మలయాళం సూపర్ స్టార్ దుల్కర్ సల్మాన్, తెలుగు భామ శోభిత ధూళిపాళ్ల లీడ్ రోల్స్ లో నటించిన కురుప్, ప్రమోషనల్ మెటీరియల్ తో ఆకట్టుకుంది. శ్రీనాథ్ రాజేంద్రన్ డైరెక్ట్ చేసిన ఈ సినిమా అదే టైటిల్ తో తెలుగులో కూడా ఈరోజే విడుదలైంది. మరి ఈ సినిమా ఎలా ఉందో చూద్దాం.
కథ:
కరుడుగట్టిన నేరస్థుడు సుధాకర్ కురుప్ నేర ప్రపంచం చుట్టూ ఈ సినిమా తిరుగుతుంది. కురుప్ చేసే నేరాలు ఏంటి? కురుప్ ను పట్టుకోవడానికి కేరళ పోలీసులు ఎలాంటి పాట్లు పడ్డారు? వంటి అంశాల చుట్టూ ఈ సినిమా తిరుగుతుంది.
నటీనటులు:
సుధాకర్ కురుప్ గా దుల్కర్ సల్మాన్ నీట్ పెర్ఫార్మన్స్ ను ఇచ్చాడు. ఎక్కడా వేలెత్తి పాయింట్ అవుట్ చేయడానికి లేదు. దుల్కర్ అవుట్ స్టాండింగ్ స్క్రీన్ ప్రెజన్స్ ను మెచ్చుకుని తీరాలి. ఒక్క ముక్కలో చెప్పాలంటే ఈ క్రైమ్ డ్రామాకు వెన్నుముకలా నిలిచాడు.
దుల్కర్ భార్యగా ప్రముఖ పాత్రలో శోభిత నటన పర్వాలేదు. ఇంద్రజిత్ సుకుమారన్, షైన్ టామ్, సన్నీ వేన్, భరత్ నివాస్ వంటి వారు తమ పాత్రలకు పూర్తి న్యాయం చేసారు.
సాంకేతిక నిపుణులు:
సుషిన్ శ్యామ్ అందించిన సంగీతం ఈ చిత్రాన్ని ముందుకు నడిపిందని చెప్పవచ్చు. సుషిన్ అందించిన పాటలు బాగానే ఉన్నాయి, ఎక్కువగా సిచ్యువేషనల్ సాంగ్స్ ఉన్నాయి. ఇక బ్యాక్ గ్రౌండ్ స్కోర్ అయితే నెక్స్ట్ లెవెల్ లో ఉందని చెప్పాలి. నిమిష్ రవి అందించిన సినిమాటోగ్రఫీ చాలా బాగుంది. చాలా చోట్ల రస్టిక్ టెక్స్చర్ ను తన లైటింగ్ సెటప్ తో సూపర్బ్ గా తీసుకొచ్చాడు. జితిన్ కె జోస్ అందించిన కథ సింపుల్ గా ఉన్నా కానీ కొత్తగా ఉంది. కెఎస్ అరవింద్, డేనియల్ సయూజ్ ఈ చిత్రానికి స్క్రీన్ ప్లే, డైలాగ్స్ రాసారు. అవి బాగానే వర్కౌట్ అయ్యాయి. వివేక్ హర్షన్ ఎడిటింగ్ షార్ప్ గా ఉంది. నిర్మాణ విలువలు చాలా బాగున్నాయి.
ప్లస్ పాయింట్స్:
- దుల్కర్ సల్మాన్ స్క్రీన్ ప్రెజన్స్
- శ్రీనాథ్ రాజేంద్రన్ టేకింగ్
నెగటివ్ పాయింట్స్:
- అక్కడక్కడా నెమ్మదించే కథనం
విశ్లేషణ:
70లలో సెటప్ చేయబడ్డ ఈ స్టోరీ ఆర్మీ మ్యాన్ నుండి కరుడుగట్టిన నేరస్తుడిగా మారిన కురుప్ ప్రయాణాన్ని చూపిస్తుంది. దుల్కర్ సల్మాన్ నటన, మ్యానరిజమ్స్ చక్కగా కుదిరాయి. శ్రీనాథ్ రాజేంద్రన్ టేకింగ్ ప్రేక్షకులకు బాగా నచ్చుతుంది. క్రైమ్ డ్రామాలు నచ్చేవారికి కురుప్ ఒక ఎంగేజింగ్ క్రైమ్ డ్రామాగా అనిపిస్తుంది.
తెలుగు బులెటిన్ రేటింగ్: 3/5