దేవుడిలా మాయలు మంత్రాలు తెలిసి వుంటే బావుండేదేమో.! ఏం, ఆ మాయలూ మంత్రాలూ తెలియకపోయినా పవర్ స్టార్ పవన్ కళ్యాణ్ దేవుడే. కోట్లాదిమంది అభిమానులు పవన్ కళ్యాణ్ని ఓ సినీ నటుడిగానో, రాజకీయ నాయకుడిగానో చూడరు.. ఆయన్ని దేవుడిగానే భావిస్తారు. దేవుడంటే, అందరికీ మంచి చేసేవాడని.
ఆ మధ్య ఖమ్మం జిల్లాలో ఓ చిన్నారి తీవ్ర అనారోగ్యంతో మంచాన పడితే, ఆమె బతికే అవకాశాలే లేవని వైద్యులు తేల్చేస్తే.. ఆ అభిమానిని పలకరించేందుకు పవన్కళ్యాణ్ వెళ్ళడం అందరికీ గుర్తుండే వుంటుంది. తన అభిమాన హీరోని చూడలేని దుస్థితి అప్పట్లో ఆ చిన్నారిది. ఆ చిన్నారి దయనీయ స్థితి చూసి పవన్ కళ్యాణ్ కళ్ళు చెమర్చాయి. ‘ఆమె బతుకుతుంది.. నా దగ్గరకు ఆరోగ్యంగా వస్తుంది..’ అంటూ ఆ చిన్నారి తల్లిదండ్రులకు భరోసా ఇచ్చారు పవన్ కళ్యాణ్.
పవన్ కళ్యాణ్ దేవుడేనేమో.. లేకపోతే, ఆ చిన్నారి కోలుకోవడమేంటి.? కోలుకుని, పవన్ చెప్పినట్లుగా నడవడమేంటి.? పవన్ కళ్యాణ్ వద్దకు వెళ్ళి కలవడమేంటి.? ఇది నిజంగానే మెడికల్ మిరాకిల్. అన్ని సందర్భాల్లోనూ అలా జరుగుతుందని అనుకోలేం. జరగాలని ఆశిద్దాం. మంచి జరిగితే, ఆ మంచి ఎవరి వల్ల జరిగినా అభినందించాల్సిందే.
తాజాగా పవన్ కళ్యాణ్, మరో అభిమానిని అత్యంత దయనీయ స్థితిలో పరామర్శించారు. సినీ నటుడిగా పవన్ కళ్యాణ్ని అభిమానించిన బుడిగయ్య అనే వ్యక్తి, జనసేన కార్యకర్తగా మారాడు. జనసేన పార్టీ కోసం పనిచేశాడు. మరోపక్క క్యాన్సర్, బుడిగయ్యను కబళించేస్తోంది. ఓ వైపు వైద్య చికిత్స పొందుతూనే, జనసేన పార్టీ కార్యకలాపాల్లో పాల్గొన్నాడు బుడిగియ్య. వ్యాధి ముదరడంతో మంచానికే పరిమితమైన జనసైనికుడ్ని పరామర్శించేందుకు పవన్ కళ్యాణ్ ఆయన స్వగ్రామం వెళ్తానని కూడా పార్టీ శ్రేణులకు సమాచారమిచ్చారు.
ఇంతలో ఆ అభిమాని, అంబులెన్స్ సాయంతో పార్టీ కార్యాలయానికి రావడంతో, అంబులెన్స్లోనే తన అభిమానిని పరామర్శించారు పవన్ కళ్యాణ్. సదరు అభిమాని ఆరోగ్య పరిస్థితిని స్వయంగా తెలుసుకున్న పవన్, అక్కడికక్కడ లక్ష రూపాయల ఆర్థిక సహాయం అందించడమే కాదు, మెరుగైన వైద్య చికిత్స విషయమై ఆసుపత్రి వర్గాలతో తాను మాట్లాడతానని భరోసా ఇచ్చారు.
బుడిగయ్య కోలుకోవడానికి ఏమేం చర్యలు తీసుకోవాలో పార్టీ ముఖ్య నేతలకూ ఆదేశాలు జారీ చేశారు పవన్ కళ్యాణ్. నాలుగు రాజకీయ విమర్శలు చేశాం.. నాలుగు సినిమా డైలాగులు చెప్పాం.. అంటే కాదు.! మానవత్వం ముఖ్యం. అది మెండుగా వుంది కాబట్టే, పవన్ కళ్యాణ్ని అభిమానులు ‘దేవుడు’గా కొలుస్తుంటారు.
845586 151648I like this weblog its a master peace ! Glad I detected this on google . 51836
580611 620846Howdy very cool blog!!Guy .. Beautiful .. Superb. 400361