నేను మగాళ్లతో పడుకోను… నాకూ ఓ భార్య ఉంది

‘నేను మ‌గాళ్ల‌తో ప‌డుకోను.. నాకూ ఓ భార్య ఉంది’ ఈ మాట‌లు అన్న‌ది స్వ‌యంగా ఒక రాష్ట్రానికి చెందిన అసెంబ్లీ స్పీక‌ర్ అంటే న‌మ్ముతారా. కానీ, ఇది నిజం. క‌ర్ణాట‌క స్పీక‌ర్ ర‌మేశ్ కుమార్ ఈ వివాదాస్ప‌ద వ్యాఖ్య‌లు చేసి మ‌రోసారి వార్త‌ల్లో నిలిచారు. దీంతో మ‌రోసారి రాష్ట్రంలోని కాంగ్రెస్ నేత‌ల మ‌ధ్య అంత‌ర్యుద్ధం మ‌రోసారి బ‌ట్ట‌బ‌య‌లైన‌ట్లైంది.
కాంగ్రెస్ నేతలు మునియప్ప, రమేశ్ కుమార్ మధ్య కొన్నాళ్లుగా లోక్‌సభ నియోజకవర్గం విషయమై మాటల యుద్ధం నడుస్తోన్న సంగతి తెలిసిందే. ఈ నేప‌థ్యంలో ఇటీవ‌ల మునియ‌ప్ప చేసిన వ్యాఖ్య‌ల‌కు బ‌దులిస్తూ ర‌మేశ్ పై విధంగా స్పందించారు.
కోలార్ లోక్‌సభ నియోజకవర్గం నుంచి పోటీ చేసే అభ్యర్థి విషయమై మునియప్ప, రమేశ్ కుమార్ మధ్య చాలా కాలంగా గొడవలు జరుగుతున్నాయి. సుమారు నెల రోజుల క్రితం వీరిద్ద‌రి మ‌ధ్య వైరంపై మీడియా అడిగిన ప్రశ్నకు మునియప్ప ఆసక్తికరంగా బదులిచ్చారు. రమేశ్ కుమార్‌కు, నాకు మధ్య ఎలాంటి విభేదాలు లేవు. మేమిద్దరం భార్య, భర్తల్లాంటి వాళ్లం’ అని మీడియాతో మునియప్ప అన్నారు. తాజాగా ఈ వ్యాఖ్య‌ల‌పై ర‌మేశ్ స్పందించారు.

‘నేను మగాళ్లతో పడుకోను. నాకూ ఓ లీగల్ భార్య ఉంది. ఆయనకు ఆ ఆసక్తి ఉందేమో కానీ, నాకు లేదు..’ అంటూ రమేశ్ కుమార్ ఘాటుగా స్పందించారు. నియోజకవర్గానికి వచ్చిన సందర్భంగా చేసిన ఈ వ్యాఖ్యలు కర్ణాటక కాంగ్రెస్‌లో దుమారం రేపుతున్నాయి. దీనిపై మునియ‌ప్ప రాహుల్ గాంధీకి ఫిర్యాదు చేసే ఆలోచ‌న‌లో ఉన్న‌ట్లు తెలుస్తోంది.