మీకు తెలుసా.? పోలవరం ప్రాజెక్టులో పులస చేపల కోసం ప్రత్యేక ఏర్పాట్లు చేస్తున్నారట. ఆ ప్రత్యేక మార్గంలో పులస చేపలు, పోలవరం ప్రాజెక్టు ఎగువకు తేలిగ్గా వెళ్లగలుగుతాయట. ఇది సాంకేతిక అద్భుతం.. అంటూ ప్రచారం జరుగుతోంది.
అసలు పోలవరం ప్రాజెక్టు ఎప్పుడు పూర్తవుతుంది.? ఆ ప్రాజెక్టు ఫలాలు రాష్ట్రానికి ఎప్పుడు అందుతాయి.? అన్నదానిపై స్పష్టత లేదుగానీ, ‘పులస’ కథలు మాత్రం తెరపైకొచ్చాయి. నవ్విపోదురుగాక మనకేటి సిగ్గు.? అన్న చందాన వుంది పరిస్థితి.
సరే, పులస చేపల వ్యవహారం గురించి కాస్సేపు మాట్లాడుకుందాం. సముద్రం నుంచి గోదావరి నదిలోకి పులసలు ఈదుకుంటూ వస్తాయి. సముద్రంలో వున్నప్పుడు వీటిని ‘ఇలస’ అని మత్యకారులు పిలుస్తారు. గోదావరి నదిలోకి వచ్చాక, ‘ఇలస’ కాస్తా, పులసగా మారుతుంది.. దాని రుచి కూడా మారిపోతుంది.
ఇంతకీ, ఇప్పుడు పులస పరిస్థితేంటి.? గత కొంత కాలంగా పులస చేపల లభ్యత గణనీయంగా తగ్గిపోయింది. గోదావరి నది వద్దకు వచ్చే లోపు సముద్రంలోనే ‘ఇలస’ చేపల వేట ఎక్కువైపోయింది. ఒరిస్సా తదితర రాష్ట్రాల్లోనే చాలావరకు ‘ఇలసల’ వేట జరిగిపోతోంది. ఎక్కడో పశ్చిమ బెంగాల్ నుంచి ఇవి వలస వస్తుంటాయని చెబుతుంటారు.
ఇక, గోదావరిలోకి ప్రవేశించాక.. కాటన్ బ్యారేజీకి ఎగువన పులసలు లభ్యమవడం గగనం. అలాంటిది, అంతకన్నా చాలా దూరంలో పైనెక్కడో వున్న పోలవరం ప్రాజెక్టు వద్దకు పులసలు ఎలా వెళతాయబ్బా.? అదే మరి, మ్యాజిక్కు.
సరే, అవన్నీ జరుగుతాయనుకుందాం. ఇంతకీ, పోలవరం ప్రాజెక్టు పూర్తయ్యేదెప్పుడు.? చంద్రబాబు హయాంలోనే దాదాపు డెబ్భయ్ శాతం ప్రాజెక్టు పూర్తయిపోయిందన్నారు. మరి, గడచిన రెండున్నరేళ్ళలో మిగిలిన 30 శాతం ప్రాజెక్టు ఎందుకు పూర్తవలేదు.? ప్రాజెక్టు వ్యధ పక్కన పెట్టి, పులస ప్రచారం చేసుకుంటున్నామంటే.. ఏ స్థాయికి వ్యవస్థలు దిగజారిపోయాయో అర్థం చేసుకోవచ్చు.
ఇంతేనా లేక పోలవరం ప్రాజెక్టు పులస ఛేపలని, ర్రొయ్యలని రాయలసీమ జ్జిల్లాలకు పంపించే …న్న ఛేపలు, ర్రొయ్యల పధకాలు కూడా ఉన్నాయా? ఈ పైత్యానికి కారణం ఖచ్చితంగా ప్రత్యేక సలహాదారుల మేధస్సు ఫలితమే.
113177 117601Spot on with this write-up, I genuinely suppose this internet site needs rather more consideration. most likely be once far more to learn considerably much more, thanks for that info. 767588