ఆ రెండు జిల్లాల్లో ఏకగ్రీవాలకు ఎన్నికల కమిషన్ గ్రీన్ సిగ్నల్

రోజుకో సంచలనం రేకెత్తిస్తున్న ఏపీ పంచాయతీ ఎన్నికల్లో ఈరోజు ఎన్నికల కమిషన్ ఓ నిర్ణయం తీసుకుంది. చిత్తూరు, గుంటూరు జిల్లాల్లో ఏకగ్రీవాలకు గ్రీన్ సిగ్నల్ ఇస్తూ నిర్ణయం తీసుకుంది. రేపు, ఎల్లుండి విజేతలకు డిక్లరేషన్లు ఇవ్వాలని అధికారులకు సమాచారం అందించింది. ఇటివలే ఈ రెండు జిల్లాల్లో జరిగిన ఏకగ్రీవాల ఎన్నికను ఎన్నికల కమిషన్ తదుపరి ఆదేశాలు ఇచ్చేవరకూ వాయిదా వేయాలని ఆదేశాలిచ్చిన సంగతి తెలిసిందే.

రేపు తొలి విడత ఎన్నికలు జరుగనున్న నేపథ్యంలో ఈరోజు ఎస్ఈసీ ఈ నిర్ణయం తీసుకుంది. మరోవైపు రేపే తొలి విడత పంచాయతీ ఎన్నికల పోలింగ్ జరగనుంది. ఇప్పటికే అధికారులు భారీ ఏర్పాట్లు చేశారు. రాష్ట్రం మొత్తం ఈ ఎన్నికలపై ఆసక్తిగా ఎదురుచూస్తోంది.