Ram Charan: గ్లోబల్ స్టార్ రామ్ చరణ్ (Ram Charan) ఉప్పెన దర్శకుడు బుచ్చిబాబు సనా (Buchibabu Sana) దర్శకత్వంలో ఓ సినిమా చేస్తున్న సంగతి తెలిసిందే. RC16 గా తెరకెక్కబోయే ఈ సినిమా సెప్టెంబర్లో సెట్స్ కు వెళ్తుందని తెలుస్తోంది. ఇప్పటికే ప్రీ-ప్రొడక్షన్ పనులు జరుగుతున్నట్టు సమాచారం. సినిమా కోసం ఆసక్తిగా ఉన్నట్టు రామ్ చరణ్ (Ram Charan) గతంలోనే చెప్పడం.. ఏఆర్ రెహమాన్ సంగీతం అందిస్తారనే వార్తతో సినిమాపై భారీ అంచనాలు నెలకొన్నాయి.
అయితే దర్శకుడు బుచ్చిబాబు చేసిన ఓ ట్వీట్ నెట్టింట వైరల్ అవుతోంది. హీరో రామ్ చరణ్ ను కలుసుకున్న ఫోటోను ట్విట్టర్ వేదికగా పంచుకున్నారు. ‘ముందు ముందు చాలా అద్భుతాలు జరుగబోతున్నాయి.. గ్లోబల్ స్టార్ రామ్ చరణ్ తో..’ అంటూ క్యాప్షన్ ఇచ్చారు. గ్రామీణ నేపథ్యంలో సినిమా ఉంటుందనే ఊహాగానాలు వస్తున్నాయి. దీంతో అభిమానులు సినిమా కోసం వెయిటింగ్.. అంటూ కామెంట్లు చేస్తున్నారు.
రామ్ చరణ్ ప్రస్తుతం శంకర్ (Shankar) దర్శకత్వంలో గేమ్ చేంజర్ (Game Changer) సినిమాలో నటిస్తున్నారు. త్వరలో మైసూర్ షెడ్యూల్ ప్రారంభమవుతుందని తెలుస్తోంది.