వృద్ధ యువకులట.. యువ వృద్ధులట.. వెధవలట.. ఇంకేదోనట.. ఏంటీ ప్రేలాపన.? అమరావతి పరిరక్షణ సమితి చేపట్టిన న్యాయస్థానం నుంచి దేవస్థానం వరకు మహా పాదయాత్రకు సినీ నటుడు శివాజీ మద్దతివ్వడాన్ని తప్పు పట్టలేం. కానీ, ఈ క్రమంలో శివాజీ వాడిన పదజాలం అత్యంత అభ్యంతకరం.
ఆర్నెళ్ళకో, ఏడాదికో ఓ సారి మీడియా ముందుకొచ్చి, నోటకొచ్చినట్టు వాగేవాడిని ఏమనాలి.? చంద్రబాబు హయాంలో ‘ఆపరేషన్ గరుడ..’ అంటూ శివాజీ చేసిన హంగామా గురించి ఎంత చెప్పుకున్నా తక్కువే. శివాజీ చెప్పిన విషయాల్లో కొన్ని నిజమయ్యాయి.. అలాగని, ఆయనేదో రాష్ట్రాన్ని ఉద్ధరించేశాడనుకుంటే పొరపాటే.
అందరూ అనుకునే విషయాల్ని ఇంకాస్త ఎక్స్ప్రెసివ్గా చెప్పేసి, టీడీపీకి వంత పాడటంలో శివాజీ పడ్డ పాట్లు అన్నీ ఇన్నీ కావు. చెప్పేవి శ్రీరంగ నీతులు.. దూరేవి డాష్ డాష్ అన్నట్టు.. శివాజీ మీద వివిధ కేసులు నమోదవడం, ఆ కేసుల నేపథ్యంలో నానా తంటాలూ పడటం.. ఇదంతా చూశాం.
మళ్ళీ ఇప్పుడు.. ఇన్నాళ్ళకు ఏ మొహం పెట్టుకుని వచ్చావయ్యా.? అంటే, పాత మొహమే.. మార్పులేమీ లేవు. అబ్బే, చంద్రబాబు తనకెందుకు డబ్బలిస్తారంటూ అమాయకంగా ప్రశ్నిస్తూనే.. చంద్రబాబు తరఫున వకాల్తా పుచ్చుకున్నారు.
సరే, ప్రజలు ఎవర్ని నమ్మాలో వాళ్ళని నమ్ముతారు.. ఎవర్ని గద్దెనెక్కించాలనుకుంటారో, వాళ్ళని గద్దెనెక్కిస్తారు.. అదే ప్రజాస్వామ్యమంటే. అలా చేయడం వల్ల లాభపడేది అయినా, నష్టపోయేది అయినా ప్రజలే. అప్పట్లో చంద్రబాబుని అధికార పీఠమెక్కించిందీ, ఆ తర్వాత వైఎస్ జగన్ మోహన్ రెడ్డిని ముఖ్యమంత్రి కుర్చీలో కూర్చోబెట్టింది కూడా ప్రజలే.
తేడా వస్తే, వైఎస్ జగన్ మోహన్ రెడ్డిని దించే శక్తి కూడా ఆ ప్రజలకే వుంది. ఈలోగా ప్రజల్ని నిందించడం ఎంతవరకు సబబు.? ప్రజల్ని చైతన్యపరచడం వరకూ ఎవరూ ఎవర్నీ తప్పు పట్టలేరు. కానీ, ఇదెక్కడి గోల.? వెధవలనడమేంటి.? వెధవతనం కాకపోతే.!
873003 145884Some genuinely rattling work on behalf of the owner of this site , utterly great content material . 982537