మూవీ టైటిల్ గా ‘FCUK’ అని చూడగానే అడల్ట్ కామెడీలా ఆడియన్స్ అటెన్షన్ ని గ్రాబ్ చేస్తుంది. కానీ FCUK అంటే ‘ఫాదర్ చిట్టి ఉమా కార్తీక్’. ఈ నలుగురు చుట్టూ తిరిగే కథే ఈ సినిమా. టైటిల్ కి తగ్గట్టుగానే ఏ సర్టిఫికెట్ తెచ్చుకున్న ఈ సినిమాలో ఫాదర్ గా జపతి బాబు నటిస్తే, రామ్ కార్తీక్ – అమ్ము అభిరామిలు లీడ్ పెయిర్ గా నటించారు. బేబీ సహ్రాషిత చిట్టిగా కనిపించింది. మరి ఈ అడల్ట్ రొమాంటిక్ కామెడీ ఏ మేరకు ఆకట్టుకుందో చూద్దాం..
కథ:
మన ఫణి భూపాల్(జగపతి బాబు) ఓ మిడిల్ ఏజ్డ్ ప్లే బాయ్. తన క్యారెక్టర్ కి తగ్గట్టే కండోమ్స్ బిజినెస్ చేస్తుంటాడు. అతని కొడుకే మన హీరో కార్తీక్(రామ్ కార్తీక్). కానీ కార్తీక్ ఫాదర్ క్యారెక్టర్ కి పూర్తిగా విరుద్ధంగా ఉంటాడు. కుర్రాడు కదా అనుకోకుండా ఒక రోజు ఉమ(అమ్ము అభిరామి)ని చూసి ప్రేమలో పడతాడు. కానీ అప్పటికే ఉమకి ఎంగేజ్మెంట్ అయ్యుంటది కానీ పెళ్లి లోపు ఎలాగైనా తనని ప్రేమలో పడేయాలని ట్రై చేస్తున్న టైంలో ఫణి భూపాల్ చేసిన ఓ పని వలన కార్తీక్ పై ఉమకి ఇంప్రెషన్ మొత్తం పోతుంది. ఓ రోజు కార్తీక్ ఫాదర్ కి యాక్సిడెంట్ అని కాల్ వస్తుంది వెళ్లి చూస్తే ఫాదర్ తో పాటు ఓ చిన్న పాప కూడా ఉండడం చూసి షాక్ అవుతాడు. అలా వారి లైఫ్ లోకి వచ్చిన పాపతో వాళ్ళు పడ్డ కష్టాలు ఏమిటి? ఆ పాప వల్ల వారి లైఫ్స్ ఎలా మారాయి? ఇంతకీ ఎవరా పాప? ఆ పాపకి ఫణి భూపాల్ కి ఏమన్నా సంబంధం ఉందా? ఆ పాప కార్తీక్ – ఉమలని కలిపిందా? లేదా? అనేదే కథ.
తెరమీద స్టార్స్..
తెరపై కనిపించిన అందరూ వారి వారి పాత్రల్లో బాగా చేశారనే చెప్పాలి. జగపతి బాబు మిడిల్ ఏజ్డ్ ప్లే బాయ్ గా యూత్ మొత్తం షాక్ అయ్యేలా యాటిట్యూడ్, సాల్ట్ అండ్ పెప్పర్ లుక్, స్టైలింగ్ తో సూపర్బ్ అనిపిస్తాడు. అలాగే పెర్ఫార్మన్స్ లో కూడా అన్ని ఎమోషన్స్ ని బాగా చేశారు. ఇక రామ్ కార్తీక్ కూడా కూల్ లుకింగ్ పాత్రలో బాగా చేసాడు. తమిళ్ లో ఆల్రెడీ మంచి పేరున్న అమ్ము అభిరామికి తెలుగులో హీరోయిన్ గా మొదటి సినిమా. తన పాత్రలో క్యూట్ గా కనిపించడమే కాకుండా మంచి ఎక్స్ ప్రెషన్స్ తో యూత్ కి కనెక్ట్ అయ్యింది. మాస్టర్ భరత్, రామ్ ప్రసాద్ ల చేత చెప్పించిన కొన్ని వన్ లైనర్స్ నవ్వు తెప్పిస్తాయి కానీ ఎక్కువగా నవ్వించలేకపోయారు.
తెర వెనుక టాలెంట్..
తెరవెనుక టాలెంట్స్ లో ఫస్ట్ ప్లేస్ ఇవ్వాల్సింది మ్యూజిక్ డైరెక్టర్స్ అయిన భీమ్స్ సిసిరోలియో మరియు జీవన్ కి.. భీమ్స్ పాటలు బాగున్నాయి, అలాగే జీవన్ బ్యాక్ గ్రౌండ్ మ్యూజిక్ తో సినిమాకి ఎప్పటికప్పుడు హెల్ప్ చేస్తూనే వచ్చాడు. ఆ మ్యూజిక్ వల్లే పలు సీన్స్ నవ్వు తెప్పిస్తాయి. ఇకపోతే శివ జి సినిమాటోగ్రఫీ బాగుంది. ఎమోషన్స్ ని రీచ్ చేయడంలో విజువల్స్ హెల్ప్ అయ్యాయి. కిషోర్ మద్దాలి ఎడిటింగ్ బాగుంది కానీ లెంగ్త్ మాత్రం చాలా కట్ చేసి ఉండచ్చు. అలా కట్ చేయకపోవడంతో చాలా చోట్ల బోరింగ్ అనిపిస్తుంది. జేకే మూర్తి ఆర్ట్ వర్క్ బాగుంది. ఆదిత్య, కరుణాకర్ డైలాగ్స్ డీసెంట్ అనిపిస్తాయి. ఇంకా ఫన్ డైలాగ్స్ రాయడానికి ఛాన్స్ ఉంది కానీ మిస్ అయ్యారు అని చెప్పాలి.
