వైఎస్సార్‌ కాంగ్రెస్‌ పార్టీ అంటే ఏంటి.? అని గ్రామ స్థాయిలో ఎవర్నన్నా ప్రశ్నిస్తే, ‘రాజశేఖర్‌రెడ్డి పార్టీ’, ‘జగన్ పార్టీ’ అని అంటుంటారు. కానీ, వైఎస్సార్‌ కాంగ్రెస్‌ పార్టీ అసలు పేరు వేరు. ఇది యువజన శ్రామిక రైతు కాంగ్రెస్‌ పార్టీ. తెలంగాణలోని నల్గొండ జిల్లాకి చెందిన శివకుమార్‌ అనే వ్యక్తి ఈ పార్టీ పేరుని ఎన్నికల కమిషన్‌ వద్ద రిజిస్టర్‌ చేశారు. ఇక, ‘అన్న వైఎస్సార్‌ కాంగ్రెస్‌ పార్టీ’ పేరుతో ఇంకో పార్టీ వుంది. అది కడప జిల్లాకి చెందిన భాషా అనే ఒకప్పటి వైఎస్సార్‌ సన్నిహితుడి పేరుతో రిజిస్టర్‌ అయ్యింది.
ఇంతకీ, ఈ పేర్ల గొడవ ఇప్పుడెందుకు.? అంటే, ఆ స్థాయిలో రాజకీయాలు కొత్త మలుపులు తిరుగుతున్నాయి. వైఎస్సార్సీపీలో ఎంపీ రఘురామకృష్ణంరాజు చుట్టూ పెద్ద రచ్చ జరుగుతున్న విషయం విదితమే. ఆయనకు వైఎస్సార్‌ కాంగ్రెస్‌ పార్టీ పేరుతో విజయసాయిరెడ్డి షోకాజ్‌ నోటీస్‌ ఇవ్వడంతోనే అసలు రగడ షురూ అయ్యింది. ‘అసలు వైఎస్సార్‌ కాంగ్రెస్‌ పార్టీ పేరుతో మీరెలా నోటీస్‌ ఇస్తారు.? మనది యువజన శ్రామిక రైతు కాంగ్రెస్‌ పార్టీ కదా.!’ అని రఘురామకృష్ణంరాజు ప్రశ్నిస్తూ ఓ లేఖ విడుదల చేసిన విషయం విదితమే.
కథ ఇక్కడితో ఆగిపోలేదు. ‘అన్న వైఎస్సార్‌ కాంగ్రెస్‌ పార్టీ’ వ్యవస్థాపకుడు భాషా మీడియా ముందుకొచ్చారు. షోకాజ్‌ లెటర్‌ విషయమై తాను ‘యువజన శ్రామిక రైతు కాంగ్రెస్‌ పార్టీ’కి నోటీసులు ఇస్తానని అంటున్నారాయన. వైఎస్ రాజశేఖర్‌రెడ్డి జీవించి వున్నప్పుడే, ‘అన్న వైఎస్సార్‌ కాంగ్రెస్‌ పార్టీ’ ఆలోచనలు జరిగాయనీ, అదంతా వైఎస్ రాజశేఖర్‌రెడ్డికీ తెలిసిన వ్యవహారమేనని ‘భాషా’ పెద్ద బాంబే పేల్చారు. ఇందులో నిజమెంత.? అన్నది తేలాల్సి వుందనుకోండి.. అది వేరే విషయం. ఇక, సీన్‌లోకి రావాల్సింది ‘యువజన శ్రామిక రైతు కాంగ్రెస్‌ పార్టీ’ వ్యవస్థాపకుడు శివకుమార్‌.
అసలు ఈ కథ మొత్తం కేంద్రం ఎన్నికల సంఘం దృష్టికి వెళితే, అట్నుంచి ఎలాంటి స్పందన వస్తుందన్న విషయమై రాజకీయ వర్గాల్లో ఆసక్తికరమైన చర్చ జరుగుతోంది. ‘వైఎస్సార్‌ కాంగ్రెస్‌ పార్టీ అని చెప్పినా.. యువజన శ్రామిక రైతు కాంగ్రెస్‌ పార్టీ అని చెప్పినా ఒకటే.. రఘురామకృష్ణరాజు తెలివిగా మాట్లాడుతున్నాననుకుంటున్నారుగానీ, ఆయన తప్పటడుగులు వేస్తున్నారు.. ఆయనపై పార్టీ పరంగా చర్యలు తప్పవు..’ అంటూ ఓ ఛానల్‌ చర్చా కార్యక్రమంలో రఘురామకృష్ణంరాజు వుండగానే వైసీపీ నేత మల్లాది విష్ణు వ్యాఖ్యానించడం గమనార్హం. రఘురామకృష్ణంరాజు మాత్రం, ‘ఎవరెవరో ఏదేదో పనికిమాలిన మాటలు చెబుతుంటారు.. వైఎస్ జగన్ మాత్రం నన్ను పార్టీలోంచి బయటకు పంపరు..’ అని తేల్చి చెబుతుండడం గమనార్హం.
794810 685956Hi my loved 1! I want to say that this article is incredible, fantastic written and incorporate almost all vital infos. I would like to peer far more posts like this . 493252
308521 616047This is the very first time I frequented your website page and up to now? I amazed with the analysis you made to make this particular put up extraordinary. 639553
962375 58934We could have a link exchange agreement between us! 631860
773551 718664I truly appreciated this great weblog. Make confident you maintain up the great function. All the greatest !!!! 283528