ఏమయ్యింది తెలంగాణలోని అధికార పార్టీ నేతలకి.? వున్నపళంగా పార్టీ వర్కింగ్ ప్రెసిడెంట్, మంత్రి కల్వకుంట్ల తారకరామారావు పట్ల అభిమానం ఎందుకు వెయ్యి రెట్లు పెరిగిపోతోంది గులాబీ ప్రజా ప్రతినిథులకి. త్వరలో, అతి త్వరలో కేటీఆర్, తెలంగాణ ముఖ్యమంత్రి పీఠమెక్కబోతున్నారంటూ ఒకరితో ఒకరు పోటీ పడి ప్రజా ప్రతినిథులు ప్రకటనలు చేసేస్తున్నారు.
ఒకరా.? ఇద్దరా.? దాదాపుగా ప్రజా ప్రతినిథులందరిదీ ఇదే మాట. ‘కేటీఆర్ ముఖ్యమంత్రి అయితే తప్పేంటి.?’ అని ఎదురు ప్రశ్నిస్తున్నవారు కొందరు.. ‘కేటీఆర్ ముఖ్యమంత్రి అయితే, తెలంగాణ ఇంకా గొప్పగా అభివృద్ధి చెందుతుంది’ అనేవారు ఇంకొందరు. కేటీఆర్, తెలంగాణ ముఖ్యమంత్రి అయితే, కేంద్ర ప్రభుత్వంతో సఖ్యత పెరగొచ్చని ఇంకొందరు టీఆర్ఎస్ నేతలు వ్యాఖ్యానిస్తుండడం ఇంకాస్త ఆశ్చర్యకరం.
ఫిబ్రవరి 17, 18, 19 తేదీల్లో ఏదో ఒక రోజున కేటీఆర్ పట్టాభిషేకం జరగవచ్చన్నది టీఆర్ఎస్ వర్గాల నుంచి మీడియాకి అందుతున్న లీకుల సారాంశం. తాజాగా మంత్రి కేటీఆర్ సమక్షంలోనే డిప్యూటీ స్పీకర్ పద్మారావుగౌడ్, కాబోయే ముఖ్యమంత్రి కేటీఆర్.. అని నినదించేశారు. కొందరు టీఆర్ఎస్ ప్రజా ప్రతినిథులు సోషల్ మీడియా వేదికగా, అప్పుడే ‘శుభాకాంక్షలు’ కూడా చెప్పస్తున్నారు.
తెరవెనుక ఏదో జరుగుతోందిగానీ, అదేంటన్నదానిపై మీడియాకి అస్సలు ఉప్పందడంలేదు. కేటీఆర్ సమర్థుడే.. ఈ విషయంలో ఎవరికీ ఎలాంటి సందేహాల్లేవు. కానీ, కేసీఆర్.. చాలా ఎనర్జిటిక్గానే కనిపిస్తున్నారు. ఆయనలో రాజకీయంగా అలసత్వం, నిస్సత్తువ అనేవి లేనే లేవు. కేసీఆర్ ఎప్పుడైనా మాటల తూటాలు పేల్చగలరు. ఆయన మాటకున్న క్రేజ్ని, కేటీఆర్ మాటలతో పోల్చలేం. పోనీ, జాతీయ రాజకీయాల్లో చక్రం తిప్పేసేంత సానుకూల వాతావరణం కల్వకుంట్ల చంద్రశేఖర్ రావుకి వుందా.? అంటే, అదీ లేదాయె.
ఏ ఈక్వేషన్ ప్రకారం కేసీఆర్, తన కుమారుడికి పట్టాభిషేకం చేయాలనుకుంటున్నారోగానీ.. ఆయన అనుమతి లేకుండా, తెలంగాణలో ప్రజా ప్రతినిథులు కేటీఆర్ భజనలో మునిగి తేలరు కదా.!
550875 764456camping have been the most effective activity that we can have during the summer, i adore to roast marshmallows on a campfire` 142527
572557 789234Great website you got here! Please maintain updating, I will def read more. Itll be in my bookmarks so far better update! 480796
19923 664513Hmm is anyone else experiencing difficulties with the images on this weblog loading? Im trying to uncover out if its a dilemma on my finish or if it is the blog. Any responses would be greatly appreciated. 243005
338063 767678Cause thats required valuable affiliate business rules to get you started on participating in circumstances appropriate for your incredible web-based business concern. Inernet marketing 524