అమరావతి అసైన్డ్ భూముల వ్యవహారంలో టీడీపీ అధినేత చంద్రబాబు నాయుడు, మాజీ మంత్రి నారాయణకు హైకోర్టులో ఊరట లభించింది. సీఐడీ వారిద్దరిపై నమోదు చేసిన విచారణపై స్టే విధిస్తూ ఉత్తర్వులు జారీ చేసింది. ఈరోజు ఉదయం సీఐడీ నమోదు చేసిన ఎఫ్ఐఆర్ ను సవాలు చేస్తూ చంద్రబాబు, నారాయణ హైకోర్టులో క్వాష్ పిటిషన్ దాఖలు చేశారు. చంద్రబాబు తరపున సీనియర్ న్యాయవాది సిద్ధార్ధ్ లూధ్రా, నారాయణ తరపున దమ్మాలపాటి శ్రీనివాస్ వాదించారు.
సీఆర్డీఏ చట్టం ద్వారా తీసుకొచ్చిన చట్టాలు చెల్లవనడం సరికాదని అన్నారు. పైగా.. సిఐడీ అధికారుల ఆరోపణలకు, పెట్టిన సెక్షన్లు ఐపీసీ 166, 167 ప్రకారం చెల్లవని కోర్టుకు సిద్ధార్ధ్ లూధ్రా విన్నవించారు. రైతులను వ్యక్తిగతంగా వెళ్లి రైతులకు నష్టం చూకూరిస్తే ఎస్సీ, ఎస్టీ చట్టం సెక్షన్లు వర్తిస్తాయని దమ్మాలపాటి శ్రీనివాస్ వాదించారు. ఆధారాలుంటే చూపాలని సీఐడీ తరపు న్యాయవాదులను కోర్టు కోరగా.. విచారణ తొలిదశలో అన్ని వివరాలు వెల్లడంచలేమని.. విచారణకు అనుమతిస్తే అన్ని వివరాలు తెలుస్తాయని కోర్టుకు తెలిపారు.
కేసుపై న్యాయవాదులు వాదిస్తూ.. జీవో విడుదలైన 35 రోజులకు అప్పటి సీఎం ఆమోదించినట్టు చెప్తున్నారని.. అప్పటి సీఎంకు తెలిసి జీవో ఇచ్చారనేందుకు ఆధారాలు లేవన్నారు. ఈ వ్యవహారంలో అప్పటి సీఎం, మంత్రి ఎక్కడా ఈ ప్రక్రియలో పాల్గొనలేదని తెలిపారు. అప్పటి గుంటూరు కలెక్టర్ విజ్ఞప్తితో జీవోను సవరించారని కోర్టుకు తెలిపారు. జీవో విడుదల ప్రక్రియలో అప్పటి సీఎం, మంత్రి పాల్గొనలేదని కోర్టుకు వివరించారు. దీంతో కోర్టు న్యాయవాదులకు పలు ప్రశ్నలు సంధించింది.
చంద్రబాబు, నారాయణకు వ్యతిరేకంగా సాక్ష్యాలున్నాయా? రైతులు నష్టపోలేదు కదా? సీఆర్డీఏ కూడా ఫిర్యాదు చేయలేదు కదా? ఎవరూ ఫిర్యాదు చేయకుండా కేసు ఎలా పెడతారు? అసైన్డ్ రైతులకు కూడా నష్టపరిహారం అందింది కదా? సీఆర్డీఏలోని సెక్షన్ 146 ప్రకారం అధికారులను ఎలా విచారిస్తారు? అని హైకోర్టు ప్రశ్నించింది. ఇరుపక్షాల వాదనలు విన్న న్యాయస్థానం సీఐడీ విచారణపై స్టే విధిస్తూ ఆదేశాలు జారీ చేసింది.
thank you
508350 849559As I web site possessor I believe the content material here is actually superb , appreciate it for your efforts. 704125
137807 666760Aw, this was a truly good post. In thought I would like to location in writing in this way moreover – taking time and actual effort to create a very excellent article but what / points I say I procrastinate alot and also no indicates apparently get something done. 682305