కరోనాని ఇలా కట్టడి చేయగలం: మోడీతో పత్రికాధిపతులు

ప్రధాన మంత్రి నరేంద్ర మోడీ, కరోనా వైరస్‌ని నిలువరించే విషయమై దేశంలోని పత్రికాధిపతులతో వీడియో కాన్పÛరెన్స్‌ ద్వారా చర్చించడం, ఈ క్రమంలో పలువురు మీడియా అధిపతులు తమ సూచనల్ని సలహాల్ని ప్రధానికి వివరించడం జరిగింది. దేశంలో ఇప్పటికే 500కి పైగా కరోనా వైరస్‌ పాజిటివ్‌ కేసులు నమోదయిన విషయం విదితమే. ప్రధానంగా కరోనా వైరస్‌ పాజిటివ్‌ కేసులు నగరాల్లో ఇప్పటివరకూ నమోదవడం చూస్తున్నాం. విదేశాల నుంచి వచ్చినవారే ఎక్కువగా కరోనా వైరస్‌ బాధితులుగా వుంటున్నారు.

వారి నుంచి, వారి కుటుంబ సభ్యులకు ఇప్పుడిప్పుడే కరోనా వైరస్‌ సోకుతోంది. ఈ నేపథ్యంలో తొలుత గ్రామాల స్థాయిలో కరోనా వైరస్‌ని నియంత్రించేలా చర్యలు ఉధృతం చేస్తే కరోనా వైరస్‌కి అడ్డుకట్ట వేయడం సాధ్యపడుతుందని ఈనాడు గ్రూపు సంస్థల అధినేత రామోజీరావు ప్రధాని నరేంద్ర మోడీకి విజ్ఞప్తి చేశారు. అలా చేయడం ద్వారా 65 శాతం మంది ప్రజల్ని కరోనా వైరస్‌కి దూరంగా వుంచవచ్చన్నది రామోజీరావు ప్రతిపాదన.

మరోపక్క, మేకిన్‌ ఇండియా ప్రోగ్రావ్‌ులో భాగంగా దేశాయ ఫార్మా ఇండస్ట్రీని ప్రోత్సహించి, కరోనా వైరస్‌పై పోరాటంలో వారి సహకారాన్ని పొందవచ్చన్నది రామోజీరావు చేసిన మరో సూచన. కరోనా వ్యాక్సీన్లు, మందులను వీలైనంత త్వరగా కనిపెట్టడానికి ఇది ఉపకరిస్తుందన్నది రామోజీరావు ప్రతిపాదించిన కీలకమైన అంశం. చైనాలో కరోనా వైరస్‌ని నియంత్రించేందుకు తీసుకున్న చర్యల్ని అధ్యయనం చేయాల్సి వుందని రామోజారావు అభిప్రాయపడ్డారు.

ఆంధ్రజ్యోతి అధినేత వేమూరి రాధాకృష్ణ సహా దేశంలోని పలు మీడియా సంస్థల అధిపతులు తమ విలువైన సూచనలు, సలహాల్ని ప్రధాని నరేంద్ర మోడీ దృష్టికి తీసుకొచ్చారు. మరోపక్క, కరోనాకి అడ్డుకట్ట వేయడానికి భారత ప్రభుత్వం తీసుకుంటున్న చర్యల్ని నరేంద్ర మోడీ మీడియా అధిపతులకు వివరించారు.