సినిమా ఫ్లాపయితే కుంగిపోలేదాయన.. సినిమా హిట్టయినప్పుడు పొంగిపోలేదు కూడా.! నిజానికి, తన సినిమా ప్రమోషన్ల మీద ఎక్కువగా ఫోకస్‌ పెట్టేవారు కాదు. అయినా, సినిమా సినిమాకీ రేంజ్‌ పెరిగింది తప్ప తగ్గలేదు. ‘ఇతర హీరోల్లా మీరు కూడా సినిమా ప్రమోషన్లపై ఫోకస్‌ పెట్టరెందుకు.?’ అనడిగితే, ‘సినిమాని ప్రమోట్‌ చేస్తే, ఫ్లాప్‌ సినిమా కూడా ఆడేస్తుందా.? సినిమాలో సత్తా వుంటే ప్రమోట్‌ చేయాల్సిన అవసరం వుండదు. సినిమా కోసం ఎంత కష్టపడాలో.. అంతకన్నా ఎక్కువే కష్టపడ్తాం. ఆ తర్వాత ఫలితం ప్రేక్షకుల చేతుల్లో వుంటుంది. ఒక్కోసారి అనుకున్నవి అనుకున్నట్టుగా తెరకెక్కవు. అలాక్కూడా ఫ్లాపులొస్తుంటాయ్‌..’ అని చెబుతుండేవారాయన.
తెలుగు సినీ ప్రేక్షకులకి పరిచయం అక్కర్లేని పేరది. ఆయన పేరులోనే ‘పవర్’ వుంది. ఆయనే పవర్ స్టార్ పవన్ కళ్యాణ్. తొలి సినిమా ‘అక్కడ అమ్మాయి ఇక్కడ అబ్బాయి’ దగ్గర్నుంచి, చివరిగా రిలీజ్‌ అయిన ‘అజ్ఞాతవాసి’ సినిమా వరకూ పవన్ కళ్యాణ్ దాదాపుగా సినిమా అంటే అదే కమిట్‌మెంట్‌తో పనిచేశారు. ఆయన వ్యక్తిత్వమే ఆయన బలం. అదే, ఆయన అభిమానుల్ని ‘పవనిజం’ అనే ఓ ప్రత్యేకమైన ‘బంధం’తో బలంగా ముడిపడేలా చేసింది. ‘ఇజం’ అని ఓ సినిమా హీరో అభిమానులు చెప్పుకోవడం మొదలైంది పవన్‌కళ్యాణ్‌తోనేనంటే అది అతిశయోక్తి కాదేమో. తన సినిమా రికార్డు స్థాయిలో వసూళ్ళను కొల్లగొట్టినా.. పరాజయం పాలైనా.. పవన్ కళ్యాణ్‌లో పెద్దగా మార్పు కన్పించదు. సినిమాల్లోనే కాదు, రాజకీయాల్లోనూ పవన్ కళ్యాణ్, తాను నమ్మిందే చేస్తారు. నిజాయితీగా వ్యవహరిస్తారు. బహుశా సినిమాల్లో చెల్లిన ఆ నిజాయితీ, ఇప్పుడున్న రాజకీయాలకు సరిపడదేమో.. అందుకే, రాజకీయాల్లో ఆయన ఇబ్బందికర పరిస్థితుల్ని ఎదుర్కోవాల్సి వచ్చింది.
ఎన్నికల్లో డబ్బు పంచి వుంటే జనసేన పరిస్థితి ఇప్పుడెలా వుండేదో ఏమో.! ఆ డబ్బు పంచకపోవడంతోనే జనసేన పార్టీ అంటే, పవన్ కళ్యాణ్ అభిమానుల్లో మరింత గౌరవం పెరిగింది.. ఆ పార్టీ నుంచి గెలిచిన ఒకే ఒక్క ఎమ్మెల్యే కూడా పార్టీకి దూరంగానే వున్నా. ఎన్నికల సమయంలో పవన్ కళ్యాణ్ అభిమానులు స్వచ్ఛందంగా గ్రౌండ్‌ లెవల్‌లో పనిచేశారు. అదీ ఆయన మీద వారికున్న గౌరవం, నమ్మకం. రాజకీయాల్లో గెలుపోటముల వెనుక చాలా కారణాలుంటాయ్‌. ప్రజలకు మంచి చేయాలన్న ఆలోచన తప్ప, ఆ గెలుపోటముల గురించి ఆలోచించి.. అడ్డదారిలో రాజకీయాలు చేయాలన్న ఆలోచన ఏనాడూ పవన్ కళ్యాణ్‌కి లేదు. కులం పేరుతో రాజకీయాలు చేశారు.. వ్యక్తిగత విమర్శలు చేశారు.. జనసేనపై అందరూ కలిసి గూడు పుఠానీ చేసినా, అభిమానులు ఇప్పటికీ జనసైనికుల్లా.. పార్టీ కోసం పనిచేస్తూనే వున్నారు. ఆ అభిమానుల ‘పవర్’ ఏంటన్నది ఎప్పటికఫ్పుడు సోషల్‌ మీడియాలో కన్పిస్తూనే వుంది.
ప్రస్తుత రాజకీయాల్లో నిలదొక్కుకోవాలంటే అడ్డదారులు తొక్కాల్సిందే. ఆ విషయంలో దిగజారిపోవడం ఇష్టం లేక.. ఇంకా, ‘మార్పు’ కోసం పరితపిస్తోన్న జనసేన అధినేత పవన్ కళ్యాణ్, ఇంకోపక్క సినిమాల్లోనూ కొనసాగాలని నిర్ణయం తీసుకోవడం.. సినిమాల్లో నటిస్తుండడం తెలిసిన సంగతులేమో. సోషల్‌ మీడియాలో ‘ట్రెండింగ్‌’ అన్నదానికి నిలువెత్తు నిదర్శనం పవన్ కళ్యాణ్. పవన్ కళ్యాణ్‌కి సంబంధించిన ఏ విషయమ్మీద అయినా.. ఒక్కసారి ట్రెండింగ్‌ షురూ అయ్యిందంటే.. రికార్డులు బద్దలవ్వాల్సిందే. సెప్టెంబర్‌ 2న పవన్ కళ్యాణ్ పుట్టినరోజు. ఈ నేపథ్యంలో ‘కామన్‌ డిపి’తో అభిమానులు పండగ షురూ చేశారు. పుట్టినరోజు నాడు ఆ సంబరం ఇంకే స్థాయిలో వుంటుందో.. ఆ రికార్డులు ఏ స్థాయిలో బద్దలవుతాయో వేచి చూడాల్సిందే.
201765 965560I very glad to locate this website on bing, just what I was searching for : D as nicely saved to favorites . 666284
833897 600553I dugg some of you post as I thought they were handy extremely valuable 941340
985790 508671Yeah bookmaking this wasnt a bad conclusion wonderful post! . 976205
509026 300645I undoubtedly enjoyed the method which you explore your experience and perception of the region of interest 684804
238231 873697Hello! I merely would wish to offer a huge thumbs up for that fantastic information youve here during this post. I will likely be returning to your site to get a lot more soon. 493595
537075 728903There is clearly a whole lot to know about this. I feel you made various good points in features also. 174335