ఇక డైరెక్టర్ విద్యాసాగర్ రాజు విషయానికి వస్తే.. ఆయన కథ కోసం ఎంచుకున్న పాయింట్ మంచిది అండ్ కాస్త బోల్డ్ పాయింట్ కూడాను. ఆ పాయింట్ ని అంతే బోల్డ్ గా చెప్పి ఉంటే బాగుండేది. ఆయా తీసుకున్న బోల్డ్ పాయింట్ ని ఏదో పద్దతిగా చెప్పాలని ట్రై చేయడం వలన కథలో ఆ పాయింట్ ఇంపాక్ట్ తెలియదు. అలా కథని ఆడియన్స్ కి ఎంగేజ్ చేయలేకపోయారు. ఇకపోతే దాదాపు 169 నిమిషాల కథనంలో సర్ప్రైజ్ అయ్యే ఎలిమెంట్ కానీ, ఆసక్తి కలిగించే అంశం కానీ ఒక్కటీ లేకపోవడం వలన బోర్ కొట్టేస్తుంది. ప్రతి సీన్ ప్రేక్షకులు ఊహించేయగలరు. డైరెక్టర్ గా నటీనటుల నుంచి నటనని, క్రాఫ్ట్స్ నుంచి మంచి వర్క్ తీసుకోగలిగాడు కానీ తను అనుకున్న కథని ఆసక్తికరంగా చెప్పడంలో, అనుకున్న కామెడీని పూర్తిగా తెరపై ప్రెజంట్ చేయడంలో ఫెయిల్ అయ్యాడు.శ్రీ రంజిత్ మూవీస్ కెఎల్ దామోదర ప్రసాద్ నిర్మాణ విలువలు బాగున్నాయి.
విజిల్ మోమెంట్స్:
– జగపతి బాబు లుక్ అండ్ పెర్ఫార్మన్స్
– స్టోరీలో కీ పాయింట్
– మ్యూజిక్
– అక్కడక్కడా కొని నవ్వులు
బోరింగ్ మోమెంట్స్:
– ఆకట్టుకోలేకపోయింది పూర్తి కథ
– ఆసక్తిగాలేని కథనం
– అనుకున్న కామెడీ పెద్దగా వర్కౌట్ కాకపోవడం
– వామ్మో అనిపించే లెంగ్త్
– సాగదీసిన ఎడిటింగ్
– అనుకున్న ఎమోషన్ ని కన్వే చేయలేకపోవడం
విశ్లేషణ:
‘FCUK’ టైటిల్ తోనే ఇదొక బోల్డ్ పాయింట్ అండ్ అంతే స్ట్రాంగ్ గా చెప్పాం అనేలా ఏ సర్టిఫికేట్ తో రిలీజ్ కి ముందు క్రియేట్ చేసుకున్న కాస్త క్రేజ్ ని ఈ సినిమా రిలీజయ్యాక నిలబెట్టుకోలేకపోయింది. మంచి పాయింట్ అనుకున్నప్పటికీ ఆ పాయింట్ ని చెప్పాల్సిన స్టైల్ లో చెప్పకపోవడం వలన నటీనటుల నటన ప్రతిభ, టెక్నికల్ టీం ఎఫర్ట్స్ అన్నీ వృధా అయ్యాయని చెప్పచ్చు. ‘FCUK’ ఒక అడల్ట్ కామెడీ ఎంటర్టైనర్ అవ్వాలి కానీ అక్కడక్కడా అడల్ట్ కంటెంట్ కనిపించినా కామెడీ మాత్రం చాలా అంటే చాలా తక్కువగా కనిపించి బోర్ కొట్టిస్తుంది.
చూడాలా? వద్దా?: జగపతి బాబు ఫ్యాన్ అయితే ఓకే లేదంటే లైట్ తీసుకోవచ్చు.
తెలుగుబులెటిన్.కామ్ రేటింగ్: 1.75/5
A secure, fun online casino with some of the finest online flash games offered today.
257340 396053i was just browsing along and came upon your weblog. just wantd to say wonderful web site and this post truly helped me. 653309
76955 796063Hey there, I think your website might be having browser compatibility issues. When I look at your website in Chrome, it looks fine but when opening in Internet Explorer, it has some overlapping. I just wanted to give you a quick heads up! Other then that, great blog! 792031
937235 843342I genuinely treasure your work , Excellent post. 806967