రాజధాని అమరావతి కోసం భూములిచ్చిన రైతులకు అండగా వుంటామని జనసేన అధినేత పవన్ కళ్యాణ్ స్పష్టం చేశారు. ‘రైతులు ప్రభుత్వాన్ని నమ్మి భూముల్ని ఇచ్చారు. ప్రభుత్వం అంటే ఓ పార్టీకి సంబంధించిన వ్యవహారం కాదు. ప్రభుత్వంలో వున్నవారు ఐదేళ్ళకోసారి మారొచ్చు.. అలా మారిన ప్రతిసారీ రాజధానులు మార్చుకుంటూ పోతామంటే ఎలా.? రైతులకు ప్రభుత్వం ఇచ్చిన హామీల్ని నెరవేర్చాలి. అమరావతికి మద్దతుగా ప్రతిపక్ష నేత హోదాలో అసెంబ్లీ సాక్షిగా మద్దతు పలికిన వైఎస్ జగన్, అమరావతిలోనే ఇల్లు కట్టుకున్నారు. మరిప్పుడు ఎందుకు రాజధానిని అమరావతి నుంచి తరలిస్తున్నారు.?’ అని జనసేన అధినేత ప్రశ్నించారు.
పార్టీ ముఖ్య నేతలతో టెలికాన్పరెన్స్ నిర్వహించిన జనసేన అధినేత పవన్ కళ్యాణ్, రాష్ట్రంలో తాజా రాజకీయ పరిణామాలపై చర్చించారు. ‘ఈ సందర్భంగా అమరావతి అంశం అత్యంత కీలక ఎజెండాగా మారింది. చంద్రబాబు ముఖ్యమంత్రిగా వున్నప్పుడూ రైతుల తరఫున మాట్లాడాం.. అప్పుడు టీడీపీ మనల్ని విమర్శించింది.. ఆ తర్వాతా అమరావతి రైతుల గురించి మాట్లాడుతున్నాం.. వైసీపీ మనల్ని విమర్శించింది.. వైసీపీ, టీడీపీ రెండూ ఒకటే ప్రజల్ని మోసం చేయడంలో. ప్రజా సమస్యల విషయంలో జనసేనకు మాత్రమే చిత్తశుద్ధి వుంది.. అందుకే, కష్టమొచ్చినప్పుడు జనసేన తలుపు తడుతున్నారు..’ అని జనసేన ముఖ్య నేతలు వ్యాఖ్యానించారు.
అమరావతి విషయంలో అవసరమైతే న్యాయపోరాటానికి సిద్ధంగా వుండాలని పార్టీ శ్రేణులకు జనసేన అధినేత పిలుపునిచ్చారు. మూడు రాజధానుల విషయమై న్యాయ కోవిదులతో చర్చించనున్నట్లు జనసేన అధినేత పవన్ కళ్యాణ్ స్పష్టం చేశారు. ‘రైతు కంటతడి పెడితే అది రాష్ట్రానికి మంచిది కాదు. మూడు రాజధానుల పేరుతో అటు ఉత్తరాంధ్రనీ, ఇటు రాయలసీమనీ మభ్యపెట్టొద్దు.. ఇది విభజన రాజకీయాలకు దారి తీస్తుంది..’ అంటూ జనసేన అధినేత పవన్ కళ్యాణ్ వైఎస్సార్సీపీ ప్రభుత్వంపై మండిపడ్డారు.
‘మేం టీడీపీకి అలాగే వైసీపీకి సమదూరం పాటిస్తున్నాం.. ప్రజల తరఫున ఈ రెండు పార్టీలతో రాజకీయ పోరాటం చేస్తున్నాం..’ అని జనసేన అధినేత పునరుద్ఘాటించారు. ‘ఎన్నికల్లో ఓట్ల కోసం అమరావతిని తరలించడంలేదని వైఎస్ జగన్ సహా వైఎస్సార్సీపీ నేతలంతా చెప్పారు.. ఇప్పుడు మూడు రాజధానులంటున్నారు.. కృష్ణా, గుంటూరు జిల్లాలకు చెందిన వైసీపీ ప్రజా ప్రతినిథులు రాజీనామా చేయాలి.. వైసీపీతోపాటు టీడీపీ ఎమ్మెల్యేలూ రాజీనామా చేయాలి..’ అని ఈ సందర్భంగా జనసేన పార్టీ డిమాండ్ చేసింది.
639857 960658Gratitude for building this send! I in reality realize the no cost information. 605416
607006 244685wonderful . Thanks for informations . Ill be back. Thanks again 951832
405285 630515Admiring the time and effort you put into your site and in depth information you offer. It is very good to come across a blog every once in a although that isnt the same out of date rehashed material. Wonderful read! Ive saved your site and Im including your RSS feeds to my Google account. 921884