హీరోయిన్ డింపుల్ హయాతి ఐపీఎస్ ఆఫీసర్ అయిన రాహుల్ హెగ్డే కారును ఢీ కొట్టడంతో పాటు కారుతో తన్నిందనే ఆరోపణలు ఎదుర్కొంటున్న విషయం తెల్సిందే. రాహుల్ హెగ్డే కారు డ్రైవర్ జూబ్లీ హిల్స్ పోలీస్ స్టేషన్ లో డింపుల్ మరియు ఆమె స్నేహితుడిపై కేసు నమోదు చేయడం జరిగింది.
ఈ విషయమై డింపుల్ మరియు ఆమె తరపు లాయర్ కొత్త వాదన వినిపిస్తున్నారు. గన్ మెన్స్ సెక్యూరిటీతో ఉండే ఐపీఎస్ ఆఫీసర్ కారు పై తాను ఎలా దాడి చేయగలను అంటూ డింపుల్ ప్రశ్నించింది. ఇక ఆమె తరపు లాయర్ మాట్లాడుతూ రోడ్డు పై ఉండాల్సిన ట్రాఫిక్ కోన్స్ ఎందుకు అపార్ట్మెంట్‌ సెల్లార్ లో ఉన్నాయి అంటూ ప్రశ్నించాడు.
డింపుల్ ను వేధించేందుకు అతడు ప్రయత్నించాడు. అందులో భాగంగానే ఆమె పై కేసు పెట్టడంతో పాటు పార్కింగ్ విషయంలో నానా రాద్దాంతం చేశాడు అంటూ లాయర్ కౌంటర్ ఇచ్చాడు. ప్రభుత్వం కేటాయించిన ఇంట్లో ఉండాల్సిన రాహుల్ హెగ్డే ఎందుకు అపార్ట్మెంట్‌ లో ఉంటున్నాడని కూడా లాయర్ ప్రశ్నించాడు. అంతే కాకుండా ముందు రోజు డింపుల్ పోలీసులకు ఫిర్యాదు ఇచ్చేందుకు వెళ్లగా తీసుకోలేదని… ఈ విషయాలన్నింటిని కూడా తాము కోర్టు లో తేల్చుకుంటామని డింపుల్ తరపు లాయర్ పేర్కొన్నాడు.