Gaami: విశ్వక్ సేన్ (Vishwak Sen) హీరోగా నటించిన అడ్వంచరెస్ మూవీ ‘గామి’. (Gaami) ఇటివల విడుదలైన సినిమా పాజిటివ్ టాక్ తో విజయవంతంగా ప్రదర్శితమవుతోంది. 3రోజుల్లోనే దాదాపు 20కోట్లు కలెక్షన్లు సాధించి సత్తా చాటుతోంది. దీంతో సినిమాను విజయవంతం చేసిన ప్రేక్షకులకు హీరో విశ్వక్ సేన్ ధన్యవాదాలు తెలిపారు. అలానే.. సినిమాకు కావాలనే తక్కువ రేటింగ్ ఇస్తున్నారని మండిపడ్డారు. దీనిపై సోషల్ మీడియాలో ఓ లేఖ విడుదల చేశారు.
‘గామిని ఆదరిస్తున్న ప్రేక్షకులకు ధన్యవాదాలు. కానీ.. సినిమాకు కావాలనే నెగటివ్ టాక్ తీసుకొచ్చేందుకు కొందరు చేస్తున్న ప్రయత్నాలు నా దృష్టికి వచ్చాయి. బుక్ మై షోలో కావాలనే 10కి 1 రేటింగ్ ఇస్తున్నారు. కొన్ని యాప్స్ తో ఫేక్ రేటింగ్ ఇవ్వడంతో 9 నుంచి 1కి పడిపోయింది. మీరు నన్ను ఎంత కిందకి లాగాలని చూస్తున్నా రెట్టింపు ఉత్సాహంతో పైకొస్తాను. ఇదంతా ఎవరు, ఎందుకు చేస్తున్నారో తెలీదు. దీనిపై లీగల్ యాక్షన్ తీసుకుంటాను. గామిని సపోర్ట్ చేస్తున్న ప్రేక్షకులు, మీడియాకు ధన్యవాదాల’ని అన్నారు.
Wow, this post is nice, my younger sister is analyzing these kinds of things, so I am going to let know her.