లేడీ సూపర్ స్టార్ నయనతార ప్రధాన పాత్రలో, కమెడియన్ ఆర్జే బాలాజీ హీరోగా నటించిన మూకుత్తి అమ్మన్ తమిళ సినిమాని ‘అమ్మోరు తల్లి’గా తెలుగులో అనువదించారు. థియేటర్స్ ని స్కిప్ చేసి డైరెక్ట్ గా ఓటిటి ద్వారా రిలీజైన ఈ సినిమా ఎలా ఉందో ఇప్పుడు చూద్దాం.
కథ:
ఏంగెల్స్ రామస్వామి(ఆర్.జె బాలాజీ) ఉత్తరాంధ్ర టీవీలో ఓ సాధారణ రిపోర్టర్.. తను నివసించే ఊరికి చుట్టు పక్కల ఉన్న 11 వేల ఎకరాల పంచవనంని ప్రజల్ని మభ్య పెట్టి గవర్నమెంట్ ద్వారా భగవతి బాబాకి ఇచ్చేస్తారు. ఆ విషయాన్ని వెలుగులోకి తీసుకు రావాలని రామస్వామి చాలానే ట్రై చేస్తాడు. కానీ ఎవ్వరు నమ్మరు. అలాంటి సమయంలో రామస్వామికి తన కులదైవమైన ముక్కుపుడక అమ్మవారు(నయనతార) కనిపించడంతో పాటు, తన పంచావనాన్ని కాపాడుకోవడానికే వచ్చానని చెబుతుంది. మొదట రామస్వామి నమ్మడు. కానీ ముక్కుపుడక అమ్మవారిని రామస్వామి ఎలా నమ్మాడు? పంచావనాన్ని కాపాడడం కోసం అమ్మవారు రామస్వామితో కలిసి ఎలా పోరాడాడు? ఎలా భగవతి బాబా దొంగ బాబా? అని నిరూపించారు అనేదే కథ.
తెర మీద స్టార్స్..
ముందుగా నయనతార గురించి చెప్పుకోవాలి.. అమ్మవారి గెటప్ లో పర్ఫెక్ట్ గా సరిపోవడమే కాకుండా, అటు భయపెట్టే సన్నివేశాల్లో, మరోవైపు నవ్వించే సన్నివేశాలు అమ్మవారు అనే బాలన్స్ చాలా పర్ఫెక్ట్ గా బాలన్స్ చేస్తూ చేయడం సూపర్బ్ అని చెప్పాలి. ఇక ఆర్.జె బాలాజీ ఎప్పటిలానే తన కామెడీ పెర్ఫార్మన్స్ తో నవ్విస్తాడు. డబ్బింగ్ వలన తెలుగులో కాస్త అటు ఇటు అనిపించినా, తమిళ్ లో మాత్రం ఇంటిని డైలాగ్స్ బాగా పేలుంటాయి అని చెప్పచ్చు. ఊర్వశి గారు తల్లి పాత్రలో ఎమోషన్స్ తో పాటు కామెడీ కూడా బాగా చేసి, నవ్విస్తుంది. అజయ్ ఘోష్ బాబాగా బాగా సరిపోయాడు. ముఖ్యంగా తన చేత చేయించిన కొన్ని హావా భావాలు నవ్వు తెప్పిస్తాయి. మిగిలిన నటీనటులు ఉన్నంతలో బాగానే చేశారు.
తెర వెనుక టాలెంట్..
ముందుగా సినిమాకి మూలం అయిన కథ విషయానికి వస్తే.. ఒక దేవత కేవలం తన భక్తుల కష్టాలు తీర్చడం కోసమే కాకుండా, అవసరం అయితే తనని, తన సంస్థానాన్ని కాపాడుకోవడం కోసం భూమి మీదకి వస్తుందనే అంశాన్ని ఇతి వృత్తంగా చేసుకొని చేసిన సినిమా ఇది. ఇలాంటి కథల్ని మనం చూసాము కాబట్టి కథా పరంగా పెద్దగా కొత్తగా అనిపించదు. కానీ కథనంలో ప్రస్తుతం ప్రజల మెంటాలిటీ ఎలా ఉంది అనేదాని మీద దేవుడు అనే దాన్ని వివరించిన సన్నివేశాలు బాగున్నాయి. కానీ ఓవరాల్ గా కథనంలో చూసుకుంటే అన్నీ మనం అనుకుంటున్నట్టే జరుగుతాయి కాబట్టి పెద్దగా కిక్ ఉండదు. క్లైమాక్స్ లో దేవుడే వచ్చి సందేహాలు తీర్చాలని రాసుకున్న ఐడియా కొత్తగా ఉంటే, ఆ సన్నివేశాన్ని ఎఫెక్టివ్ గా చెప్పకుండా కట్టే కొట్టే తెచ్చే అన్నట్టు హడావిడిగా చెప్పి ఫినిష్ చెయ్యడం బాలేదు. ఇక డైరెక్టర్స్ ఆర్.జె బాలాజీ – ఎన్.జె శరవణన్ లు సెటైరికల్ గా సొసైటీలో జరుగుతున్న చాలా అంశాలను బాగానే చెప్పారు. కానీ అనుకున్న పాయింట్ ని చివర్లో అయినా ఇంకాస్త స్ట్రాంగ్ గా చెప్పి ఉంటే బాగుండేది. ఓవరాల్ గా ప్రస్తుత పరిస్థితుల మీద వేసే సెటైర్స్ మనకు బాగానే కనెక్ట్ అయినా ఓవరాల్ గా సినిమా మాత్రం ఓకే ఓకే అనిపిస్తుంది.
