Anil Ravipudi : వెంకటేష్ హీరోగా అనిల్ రావిపూడి దర్శకత్వంలో దిల్ రాజు ఒక సినిమాను నిర్మించేందుకు రెడీ అవుతున్నారు. భారీ అంచనాల నడుమ రూపొందబోతున్న ఈ సినిమాను వచ్చే ఏడాది సంక్రాంతికి ప్రేక్షకుల ముందుకు తీసుకు రాబోతున్నట్లుగా తెలుస్తోంది. ఈ సినిమా కథ గురించి ఆసక్తికర ప్రచారం జరుగుతోంది.
కొన్నాళ్ల క్రితం చిరంజీవి కోసం అనిల్ రావిపూడి ఒక కథ ను రెడీ చేయడం జరిగింది. ఆ కథ నే ఇప్పుడు వెంకీ కి వినిపించి ఓకే చెప్పించాడు. చిన్న చిన్న మార్పులు చేసి వెంకీతో సినిమాను రూపొందిస్తున్నట్లుగా మీడియా సర్కిల్స్ లో ప్రచారం జరిగింది. కానీ ఆ వార్తలు నిజం కాదని విశ్వసనీయంగా సమాచారం అందుతోంది.
చిరంజీవి కోసం అనిల్ రావిపూడి రెడీ చేసిన కథ లో ఇద్దరు హీరోయిన్స్ ఉంటారు. కానీ వెంకీ సినిమాలో మాత్రం ఒకే హీరోయిన్ నటించబోతుంది. చిరంజీవి కోసం అనిల్ రావిపూడి ఆ కథ ను అలాగే హోల్డ్ లో ఉంచాడు అని సమాచారం అందుతోంది. ఇప్పుడు కాకున్నా ఇంకొన్నాళ్లకు అయినా చిరు తో ఆ కథతో సినిమాను చేయాలని అనిల్ భావిస్తున్నాడట.