క్రైమ్ న్యూస్: ఆపద సమయంలో ఆశ్రయం ఇస్తే మిత్రుడి భార్యను లేపుకు పోయాడు

మంచికి పోతె చెడు ఎదురవుతుందని అంటూ ఉంటారు. మనం ఎదుటి వారికి మంచి చేయాలనుకుంటే అది మనకే చెడు అవుతుంది అని పెద్దలు అంటూ ఉంటారు. ఈ విషయం కేరళకు చెందిన ఒక వ్యక్తి విషయంలో నిజం అయ్యింది. ప్రేమించి పెళ్లి చేసుకుని ఇద్దరు పిల్లలతో జీవితంను చాలా సంతోషంగా గడుపుతున్నాడు. ఎర్నాకులంలో కుటుంబంతో సంతోషంగా గడుపుతున్న ఆ వ్యక్తికి ఇటీవల చిన్ననాటి స్నేహితుడు లోథారియో ఫోన్‌ చేశాడు. లాక్‌ డౌన్‌ వల్ల నేను చిక్కుకు పోయాను. ఎర్నాకులంలో ఎక్కడ ఉండాలో తెలియని పరిస్థితి. మీ ఇంట్లో ఆశ్రయం ఇవ్వగలవా అంటూ అడిగాడు.

చిన్ననాటి స్నేహితుడు అది కూడా ఇబ్బందుల్లో ఉన్నాడు కదా అని మరో క్షణం ఆలోచించకుండా వెంటనే ఇంటికి వచ్చేయమన్నాడు. ఇంటికి వచ్చి దాదాపుగా నెలన్నర రోజులు ఉన్న లోథారియో స్నేహితుడి భార్యతో క్లోజ్‌ అయ్యాడు. స్నేహతుడు బయటకు వెళ్లిన సమయంలో ఆమెతో అక్రమ సంబంధం పెట్టుకున్నాడు. చివరకు ఆమెను భర్తను పిల్లలను వదిలి వచ్చేయమంటూ ఆమెను ఒప్పించాడు. ఒక రోజు స్నేహితుడు ఇంట్లో లేని సమయంలో లోథారియో ఆమెతో కలిసి కారులో పారిపోయాడు. విషయం పోలీసులకు చెప్పడంతో కేసు నమోదు చేసి ఎంక్వౌరీ చేస్తున్నారు.