జనసేన అధినేత పవన్కళ్యాణ్, అన్నయ్య చిరంజీవి ప్రమేయం లేకుండానే తన పార్టీ కార్యకలాపాల్ని ఇప్పటిదాకా చక్కబెడుతూ వచ్చారు. అయితే, ఇటీవలి ఎన్నికల్లో చవిచూసిన చేదు ఫలితాల నేపథ్యంలో మెగాస్టార్ చిరంజీవి సలహాలు అవసరం అని పార్టీ ముఖ్య నేతలు పవన్ కళ్యాణ్ మీద ఒత్తిడి తీసుకొస్తున్నారట. ‘సలహాల్ని తీసుకోవడం తప్పు లేదు కదా. పార్టీ అధినేతగా, కేంద్ర మంత్రిగా పనిచేసిన చిరంజీవిగారి అనుభవంలోంచి వచ్చే సలహాలు ఖచ్చితంగా పార్టీకి ఉపయోగపడ్తాయి..’ అని పార్టీ సమీక్షల్లో చాలామంది నేతలు అభిప్రాయపడుతున్నట్లు తెలుస్తోంది.
‘రాజకీయాల్లో ఏ చిన్న అవకాశాన్నీ వదులకోకూడదు. కుటుంబ రాజకీయాలనే ఫ్యాక్టర్ నెగెటివ్గా మారే అవకాశం వుండదు. ప్రత్యర్థులు చేసే రాజకీయ విమర్శల్ని పట్టించుకోవడం అనవసరం. ఇప్పుడున్న పరిస్థితుల్లో చిరంజీవి సూచనలు, సలహాలు తీసుకోవడం వల్ల అభిమానుల్లోనూ కొత్త ఉత్సాహం వస్తుంది’ అని పవన్ కళ్యాణ్కి అత్యంత సన్నిహితుడైన ఓ సినీ ప్రముఖుడు సైతం సూచించినట్లు తెలుస్తోంది.
మరోపక్క, ఇంకో అన్నయ్య నాగబాబు సైతం ఇదే అభిప్రాయాన్ని తన తమ్ముడి వద్ద వెలిబుచ్చారట. నిజానికి, చిరంజీవి – పవన్ కళ్యాణ్ మధ్య ‘మాట్లాడుకోలేనంత విభేదాలు’ లేనే లేవు. ఆ మాటకొస్తే, తమ్ముడి ఎదుగుదలను కోరుకునే అన్నయ్యగా చిరంజీవి, అన్నయ్యను తండ్రి స్థానంలో వుంచి అభిమానించే తమ్ముడు.. ఇలా సత్సంబంధాలే వున్నాయి మెగా కుటుంబంలో. అయితే, రాజకీయాల్లో వచ్చే విమర్శలకు దూరంగా అన్నయ్యను వుంచాలన్న ఆలోచనతోనే, పవన్ జనసేన మీద చిరంజీవి నీడ కూడా పడకూడదన్నట్లు వ్యవహరించారు.
ఎన్నికల ఫలితాల తర్వాత, చిరంజీవి – పవన్ కళ్యాణ్ మధ్య పలు దఫాలుగా చర్చలు జరిగినట్లు తెలుస్తోంది. పార్టీ సిద్ధాంతాలు, ఇతరత్రా విషయాల గురించి ఏమాత్రం ఈ చర్చల్లో ప్రస్తావన రాలేదట. జనంలోకి వెళ్ళడం, అభిమానుల్ని సమీకృతం చేయడం వంటి అంశాలపై చిరంజీవి తనకు తోచిన సలహాల్ని తమ్ముడికి ఇచ్చారని సమాచారమ్. అయితే, ఎట్టి పరిస్థితుల్లోనూ చిరంజీవి, జనసేన పార్టీతో కలిసి పనిచేయడానికి మాత్రం సుముఖంగా లేరట.
అన్నయ్యను, జనసేన పార్టీ వైపు తీసుకొచ్చే ఆలోచన కూడా పవన్ కళ్యాణ్కి లేనట్లే కన్పిస్తోంది. మరి, నాగబాబు మాత్రం జనసేన పార్టీతో ఎందుకు వుంటున్నారు.? అంటే, నాగబాబు విషయం వేరు. ఆయన ప్రత్యక్ష రాజకీయాల్లో వుండాలనుకుంటున్నారు, చిరంజీవికి ఆ ఉద్దేశ్యం లేదు.. సినిమాల మీదనే ఆయన ఆసక్తి.. అని జనసేన సానుభూతిపరుడైన ఓ సినీ ప్రముఖుడు, మెగా కుటుంబానికి అత్యంత ఆప్తుడైన ఓ వ్యక్తి ఆఫ్ ది రికార్డ్గా వెల్లడించారు.
92983 559728Any way Im going to be subscribing for a feed and I hope you write-up again soon 364621
349898 37114I truly enjoy examining on this internet site , it has got wonderful posts . 543079
980280 352395But wanna comment that you have a quite good internet web site , I adore the style and style it genuinely stands out. 896332