ఆంధ్రప్రదేశ్ రాష్ట్రానికి ఆయువు పట్టు లాంటి నగరమైన విశాఖపట్నంలో ఘోర దుర్ఘటన చోటు చేసుకుంది. విషవాయువు ఓ పరిశ్రమ నుంచి లీక్ అవడంతో 12 మంది ప్రాణాలు కోల్పోయారు ఇప్పటిదాకా. దాదాపు 500 మంది ఆసుపత్రులపాలయ్యారు ఈ దుర్ఘటన కారణంగా. రాష్ట్రానికి సంబంధించి ఇది పెను దుర్ఘటనగానే భావించాలి.
ఇలాంటి ఘటనల్లో తక్షణ నష్టం తక్కువగానే వున్నా, భవిష్యత్తులో చోటుచేసుకునే నష్టం అనూహ్యమైన స్థాయిలో వుంటుంది. అందుక్కారణం ప్రమాదకర రసాయనాలు గాల్లో కలవడమే. ఇంతటి దుర్ఘటన జరిగాక, పొల్యూషన్ కంట్రోల్ బోర్డు ఏం చేస్తోంది.? అన్న ప్రశ్న సహజంగానే తలెత్తుతుంది.
పరిశ్రమల్లో ‘సేఫ్టీ’పై ఆడిట్ జరగాలనే డిమాండ్లు తెరపైకి రావడం సహజమే. బాధితులకు నష్ట పరిహారం.. అన్నది వేరే చర్చ. ఇంతటి దుర్ఘటనకు కారణమైన పరిశ్రమపై కరినమైన చర్యలు తీసుకోవాలి. ‘హత్య కేసులు’ పెట్టడమే కాదు, నిందితుల్ని కోర్టు బోనులో నిల్చోబెట్టాలి. కానీ, చరిత్ర చెబుతున్నదేంటంటే.. మన చట్టాలు ఇలాంటి కేసుల్లో నిందితుల్ని శిక్షించలేవని. ప్రభుత్వాలకి అంత చేవ లేదని.
భోపాల్ దుర్ఘటనలో ఏం జరిగిందో చూశాం. దాదాపు అలాంటి ఘటనే ఇది కూడా. ఈ నేపథ్యంలోనే ఇకపై ఇలాంటివి జరగకూడదంటే కరిన చర్యలు తప్పవని జనసేనాని ప్రశ్నించారు. అంతే, ‘కుల మీడియా’ పైత్యం షురూ చేసింది. అధికార పార్టీకి వెన్నుదన్నుగా నిలిచే ఆ కుల మీడియా, ‘ఓపెన్ లెటర్’ పేరుతో పవన్ కళ్యాణ్ని దూషించడం మొదలుపెట్టింది.
నిజానికి, విపక్షాల్ని ప్రశ్నిస్తే.. తద్వారా ప్రజలకు జరిగే మేలు ఏమీ వుండదు. ముఖ్యమంత్రి, బాధితులకు కోటి పరిహారం ప్రకటించారు.. కోటిన్నర ఇవ్వాలని డిమాండ్ చేయగలిగితే.. బాధితులకు ఇంకాస్త న్యాయం జరుగుతుందేమో. ఫ్యాక్టరీని అక్కడి నుంచి తక్షణం తొలగించాలని డిమాండ్ చేస్తే, ఆ ప్రాంతం భవిష్యత్తులో ఇంకోసారి ఇలాంటి ప్రమాదానికి గురికాకుండా వుంటుందేమో. అంతే తప్ప, అధికార పార్టీకి చెంచాగిరీ చేద్దామనుకుంటే.. అదసలు మీడియా ఎందుకు అవుతుంది.?
ప్రజాస్వామ్యంలో మీడియా, ప్రత్యక్షంగానో పరోక్షంగానో ప్రతిపక్షంగానే వ్యవహరించాల్సి వుంటుంది. అదే మీడియా బాధ్యత కూడా. ప్రభుత్వం తరఫున మంచి సమాచారాన్ని ప్రజల్లోకి తీసుకెళుతూనే, ప్రభుత్వాన్ని ప్రశ్నించాలి. విపక్షాలు ఊరికే విమర్శలు చేస్తాయి.. మీడియా, ఇంకాస్త బాథ్యతాయుతంగా ప్రశ్నిస్తుంది. అంతే తేడా. పవన్ కళ్యాణ్ అభిమానుల పేర్లతో ‘ఓపెన్ లెటర్లు’ రాస్తే నమ్మేంత వెర్రి వెంగళప్పలెవరైనా వుంటారా.? నవ్విపోదురుగాక మనకేటి సిగ్గు.? అన్న చందన తయారైంది వైసీపీ అనుకూల మీడియా.
275816 175319Plenty of writers recommend just writing and composing no matter how bad and if the story is going to develop, youll suddenly hit the zone and itll develop. 250189
946558 360422I consider something truly fascinating about your site so I saved to fav. 407239