చిరంజీవి.. తెలుగు చిత్ర పరిశ్రమకు నెంబర్ వన్ హీరో అయ్యారంటే ఆయనకు ఉన్న భారీ మాస్ ఫాలోయింగ్ కారణం. నాలుగు దశాబ్దాలుగా మాస్ ఇమేజ్ ఆయనకు కవచం. ఆయనకు ఎనలేని కీర్తి కిరీటం. అందుకే ప్రతి హీరో మాస్ ఫాలోయింగ్ కోసం ప్రయత్నిస్తూ ఉంటారు. అయితే.. అదొక్కటే సరిపోదు. కుటుంబ ప్రేక్షకులను కూడా మెప్పించాలి. ప్రేక్షకులు ఒక హీరోను తమ వాడు అనుకుంటే ఇక వారికి తిరుగుండదు. అలా అనుకోవాలంటే ఫ్యామిలీ ఇమేజ్ కావాలి. మాస్ ఇమేజ్ కు ముందు చిరంజీవి ఫ్యామిలీ ఇమేజ్ పొందారు. ఆ గుర్తింపే మాస్ హీరోగా ఎదిగేందుకు కారణమైంది. ఆయనకు ఫ్యామిలీ ఇమేజ్ తెచ్చిన మొదటి సినిమాగా ‘ఇంట్లో రామయ్య వీధిలో కృష్ణయ్య’ను చెప్పుకోవాలి.
ఫ్యామిలీ ఆడియన్స్ మెప్పు పొందితే..
కుటుంబ ప్రేక్షకులకు చేరువైతే ఆ హీరోని తమ ఇంట్లో వ్యక్తిగా ఆరాధిస్తారు. ఎన్టీఆర్, ఏఎన్నార్ ఇమేజ్, వారి స్టార్ డమ్ కు అవే కారణం. చిరంజీవి అదే సాధించారు. తర్వాత రోజుల్లో ఫ్యాన్స్ తోపాటు మహిళా ప్రేక్షకులు ఆయనకు వీరాభిమానులు అయ్యారు. కుటుంబం, భార్య విధేయుడిగా, సంసారంలోని అలకలు, సరసాలు, భావోద్వేగాలు పండించే పాత్రలో చిరంజీవి ఒదిగిపోయారు. ఇదే ఆయనకు మరింత ఫ్యామిలీ ఆడియన్స్ ను దగ్గర చేసింది. ఈ సినిమా ఆయనకు ప్రత్యేకం. సినిమా ఆద్యంతం గ్రామీణ వాతావరణంలో తెరకెక్కడం.. సినిమా చూస్తున్నట్టు కాకుండా తమ ఇంట్లోనే ఉన్నామనే భావన ప్రేక్షకులకు కలగించడమే ఈ సినిమా ప్రత్యేకత.
చిరంజీవి సందేహించినా..
సినిమాలో హీరోయిన్ మాధవిని ఆటపట్టించడం, పూర్ణిమతో సరదా సన్నివేశాలు ప్రేక్షకుల్ని అలరించాయి. కాపురంలో చిరంజీవిని మాధవి పెట్టే ఇబ్బందులు.. వాటిని తట్టుకోవడం సంసారంలో చక్కిలిగింతలు, సెంటిమెంట్ ప్రేక్షకులకు నచ్చాయి. మొదట సినిమా చేసేందుకు చిరంజీవి సందేహించారు. ఈ సినిమా వచ్చే సమయానికి ఇండస్ట్రీలో 4ఏళ్లు.. 37 సినిమాలు చేసిన అనుభవం చిరంజీవిది. అటు మాస్, ఇటు క్లాస్, విలనిజం నుంచి యాక్షన్ హీరోగా చేస్తున్న చిరంజీవి ఇంతటి క్లాస్ సినిమాలో ప్రేక్షకులు తనను ఆదరిస్తారా.. అనే సందేహం మొదలైంది. అయితే.. రెగ్యులర్ హీరోల కంటే చిరంజీవి ఈ పాత్రకు సరిపోతారని కోడి రామకృష్ణ ఆయన్ను ఒప్పించారు.
అద్భుత విజయం..
కోడి రామకృష్ణ దర్శకత్వంలో 1982 ఏప్రిల్ 22న సినిమా విడుదలైంది. దర్శకుడిగా ఆయనకు ఇదే తొలి సినిమా. ప్రతాప్ ఆర్ట్ ప్రొడక్షన్స్ బ్యానర్ పై కె.రాఘవ నిర్మాణంలో సినిమా తెరకెక్కింది. కథా రచయిత కోడి రామకృష్ణ కాగా.. మాటలు గొల్లపూడి మారుతీ రావు రాశారు. ఆయనకూ ఇదే తొలి సినిమా. కోడి రామకృష్ణకు, చిరంజీవికి ఇంత లాంగ్ రన్ ఆడిన తొలి సినిమా ఇదే. జేవీ రాఘవులు సంగీతంలోని పాటలన్నీ సూపర్ హిట్టయ్యాయి. 8 కేంద్రాల్లో 50 రోజులు, 100 రోజులు 2 కేంద్రాల్లో ఆడింది. హైదరాబాద్ లో 365 రోజులు ఆడింది. నిర్మాతగా రాఘవకు భారీ లాభాలు.. తొలి చిత్రమే కోడి రామకృష్ణకు భారీ విజయం.. చిరంజీవిని ఫ్యామిలీ ఇమేజ్ దక్కాయి. ఆ తర్వాత ఆయన ప్రస్థానం మరో మలుపు తీసుకున్న సంగతి తెలిసిందే.
707499 202782You got a quite wonderful website, Sword lily I observed it via yahoo. 405458
942832 670957Exceptional read, I just passed this onto a colleague who was doing a bit research on that. And he really bought me lunch because I located it for him smile So let me rephrase that. 778334