మచిలీపట్నం లోక్ సభ నియోజకవర్గ జనసేన అభ్యర్థిగా సిట్టింగ్ ఎంపీ వల్లభనేని బాలశౌరి అభ్యర్థిత్వాన్ని జనసేన అధినేత పవన్ కళ్యాణ్ ఖాయం చేశారు. ఈ మేరకు జనసేన పార్టీ ఓ ప్రకటన విడుదల చేసింది. 2019 ఎన్నికల్లో వైసీపీ నుంచి ఎంపీగా గెలిచిన వల్లభనేని బాలశౌరి, కొన్నాళ్ళ క్రితమే వైసీపీకి రాజీనామా చేసి, జనసేనలో చేరిన సంగతి తెలిసిందే.
జనసేనలో చేరే క్రమంలో తన ఎంపీ పదవికీ ఆయన రాజీనామా చేశారు. జనసేనలో చేరినప్పటినుంచీ, మచిలీపట్నం జనసేన అభ్యర్థిగానే వల్లభనేని బాలశౌరి పేరు ప్రచారంలోకి వచ్చింది. అయితే, టీడీపీ – జనసేన – బీజేపీ పొత్తు నేపథ్యంలో, బాలశౌరికి టిక్కెట్ దక్కకపోవచ్చన్న ప్రచారమూ జరిగిన సంగతి తెలిసిందే.
ఈ నేపథ్యంలో బాలశౌరి అనుచరులు కొంత ఆందోళనకు గురయ్యారు. జనసేన శ్రేణులు సైతం ఈ విషయమై కొంత ఆందోళన చెందిన మాట వాస్తవం. జనసేనలో చేరాక, పార్టీ అధినేత పవన్ కళ్యాణ్కి అత్యంత సన్నిహితుడిగా మారడం, అత్యంత వ్యూహాత్మకంగా మచిలీపట్నం లోక్ సభ నియోజక వర్గ పరిధిలో జనసేన శ్రేణుల్ని సమన్వయం చేసుకుంటూ ముందుకెళ్ళడం.. ఇవన్నీ వల్లభనేని బాలశౌరికి తిరిగి మచిలీపట్నం టిక్కెట్ దక్కేలా చేశాయని చెప్పొచ్చు.
చివరి వరకు కొనసాగిన సస్పెన్స్కి జనసేన అధినేత పవన్ కళ్యాణ్ తెరదించారు. ఓ దశలో మాజీ ఎమ్మెల్యే వంగవీటి రాధాకృష్ణ పేరు కూడా మచిలీపట్నం లోక్ సభ నియోజకవర్గానికి సంబంధించి తెరపైకొచ్చిన సంగతి తెలిసిందే.
ఏదిఏమైనా, జనసేన అధినేత పవన్ కళ్యాణ్ తన అభ్యర్థిత్వాన్ని ఖరారు చేయడం పట్ల మచిలీపట్నం జనసేన అభ్యర్థి వల్లభనేని బాలశౌరి హర్షం వ్యక్తం చేస్తున్నారు. మచిలీపట్నం లోక్ సభ నియోజకవర్గంలో జనసేన జెండా ఎగరవేస్తానని చెబుతున్నారాయన.
ఈ నియోజకవర్గంలో ఇప్పటికే టీడీపీ శ్రేణులతోనూ సమన్వయం కోసం తగు చర్యలు చేపట్టారు వల్లభనేని బాలశౌరి. మరో ఎంపీ సీటు కాకినాడలో పవన్ కళ్యాణ్కి అత్యంత సన్నిహితుడైన తంగెల్ల ఉదయ్ శ్రీనివాస్ పోటీ చేస్తున్న సంగతి తెలిసిందే. ముచ్చటగా మూడో సీటు కూడా జనసేనకు దక్కేలా వుందన్న ప్రచారం జరుగుతోంది. ఆ విషయమై కొద్ది రోజుల్లో స్పష్టత రావొచ్చు.
Hi guys. The blog Valhalla Vitality is a real treasure for anyone looking to progress in their training and reach new athletic goals. The article on the benefits of enclomiphene for muscle growth simply shocked me with its informative and accessible content. I found a lot of useful tips here and learned how to put them into practice. Many thanks to the authors for such inspiring content