Lavanya Tripathi : అందాల రాక్షసి సినిమాతో తెలుగు ప్రేక్షకులకు పరిచయం అయిన ముద్దుగుమ్మ లావణ్య త్రిపాఠి. ఈ అమ్మడు తెలుగు లో పలువురు యంగ్ హీరోలకు జోడీగా నటించి మెప్పించిన విషయం తెల్సిందే. హీరోయిన్ గా ఈ అమ్మడు స్టార్ డమ్ దక్కించుకోలేక పోయింది. అయితే మెగా వారి ఇంటి కోడలిగా వెళ్లడం వల్ల మరింత ఫాలోయింగ్ దక్కించుకుంది.
మెగా బ్రదర్ నాగబాబు ఇంటికి కోడలిగా వెళ్లిన తర్వాత లావణ్య త్రిపాఠి సినిమాలకు దూరంగా ఉంటుందని కొందరు భావించారు. కానీ అమ్మడు వరుణ్ ని వివాహం చేసుకున్న తర్వాత మరింతగా ఆఫర్లు దక్కించుకుంటుంది. తాజాగా ఈ అమ్మడు మిస్ పర్ఫెక్ట్ సిరీస్ తో ప్రేక్షకుల ముందుకు వచ్చింది.
మిస్ పర్ఫెక్ట్ వెబ్ సిరీస్ ప్రమోషన్ లో భాగంగా లావణ్య త్రిపాఠి మాట్లాడుతూ ఆసక్తికర వ్యాఖ్యలు చేసింది. మెగా ఫ్యామిలీకి కోడలిని అయినంత మాత్రాన తన సినిమాల ఎంపిక, కెరీర్ పరంగా ఎలాంటి మార్పు రాలేదు. సినిమాల్లో తాను పెళ్లికి ముందు ఎలా నటించానో పెళ్లి తర్వాత కూడా అలాగే నటిస్తున్నట్లుగా చెప్పుకొచ్చింది. మెగా ఫ్యామిలీకి తనకు పూర్తి స్వేచ్చ ఇచ్చిందని సంతోషం వ్యక్తం చేసింది.