ఇటివల ఎన్టీవీ చైర్మన్ తుమ్మల నరేంద్ర చౌదరిపై జూబిలీ హిల్స్ కోపరేటివ్ సొసైటీలో అక్రమాలు జరిగాయనే ఆరోపణలపై పోలిస్ కేసు నమోదైన సంగతి తెలిసిందే. అయితే.. ఈ కేసులో నరేంద్ర చౌదరిని కావాలని ఇరికించారని.. ఆధిపత్య పోరే ఇందుకు కారణమని కూడా వార్తలు వస్తున్నాయి. ఇటీవల జూబ్లీ హిల్స్ కోపరేటివ్ సొసైటీకి జరిగిన ఎన్నికల్లో నరేంద్ర చౌదరి పోటీ చేయలేదు. ఆయన బలపరిచిన ప్యానెల్ ఓడిపోగా టీవీ5 ప్యానెల్ నుంచి సంస్థ మేనేజింగ్ డైరక్టర్ బొల్లినేని రవీంద్రనాధ్ గెలుపొందారు.
దీంతో.. గత నెలాఖరు వరకూ లేని వివాదాలు స్కాం రూపంలో కొత్తగా ఎన్నికైన ప్యానెల్ నరేంద్ర చౌదరి, గత ప్యానెల్ సెక్రటరీ టి.హనుమంతరావు పై మోపారని అంటున్నారు. వీరిపైన భూకబ్జా కేసు పెట్టారు. గతంలో ఇద్దరి వ్యక్తుల మధ్య జరిగిన లావాదేవీలను స్కాం పేరుతో బయటకు తీసుకురావడం వెనుక మీడియా రంగంలో నరేంద్ర చౌదరిపై జరుగుతున్న కుట్రగానే అభివర్ణిస్తున్నారు చానెల్ వర్గాలు. ఇదంతా ఒక కుట్ర అనేందుకు కారణం మీడియా రంగంలో ఉన్న పోటీనే అంటున్నారు. ప్రధానంగా వీరిద్దరి మధ్య ఆధిపత్యపోరుకు రాజకీయ అంశాలు కూడా కారణమని తెలుస్తున్నాయి.
గతంలో టీడీపీ అధికారంలో ఉన్న సమయంలో ఎన్టీవీని దూరం పెట్టారు చంద్రబాబు. టీవీ5 ఎప్పుడూ టీడీపీకి అనుబంధంగా పని చేస్తుందనే వాదనా ఉంది. ఈ అంశాలు కూడా ప్రస్తుత పరిణామాలకు కారణం కావొచ్చని అంటున్నారు. నిజానికి టీవీ5 కంటే ఎన్టీవీ మీడియా రంగంలో ముందుందని చెప్పాలి. ఎన్టీవీ మహిళ, ఎన్టీవీ భక్తి చానెల్.. కూడా నిర్వహిస్తోంది. ఇప్పటికీ తెలుగు మీడియా రంగంలో ఎన్టీవీ టీఆర్పీ రేటింగ్, వార్తా కథనాల ప్రసారంలో అగ్రగామిగా ఉంది. ఈ నేపథ్యం కూడా ఒక కారణమనే వాదనా ఉంది.
దీంతో ఈ ఛానల్స్ గురించి తప్పుడు వార్తలు వ్యాపింపజేస్తూ కొన్ని వెబ్ సైట్ లు, యూట్యూబ్ ఛానల్స్ ద్వారా బురదజల్లే ప్రయత్నం చేస్తున్నారని వార్తలు వస్తున్నాయి. మీడియా రంగంలో ఇప్పటికే ఎన్నో ఆటుపోట్లు చూసిన నరేంద్ర చౌదరికి ఈ కేసులో తానేంటో నిరూపించుకోవడం పెద్ద కష్టమేమీ కాదేమో.. చూడాలి!
923257 316107Just wanna input on few common items, The website layout is perfect, the articles is really superb : D. 490314