Kalki 2898 AD: ప్రభాస్ (Prabhas) హీరోగా నాగ్ అశ్విన్ (Nag Ashwin) దర్శకత్వంలో తెరకెక్కుతున్న సినిమా ‘కల్కి 2898 ఏడీ’ (Kalki 2898 AD). అత్యంత భారీ బడ్జెట్ తో తెరకెక్కుతూ భారతీయ సినీ పరిశ్రమలోనే భారీ అంచనాలు నెలకొన్న సినిమాగా బజ్ క్రియేట్ చేసింది. ఇప్పుడీ సినిమా హాలీవుడ్ లో కూడా వార్తల్లో నిలుస్తోంది. పలు హిట్ సినిమాలు తెరకెక్కించిన జొనాథన్ నోలన్ (Jonathan Nolan) సినిమాపై చేసిన కామెంట్స్ వైరల్ అవుతున్నాయి.
‘భారతీయ దర్శక, నిర్మాతలు ప్రస్తుతం హాలీవుడ్ వారికంటే బాగా ఆలోచిస్తున్నారు. ప్రతి సన్నివేశాన్ని నిశితంగా తెరకెక్కిస్తున్నారు. ప్రస్తుతం ఆస్థాయిలోనే కల్కి 2898 ఏడీ తెరకెక్కుతోందని తెలుస్తోంది. అయితే.. వారికి సలహాలు ఇవ్వడం అనవసరం’.
‘వాళ్లేం చేస్తున్నారో.. ఎలా తెరకెక్కిస్తున్నారో వాళ్లకి తెలుసు. నాకు సైన్స్ ఫిక్షన్ సినిమాలు తెరకెక్కించడం ఇష్టం. కల్కి అలాంటి సినిమానే కావొచ్చు. భారతీయ సినిమాల్లో లొకేషన్స్, సినిమాటోగ్రఫీ, స్టంట్స్, యాక్షన్ అద్భుతంగా ఉంటా’యని అన్నారు. ప్రస్తుతం ఇందుకు సంబంధించిన వీడియో నెట్టింట వైరల్ అవుతోంది. సంచలన దర్శకుడు క్రిస్టోఫర్ నోలన్ కు తమ్ముడు.. జొనాథన్ నోలన్.