సినిమా రివ్యూ: ఆవిరి

నటీనటులు: ర‌విబాబు, నేహా చౌహాన్‌, శ్రీముక్త‌, భ‌ర‌ణి శంక‌ర్‌, ముక్తార్ ఖాన్..
నిర్మాత: రవిబాబు
దర్శకత్వం: రవిబాబు
సినిమాటోగ్రఫీ: ఎన్‌.సుధాక‌ర్ రెడ్డి
మ్యూజిక్: వైధి
ఎడిటర్‌: మార్తాండ్ కె.వెంక‌టేశ్‌
విడుదల తేదీ: నవంబర్ 1, 2019
రేటింగ్: 1/5

చేసేవి చిన్న సినిమాలే కానీ ప్రేక్షకులకి గట్టి ఇంపాక్ట్ ని క్రియేట్ చేస్తాయి, బాక్స్ ఆఫీస్ వద్ద కూడా మంచి కలెక్షన్స్ సాధిస్థాయి.. అలాంటి సినిమాలకి కేరాఫ్ అడ్రస్సే మన డైరెక్టర్ రవిబాబు. ‘అవును’, ‘అవును 2’ లాంటి సినిమాల తర్వాత రవిబాబు చేసిన మరో హార్రర్ సస్పెన్స్ థ్రిల్లర్ ‘ఆవిరి’. నేడు ప్రేక్షకుల ముందుకు వచ్చిన ఈ సినిమా ఎంతవరకూ ఆడియన్స్ ని థ్రిల్ చేసిందనేది ఇప్పుడు చూద్దాం..

కథ:

బిజీ బిజీ లైఫ్ గడిపే పేరెంట్స్ రవిబాబు – నేహా చౌహాన్.. వీరిద్దరి పెద్ద కుమార్తె ఆస్థమా వల్ల చనిపోతుంది. వారి రెండవ ముద్దుల కుమార్తె మున్ని(శ్రీ ముక్త), తనకి కూడా ఆస్థమా ఉంటుంది..అందుకే తనని ఎప్పుడూ ఇంట్లోనే ఉంచడం వలన బాగా లోన్లీ గా ఫీలవుతుంది. అదే టైంలో తనకి అదే ఇంట్లో ఉన్న ఓ ఆత్మతో పరిచయం ఏర్పడుతుంది. ఇక అక్కడి నుంచి మున్ని చేసే కొన్ని పనులు అందరికీ ఆశ్చర్యాన్ని కలిగిస్తాయి. ఆ తర్వాత ఓ రోజు సడన్ గా మున్ని కనపడకుండా పోతుంది. ఇక అక్కడి నుంచి రవిబాబు మున్ని ఎక్కడికి వెళ్ళింది? ఎవరు, ఎందుకు తీసుకెళ్లారు? మున్ని కనపడకపోవడం వలన రవిబాబు – నేహా చౌహాన్ లు పడ్డ ఇబ్బందులేంటి? ఇంతకీ ఆ దెయ్యం ఎవరు? ఆ దెయ్యానికి మున్నీకి ఉన్న సంబంధం ఏమిటి?ఫైనల్ గా మున్ని దొరికిందా? లేదా? అన్నదే కథ.

సీటీమార్ పాయింట్స్

ఆన్ స్క్రీన్:

• చైల్డ్ ఆర్టిస్ట్ శ్రీ ముక్త చేసిన నటన చాలా బాగుంది. తనకి ఇచ్చిన ప్రతి ఎమోషన్ ని పర్ఫెక్ట్ గా చూపించింది.

• ‘హుషారు’ ఫేం ప్రియా వడ్లమాని పాత్ర బాగుంది. తన ఎమోషన్ సినిమాకి కొంతవరకూ హెల్ప్ అయ్యింది.

• అక్కడక్కడా పరవాలేధనిపించే ఒకటి రెండు థ్రిల్స్ మరియు క్లైమాక్స్ ట్విస్ట్ బాగుంది.

ఆఫ్ స్క్రీన్:

• పరవాలేధనిపించే ఎన్. సుధాకర్ రెడ్డి విజువల్స్.. కొంతవరకూ ఆ విజువల్స్ వల్లే మనకి కాసేపు చూడాలనిపిస్తుంది.

ఓవరాల్ ప్లస్ పాయింట్స్:

• శ్రీ ముక్త పెర్ఫార్మన్స్

• క్లైమాక్స్ ట్విస్ట్

మైనస్ పాయింట్స్

ఆన్ స్క్రీన్:

• నటీనటుల పెర్ఫార్మన్స్ చెప్పుకోదగిన రేంజ్ లో లేవు..