ఇక దినేష్ కృష్ణన్ సినిమాటోగ్రఫీ, గిరీష్ మ్యూజిక్ చాలా బాగుంది. ఎడిటింగ్ ఇంకాస్త స్పీడ్ గా ఉండి, కాస్త రన్ టైం తక్కువగా ఉంటే బాగుండేది. ప్రొడక్షన్ వాల్యూస్ మాత్రం బాగా రిచ్ గా ఉన్నాయి.
విజిల్ మోమెంట్స్:
– నయనతార పెర్ఫార్మన్స్
– ఆర్.జె బాలాజీ సెటైరికల్ కామెడీ
– ఇప్పటి పరిస్థితులకు రిలేట్ అయ్యే కొన్ని సీన్స్
– స్టోరీ లోని మెసేజ్
బోరింగ్ మోమెంట్స్:
– అందరికీ తెలిసిన, చూసేసిన కథ
– ఆసక్తిగా లేని కథనం
– ఎక్కువ భాగం బోరింగ్ అనిపించడం
– ఇంకా బెటర్ గా ఉండాల్సిన క్లైమాక్స్
– సాగదీసిన రన్ టైం
విశ్లేషణ:
నయనతార అమ్మవారి పాత్రలో చేసిన ‘అమ్మోరు తల్లి’ సినిమా అన్ని వర్గాల వారిని ఆకట్టుకోదు, కానీ కాస్త సెటైరికల్ కామెడీ ఇష్టపడే వారికి మాత్రం ఒకసారి చూడచ్చు అనిపిస్తుంది. ఆ.జె బాలాజీ – నయనతార సీన్స్ రియాలిటీకి దగ్గరగా ఉండి అందరినీ ఆకట్టుకుంటే, అందరికీ తెలిసిన కథ, కథనం మరియు బోరింగ్ మోమెంట్స్ సినిమాపై ఆసక్తిని చంపేస్తాయి. దీపావళి పండుగ రోజున రిలీజైన అమ్మోరు తల్లి సినిమా పెద్దగా ఎంటర్టైన్ చేయలేదనే చెప్పాలి.
చూడాలా? వద్దా?: జస్ట్ నాలుగు నవ్వులు ఉన్నా చాలు చూసేద్దాం అనుకునే వాళ్ళు చూడచ్చు.
తెలుగుబులెటిన్.కామ్ రేటింగ్ : 2/5
292072 720361I like this internet internet site really much, Its a really nice billet to read and obtain info . 339136
239455 417897Can anyone support me out? It will probably be considerably appreciated. 999728
43970 20835Immer etliche Firmen bentzen heutzutage Interimmanagement als innovatives und ergnzendes Gertschaft i. Spanne der Unternehmensfhrung. Denn hiermit wird Kenntnisstand leistungsfhig, bedarfsgerecht und schnell ins Unternehmen geholt. 652501
371032 702456Cheers for this excellent. I was wondering whether you were planning of publishing comparable posts to this. .Keep up the superb articles! 639527
583113 931329Hello, Neat post. There is an problem along with your web site in web explorer, could test thisK IE nonetheless will be the marketplace leader and a huge portion of other men and women will miss your magnificent writing because of this dilemma. 847045
372879 982289Oh my goodness! an incredible post dude. Thanks a ton However We are experiencing concern with ur rss . Dont know why Cannot enroll in it. Can there be any person obtaining identical rss dilemma? Anyone who knows kindly respond. Thnkx 324222