలా పడబోతున్నారనీ టీడీపీ అనుకూల మీడియాలో కథనాలు పుంఖానుపుంఖాలుగా వినిపిస్తున్నాయి. వైఎస్ జగన్ మోహన్ రెడ్డి కేసులకు సంబంధించి కీలకమైన పరిణామం ఏదైనా జరుగుతున్న సమయంలో ఆయన ఢిల్లీ పయనం చోటు చేసుకుంటుండడం యాదృశ్చికమే అనుకోవాలా.? అన్నదానిపై మళ్ళీ భిన్న వాదనలున్నాయి.
అయినా, అరెస్టయితే ఏమవుతుంది.? బెయిల్ మీద విడుదలవుతారు.. ఆ తర్వాత మరింతగా జనాదరణ పొందుతారు.. అని వైసీపీ చెబుతోంది. అందులోనూ నిజం లేకపోలేదు. కానీ, బెయిల్ రద్దయ్యాక ఉపశమనం లభించకపోతేనో.? ఆ అనుమానం వైఎస్ జగన్ మోహన్ రెడ్డికీ వుందనీ, ఆ ఆలోచనతోనే తన భార్య వైఎస్ భారతికి బాధ్యతల్ని వైఎస్ జగన్ అప్పగిస్తారనీ టీడీపీ అనుకూల మీడియానే తీర్మానించేస్తోంది. ఏమో, రాజకీయాల్లో ఏదైనా జరగొచ్చు. పైగా, కేంద్రంలో అధికారంలో వున్న బీజేపీ, దేశంలోని వివిధ రాష్ట్రాల్లో నడిపిన రాజకీయాల్ని పరిగణనలోకి తీసుకుంటే, వైఎస్ జగన్ విషయంలో కూడా సమయం చూసి బీజేపీ దెబ్బ కొట్టినా ఆశ్చర్యపోవాల్సిన పనిలేదేమో.
41528 599065Excellent details, better still to discover out your weblog that has a fantastic layout. Nicely done 77978
831399 574276There is noticeably a lot of money to comprehend about this. I assume youve made certain good points in attributes also. 947676
662487 975003Hi there, just became aware of your blog by way of Google, and identified that its truly informative. Im gonna watch out for brussels. I will appreciate in case you continue this in future. Lots of individuals will likely be benefited from your writing. Cheers! 124417
521709 890704Glad to be one of several visitants on this remarkable internet internet site : D. 912552