మిస్టర్‌ కూల్‌ కెప్టెన్‌ ఎమ్మెస్‌ ధోనీ, అంతర్జాతీయ క్రికెట్‌కి గుడ్‌ బై చెప్పేశాడు. గతంలోనే టెస్ట్‌ క్రికెట్‌ నుంచి తప్పుకుంటున్నట్లు ప్రకటించిన ఎమ్మెస్‌ ధోనీ, తాజాగా అంతర్జాతీయ క్రికెట్‌కి సంబంధించి అన్ని ఫార్మాట్ల నుంచీ తప్పుకుంటున్నట్లు వెల్లడించడం గమనార్హం. స్వాతంత్య్ర దినోత్సవ వేళ ధోనీ కాస్సేపటి క్రితం సోషల్ మీడియా వేదికగా తన రిటైర్‌మెంట్‌ గురించి ప్రకటించాడు. నిజానికి, ఈ నిర్ణయాన్ని ధోనీ అభిమానులు అస్సలేమాత్రం జీర్ణించుకోలేకపోతున్నారు. టీమిండియాకి ఎన్నో చారిత్రక విజయాలు అందించిన ఎమ్మెస్‌ ధోనీ, ఇంకొన్నాళ్ళు భారత క్రికెట్‌లో కొనసాగాలన్నది అభిమానుల కోరిక. అయితే, వయసు మీద పడ్తున్న దరిమిలా, ధోనీ.. గౌరవంగానే క్రికెట్‌ నుంచి తప్పుకోవాలనే నిర్ణయానికి వచ్చినట్లు తెలుస్తోంది. అంతర్జాతీయ క్రికెట్‌కి గుడ్‌ బై చెప్పేసినా, ఇండియన్‌ ప్రీమియర్‌ లీగ్‌లో మాత్రం ధోనీ మెరుపుల్ని మనం ఇంకొన్నాళ్ళు చూసే అవకాశం వుంది.
బ్యాటుతో బాదిన పరుగులు, వికెట్ల వెనకాల పట్టిన క్యాచ్‌లు.. ఇలా మాట్లాడుకుంటే, ధోనీ రికార్డులు చాలానే వున్నాయి. అవన్నీ ఓ ఎత్తు.. కెప్టెన్సీ ఇంకో ఎత్తు. ధోనీ, మొత్తంగా ప్రపంచ క్రికెట్‌లోనే ది బెస్ట్‌ కెప్టెన్‌గా మేటి క్రికెటర్ల ప్రశంసలు అందుకున్నాడు. అత్యంత సంక్లిష్టమైన పరిస్థితుల్లో జట్టుని గట్టెక్కించడానికి ధోనీ, అప్పటికప్పుడు తీసుకునే నిర్ణయాలు చాలావరకు సత్పÛలితాలనిచ్చాయి. వీటిల్లో టీ20 తొలి వరల్డ్‌ కప్‌ ఫైనల్‌ మ్యాచ్‌ కూడా ఒకటి. ఒక్కసారి కాదు.. చాలాసార్లు అలా టీమిండియా నరాలు తెగే ఉత్కంఠ నడుమ అభిమానుల్ని సంభ్రమాశ్చర్యాల్లో ముంచెత్తే విజయాల్ని అందించిందంటే.. అది ధోనీ గొప్పతనంగానే చెప్పుకోవాలి.
టెస్ట్‌ క్రికెట్‌ నుంచి తప్పుకుని, వన్డే – టీ20 ఫార్మాట్లకు సంబంధించి కెప్టెన్సీని వదులుకున్నా, ఆ తర్వాత కెప్టెన్‌గా మారిన కోహ్లీ నేతృత్వంలోనూ ‘పెద్దన్నగానే’ తన సత్తా చాటాడు. గత కొంతకాలంగా ధోనీ రిటైర్‌మెంట్‌ గురించి చాలా ఊహాగానాలు విన్పిస్తున్న విషయం విదితమే. ‘రిటైర్‌మెంట్‌పై ధోనీనే సరైన సమయంలో సరైన నిర్ణయం తీసుకుంటాడు..’ అని బీసీసీఐ పెద్దలు పలు సందర్భాల్లో చెప్పారు. తాజాగా ధోనీ చేసిన ప్రకటనని చూస్తే, ధోనీ కొద్ది నెలల ముందే అంతర్జాతీయ క్రికెట్‌ నుంచి తప్పుకున్నట్లు తెలుస్తోంది.ఆ విషయాన్ని కాస్త లేటుగా ప్రకటించాడంతే.
ప్రస్తుతం ధోనీ, భారత సైన్యంలోనూ సేవలందిస్తున్నాడు. ఏదిఏమైనా, ధోనీ స్థానంలో ఇంకొకర్ని ఊహించలేం. గవాస్కర్‌, కపిల్‌ దేవ్‌, సచిన్‌ టెండూల్కర్‌, అనిల్‌ కుంబ్లే, రాహుల్‌ ద్రావిడ్‌, సౌరవ్‌ గంగూలీ.. ఇలా ఎంతోమంది మహామహులు ఇండియన్‌ క్రికెట్‌కి అత్యద్భుతమైన సేవలు అందించారు. అయితే, ఎమ్మెస్‌ ధోనీ ఇంకాస్త ప్రత్యేకం. ధోనీకి టీమిండియాలో రీప్లేస్‌మెంట్‌ చాలా చాలా కష్టం. బ్యాట్‌తో పరుగులు రాబట్టి, వికెట్ల వెనకాల సత్తా చాటి, కెప్టెన్సీతో టీమిండియాని విజయ పథాన నడిపించే ఆటగాడ్ని చూడగలమా.?
405656 477462I like this website so much, saved to favorites . 953869
35107 228838If your real buddies know you as your nickname, use that nickname as your first name online. When you very first friend someone, focus on producing a personal comment that weaves connection. 758402
774650 280964Wow, suprisingly I never knew this. Maintain up with very good posts. 130658
723340 706470 You really should take part in a contest for one of the very best blogs on the web. I will recommend this web site! 911798