మెగాస్టార్ చిరంజీవి.. తెలుగు సినీ అభిమానులకి కొత్తగా పరిచయం చేయాల్సిన అవసరం లేదు ఈ పేరు గురించి.! చిరంజీవి ఓ వ్యక్తి కాదు, శక్తి. చిరంజీవి కేవలం కథానాయకుడే కాదు, అసలు సిసలు నాయకుడు కూడా.! తనను మెగాస్టార్‌ని చేసిన ప్రజల కోసం ఏమైనా చేయాలనుకున్నారు, రాజకీయాల్లోకొచ్చారు. అయితే, రాజకీయాల్లో వుంటేనే సేవ చేయగలమా.? రాజకీయాల్లో లేకున్నా సేవ చేయగలమనుకున్నారాయన.
ఔను, రాజకీయాల్లో వుంటే కొందరివాడు.. రాజకీయాల్లో లేకపోతే అందరివాడు.! ఆ ఆలోచనతోనే, రాజకీయం నేర్పిన గుణపాఠంతోనే, రాజకీయాల్ని వద్దనుకున్నారు చిరంజీవి, సినిమాల్లో కొనసాగుతూ, సమాజానికి తాను చెయ్యాలనుకున్నది చెయ్యగలుగుతున్నారు.. ఇప్పడాయన మీద ఎలాంటి ఆరోపణలు లేవు, రావు.!
మెగాస్టార్ చిరంజీవి, సినీ రంగంలోకి ప్రవేశించాక చేసిన తొలి సినిమా ‘పునాది రాళ్ళు’. అయితే, అది కాస్త ఆలస్యంగా విడుదలైంది. మొదటగా విడుదలైన సినిమా ‘ప్రాణం ఖరీదు’. ఆ సినిమా సరిగ్గా ఇదే రోజున.. అంటే, సెప్టెంబర్ 22న 1978వ సంవత్సరంలో ప్రేక్షకుల ముందుకొచ్చింది. అంటే, చిరంజీవి తొలి సినిమా విడుదలై నేటికి 44 ఏళ్ళన్నమాట.
ఈ నలభై నాలుగేళ్ళ సినీ జీవితంలో చిరంజీవి ఎన్నో ఎత్తుపల్లాల్ని చూశారు. ఒకటీ అరా ఫెయిల్యూర్స్ కూడా చూసినా, ఇండస్ట్రీ హిట్స్ నమోదు చేశారు. చిరంజీవి మాట్లాడిందే డైలాగ్.. చిరంజీవి ధరించిందే స్టైలిష్ కాస్ట్యూమ్.. చిరంజీవి వేసిందే డాన్స్.. తెలుగు సినిమా గతిని మార్చేశారు చిరంజీవి అనడం అతిశయోక్తి కాదేమో.
సౌతిండియాలోనే కాదు, భారతదేశంలోనే ఒకప్పుడు అత్యధిక రెమ్యునరేషన్ తీసుకునే సినీ హీరోగా చిరంజీవి రికార్డులకెక్కారు. ‘వన్ అండ్ ఓన్లీ మెగాస్టార్ చిరంజీవి..’ అన్న మాట బాలీవుడ్ మెగాస్టార్ అమితాబ్ బచ్చన్ చెప్పారంటే, అదీ చిరంజీవి గొప్పతనం. ఎమ్మెల్యేగా, రాజ్యసభ సభ్యుడిగా, కేంద్ర మంత్రిగా.. ఇలా ఎన్నెన్నో బాధ్యతలు నిర్వహించినా, ‘అన్నయ్య’ చిరంజీవి అన్న పిలుపు ముందుగా, మెగాస్టార్ చిరంజీవి అన్న పిలుపు కూడా చిన్నదేనని అంటుంటారు చిరంజీవి.
దటీజ్ మెగాస్టార్ చిరంజీవి.! తెలుగు తెరకు రిస్కీ స్టంట్లు, రబ్బరు బొమ్మలా మెలితిరిగే డాన్సులు.. వీటిని పరిచయం చేసిందీ, వాటిని పాపులర్ చేసిందీ చిరంజీవే. తనదైన వెటకారాన్ని హాస్యానికి అద్ది, తనదైన స్టైల్‌ని సినిమాకి తీసుకొచ్చి చిరంజీవి.. సినీ రంగంలో ఎందరికో స్ఫూర్తి.!
చిరంజీవి ఇంకో 44 ఏళ్ళు సినీ ప్రపంచంలో మకుటం లేని మహారాజులా వెలుగొందాలని “తెలుగు బులెటిన్” మనస్ఫూర్తిగా కోరుకుంటుంది..
300744 249517I think this web web site has got very great indited written content articles . 885647
26848 482830As a result youll call for ultra powerful online enterprise tips to maintain operating in acquiring into matters right your incredible web-based function. MLM 352206