• ఇదొక హార్రర్ థ్రిల్లర్ సినిమా, కానీ ఇందులో మిమ్మల్ని భయపెట్టే సీన్స్, అబ్బా అనుకునే ఒక్క థ్రిల్ కూడా లేకపోవడంతో, ఆడియన్స్ కి ఇక ఏ పరంగా ఇది హార్రర్ థ్రిల్లర్ సినిమా అని ఎలా చెప్పుకున్నారబ్బా అనే ఫీలింగ్ వస్తుంది.

• మొదటి నుంచి చివరి వరకూ సినిమా చాలా స్లోగా అనిపించడం వలన చాలా సార్లు నిద్రపోతాం కూడాను..

ఆఫ్ స్క్రీన్:

• రవిబాబు చిన్న కథని చాలా ఎంగేజింగ్ గా చెప్తారు. కానీ ఈ సారి కథలో దమ్ము లేకపోవడం వలన ఒక ఫాల్స్ కథ చెప్తూ అసలైన కథ క్లైమాక్స్ లో చెప్పాలనుకున్నాడు. కానీ ఆ ఫార్మాట్ చాలా సార్లు చెప్పేయడం వలన ఆడియన్స్ ముందే ఊహించేస్తారు. అందువల్ల కథ హార్రర్ పరంగానూ, ఎమోషనల్ పరంగా కనెక్ట్ అవ్వదు. ఆయనకి సక్సెస్ ఇచ్చిన అవును జానర్లో ఈ సినిమా చేసినప్పటికీ రవిబాబుకి గత సినిమాలా అదుగో రేంజ్లోనే ఈ సినిమా కూడా డిజాష్టర్ అయ్యేలా ఉంది. డైరెక్టర్ గా రవిబాబు కంప్లీట్ గా ఫెయిల్ అయిన సినిమా ‘ఆవిరి’.

• సత్యానంద్ గారు రాసిన స్క్రీన్ ప్లే కూడా హెల్ప్ అవ్వలేదు. ప్రతి కామన్ ఆడియన్ ఊహించేయగల ఇలాంటి సిల్లీ స్క్రీన్ ప్లే ఆయన రావడం ఏంటా అని ఆలోచించాల్సిన పరిస్థితి.

• వైధి మ్యూజిక్ కూడా చాలా లౌడ్ గా ఉంది తప్ప, సినిమాని ఎంగేజ్ చేసేలా లేదు.

• ఎడిటింగ్, షార్ట్ రన్ టైం కూడా పెద్దగా హెల్ప్ అవ్వలేదు.

ఓవరాల్ నెగటివ్ పాయింట్స్:

• వీక్ స్టోరీ

• స్క్రీన్ ప్లే వారు రాసిన దానికన్నా మీరే బెటర్ గా రాయగలరు.

• ఆడియన్స్ ని కూర్చోబెట్టలేకపోయిన రవిబాబు డైరెక్షన్

• ప్రేక్షకులను ఎంటర్టైన్ చేసే అంశం ఒక్కటి కూడా లేకపోవడం

• భయపెట్టలేకపోయిన హార్రర్ ఎలిమెంట్స్

విశ్లేషణ:

‘అవును’ సీరీస్ తో భలే హార్రర్ ఫిల్మ్ చేసాడే అనిపించుకున్న డైరెక్టర్ రవిబాబు ఈ సినిమాతో ప్రేక్షకుల నుంచి ఇంత చెత్త బొమ్మ తీశాడేంటి అనే టాగ్ లైన్ ని అందుకున్నారు. ఒక హార్రర్ సినిమా అని చెప్పినపుడు, కనీసం కొన్ని చోట్లయినా భయపెట్టి ఆడియన్స్ ని థ్రిల్ చేయలేకపోవడం ఈ సినిమాకి బిగ్గెస్ట్ మైనస్. నటన పరంగా శ్రీ ముక్త అనే చైల్డ్ ఆర్టిస్ట్ కి తప్ప ఎవ్వరికీ ఉపయోగం లేని ఈ సినిమాని ఆడియన్స్ కూడా మాకొద్ద ఇలాంటి సినిమాలు మేము చూడలేం బాబోయ్ అని మధ్యలోనే వెళ్లిపోతున్నారు. మొదటి వీకెండ్ లోనే కనపడకుండా ఆవిరైపోయే సినిమా ‘ఆవిరి’.

ఫైనల్ పంచ్: ఆవిరి – సినిమాకి వెళ్తే మీరు ఆవిరైపోతారు.