కరోనా కారణంగా సినీ పరిశ్రమ సంక్షోభంలో చిక్కుకుంది. లాక్ డౌన్ కారణంగా థియేటర్లు మూతపడటంతో సినిమాలు విడుదలయ్యే పరిస్థితి లేదు. లాక్ డౌన్ తర్వాత థియేటర్లు ఓపెన్ చేసిన తర్వాత కూడా మునుపటిలా ప్రేక్షకులు థియేటర్లకు వస్తారా లేదా అనేది ఇప్పుడే చెప్పలేం. ఈ నేపథ్యంలో ఇప్పటికే విడుదలకు సిద్దంగా ఉన్న పలు సినిమాల పరిస్థితి ఘోరంగా మారింది. వడ్డీలకు అప్పులు తెచ్చి పెట్టుబడి పెట్టినవారు బెంబేలెత్తుతున్నారు. పెద్ద నిర్మాతలైతే కాస్త తట్టుకోగలరు గానీ, చిన్న నిర్మాతలకు ప్రస్తుత పరిస్థితి తలకు మించిన భారమే.
ఈ నేపథ్యంలో ఇలాంటివారికి ఓవర్ ద టాప్ (ఓటీటీ) వేదికలు ఆశలు రేకెత్తిస్తున్నాయి. సినిమాలు ఇప్పట్లో విడుదలయ్యే పరిస్థితి లేనందున నేరుగా ఓటీటీలో విడుదల చేయాలని కోరుతున్నాయి. ఇందుకు సంబంధించి మంచి మొత్తాలనే ఆఫర్ చేస్తున్నాయి. ప్రస్తుత పరిస్థితుల్లో ఇది చిన్న నిర్మాతలకు ఇది వరమే. అయితే, ఓటీటీల్లో విడుదల చేయడానికి హీరోలు అంత సుముఖంగా ఉండటంలేదు. సినిమా అంటే థియేటర్ లో మాత్రమే చూడాలన్నది వారి అభిప్రాయంగా కనిపిస్తోంది.
కానీ ప్రస్తుత కరోనా కల్లోలం నేపథ్యంలో అది ఇప్పట్లో సాధ్యమయ్యే పరిస్థితి లేదు. దీంతో పలువురు నిర్మాతలు తప్పనిసరి పరిస్థితుల్లో ఓటీటీ వైపు మొగ్గు చూపిస్తున్నారు. అల్లు అరవింద్, దిల్ రాజు వంటి బడా నిర్మాతలు కూడా ప్రస్తుత పరిస్థితుల్లో ఓటీటీ ఒక్కటే దారి అని చెబుతున్నారు.
సినిమా విడుదల ఆలస్యమయ్యే కొద్దీ దానిపై జనాలకు ఆసక్తి తగ్గిపోతుందని, అందువల్ల నిర్మాతల ప్రయోజనం మేరకు నిర్ణయం తీసుకోవాలని దిల్ రాజు అభిప్రాయపడగా.. ప్రస్తుత పరిస్థితుల్లో ఓటీటీకి అమ్ముకోవడం మినహా మరో దారి లేదని అల్లు అరవింద్ చెబుతున్నారు. ఆయన ఇటీవలే ఆహా అనే ఓటీటీ ప్రారంభించిన సంగతి తెలిసిందే. ఇది కూడా ఆయన ఓటీటీ వైపు మొగ్గు చూపడానికి ఒక కారణం కావొచ్చు.
నిజానికి ఓటీటీకి సినిమాను అమ్ముకోవడం వల్ల నిర్మాతలకు భారీగా లాభాలు వచ్చేస్తాయని చెప్పలేం. ఒక్కో సినిమాకు పెట్టుబడి కూడా పూర్తిగా రాకపోవచ్చు. కానీ జరగబోయే నష్టాన్ని సాధ్యమైనంతగా తగ్గించుకోవడానికి మాత్రం ఓటీటీ ఉపయోగపడుతుంది.
873596 956225Sweet internet site , super style and design , rattling clean and utilize genial . 80238
708572 365473My spouse and I stumbled over here from a different site and thought I may possibly as properly check things out. I like what I see so now im following you. Appear forward to going over your internet page repeatedly. 474687