ఎక్స్ క్లూజివ్: పూరికి బంపర్ ఆఫర్ ఇచ్చిన ప్రభాస్ ప్రొడక్షన్.!

ప్రభాస్ ఎప్పుడు ప్రొడక్షన్ స్టార్ట్ చేశాడా అని ఆలోచిస్తున్నారా..? ప్రభాస్ నిర్మాతగా పేరు వేసుకోకపోయినా యువి క్రియేషన్స్ అనేది ప్రభాస్ సొంత ప్రొడక్షన్ కిందకే వస్తుంది. ఆ ప్రొడక్షన్ కావాల్సిన కాంబినేషన్స్ అన్నీ ప్రభాస్ దగ్గరుండి మరీ సెట్ చేస్తుంటాడు. ప్రభాస్ తదుపరి సినిమా ‘రాధే శ్యామ్'(వర్కింగ్ టైటిల్) కూడా యువి క్రియేషన్స్ వారే నిర్మిస్తున్నారు.

ఇప్పుడు అసలు విషయంలోకి వస్తే.. ప్రస్తుతం టాలీవుడ్ టాప్ నిర్మాణ సంస్థలన్నీ వెబ్ కంటెంట్ చేయడంలో తమ జోరు చూపిస్తున్నాయి. అందులో భాగంగా యువి క్రియేషన్స్ వారు డాషింగ్ డైరెక్టర్ పూరికి ఓ బంపర్ ఆఫర్ ఇచ్చారని సమాచారం. అదేమిటంటే.. యువి క్రియేషన్స్ కోసం ఓ వెబ్ సీరీస్ చేసి పెట్టమని పూరి జగన్నాధ్ కి ఓ బంపర్ అమౌంట్ ని ఆఫర్ చేశారు. అలాగే ఆయనకి ఎలాంటి కండిషన్స్ పెట్టలేదు. స్క్రిప్ట్ దగ్గరనుంచి నటీనటులు, సీరీస్ బడ్జెట్ ఇలా మొత్తం ఆయన ఇష్టం వచ్చినవే సెలక్ట్ చేసుకోమన్నారు. పూరి ఈ విషయంపై ఇంకా క్లారిటీ ఇవ్వలేదు.

ప్రస్తుతం పూరి విజయ్ దేవరకొండ హీరోగా ‘ఫైటర్’ అనే పాన్ ఇండియా సినిమా చేస్తున్నారు. ఈ సినిమా అయ్యాక మరో పాన్ ఇండియా ప్రాజెక్ట్ చేసే పనిలో ఉన్నారు పూరి జగన్నాధ్. ఈ కరోనా ఎఫెక్ట్ లేకపోయి ఉంటే మాత్రం పూరి జగన్నాధ్ కి ఈ వెబ్ సీరీస్ చేయడం పెద్ద విషయం కాదు. ఎందుకంటే ప్రస్తుతం ఉన్న డైరెక్టర్స్ లో సూపర్ స్పీడ్ లో సినిమాలు చేయగల సమర్ధుడు పూరి జగన్నాధ్. షూటింగ్స్ కష్టమైన ఈ టైంలో ఈ భారీ ఆఫర్ ని పూరి ఓకే చేస్తాడా? లేదా అనేది తెలియాల్సి ఉంది.