కాస్సేపట్లో ప్రధాని నరేంద్ర మోడీ దేశ ప్రజల్ని ఉద్దేశించి ప్రసంగించబోతున్నారు. చైనాతో నెలకొన్న సరిహద్దు వివాదం తర్వాత, ప్రధాని నరేంద్ర మోడీ జాతిని ఉద్దేశించి ప్రసంగించడం ఇదే తొలిసారి. మరోపక్క, దేశంలో కరోనా పాజిటివ్ కేసుల సంఖ్య 6 లక్షలకు చేరుకుంటోంది. కరోనా మరణాల సంఖ్య కూడా 17 వేలకు చేరువవుతోంది. ‘అన్ లాక్ 2’ రేపట్నుంచి ప్రారంభం కాబోతోంది. ఈ నేపథ్యంలో, దేశ ప్రజలు.. దేశ ప్రధాని నుంచి ఓ భరోసాని ఆశిస్తున్నారు. చాలా అంశాలపై స్పష్టతను కోరుతున్నారు.
విద్యార్థులు, ఉద్యోగులు, సామాన్యులు.. ఇలా సమాజంలో ప్రతి ఒక్కరూ దేశ ప్రధాని, జాతిని ఉద్దేశించి ఏం మాట్లాడతారోనని ఉత్కంఠగా ఎదురుచూస్తున్నారు. చైనా, కరోనా.. ఈ రెండిటిదీ విడదీయరాని బంధం. ఇప్పుడు ఈ రెండూ దేశానికి ప్రమాదకారిగా మారాయి. సరిహద్దుల్లో చైనా బలగాలతో మన సైన్యం పోరాడాల్సిన పరిస్థితి. దేశంలో ‘చైనా వైరస్ – కరోనా’తో దేశ ప్రజలంతా పోరాడుతున్నారు. సరిహద్దు వివాదం విషయానికొస్తే, ‘చైనా బలగాలు మన భూభాగంలోకి రాలేదు’ అని కేంద్రం ఇదివరకే ప్రకటించింది. పైగా, ఆయుధాలు ఉపయోగించలేదనీ కేంద్రం తేల్చి చెప్పింది. అలాంటప్పుడు, సరిహద్దుల్లో గొడవ ఎలా జరిగింది.? మనమెందుకు జవాన్లను కోల్పోయాం.? అన్న ప్రశ్నలకు ఇప్పటికీ కేంద్రం నుంచి సమాధానం లేదు.
అరుణాచల్ప్రదేశ్తోపాటు, లడఖ్ కూడా తమదేనని చైనా వాదిస్తోంది. ప్రస్తుతానికైతే గల్వామా ప్రాంతంపై తీవ్ర గందరగోళం నెలకొంది. అక్కడ పరిస్థితులు ఎప్పుడు ఎలా మారిపోతాయో చెప్పలేం. ‘తప్పంతా భారతదేశానిదే..’ అని చైనా అంటోంది. మరోపక్క, అమెరికా.. భారత్కి మద్దతుగా సైనిక బలగాలతో మద్దతిస్తామని చెబుతుండడం కొత్త సమీకరణాలకు తెరలేపుతోంది. కానీ, ఇది ఇంకో రకంగా భారత్కి నెగెటివ్గా మారే అవకాశముంది. చైనాకీ, భారత్కీ ఉమ్మడి మిత్రుడైన రష్యా.. భారత – చైనా మధ్య వివాదంలో అమెరికా జోక్యాన్ని అస్సలు సహించే పరిస్థితి వుండదు.
ఇదిలా వుంటే, చైనా యాప్స్ని కేంద్రం నిషేధించడంపై భిన్నాభిప్రాయాల వ్యక్తమవుతున్నాయి. టిక్టాక్ అయితే, కేంద్రం తీసుకున్న నిర్ణయంపై అసహనం వ్యక్తం చేయడమే కాదు, ‘డేటా చోరీ’ ఆరోపణల్ని తిప్పి కొడుతోంది. మరి, ఇలాంటి విషయాలపై మోడీ తన ప్రసంగంలో ఎలా స్పందిస్తారన్నది ఆసక్తికరమే. అన్నిటికీ మించి, లాక్డౌన్తో ఏం సాధించాం.? అన్నదానిపై మోడీ వివరణ ఇవ్వాల్సి వుంది. ‘ఇలా చేయండి.. అలా చేయండి.. దేశం చాలా గొప్పది..’ అంటూ షరామామూలు ప్రసంగాన్ని దేశ ప్రజానీకం కోరుకోవడంలేదు. కరోనా కట్టడికి కేంద్రం ఏం చర్యలు తీసుకుంటోంది.? రాష్ట్రాలకు కేంద్రం ఎలాంటి సాయం చేస్తోంది ఈ విషయంలో.? ఆర్థిక సంక్షోభంలో కూరుకుపోయిన సగటు భారతీయుడ్ని కేంద్రం ఎలా ఆదుకుంటుంది.? వంటి ప్రశ్నలకు స్పష్టమైన సమాధానం మోడీ ప్రసంగంలో వుంటుందని ఆశిద్దాం.
330604 125947I think one of your advertisements triggered my internet browser to resize, you may want to put that on your blacklist. 302632
99015 153594Located this on MSN and Im happy I did. Well written post. 353798
131275 332461Hey, I think your site might be having browser compatibility issues. When I look at your website in Chrome, it looks fine but when opening in Internet Explorer, it has some overlapping. I just wanted to give you a quick heads up! Other then that, wonderful blog! 702142
201604 447193Many thanks for sharing this fine piece. Very fascinating suggestions! (as always, btw) 48178