కరోనా మహమ్మారి రోజురోజుకూ రెచ్చిపోతోంది. తొలుత దీని లక్షణాలకు, ప్రస్తుతం కనిపిస్తున్న వాటికి చాలా తేడాలొచ్చాయి. ఇప్పటికే పలుమార్లు తన రూపం, లక్షణాలను మార్చుకున్న ఈ జిత్తులమారి.. మరింత విచ్చలవిడిగా వ్యవహరిస్తోంది. తొలుత కరోనా సోకినవారికి కచ్చితంగా ఏవో ఒక లక్షణం బయటపడేది. తర్వాత లక్షణాలు లేకున్నా పాజిటివ్ కేసులు రావడం మొదలైంది. ఇప్పుడు ఎవరికి ఈ వైరస్ ఉందో, ఎవరికి లేదో కూడా తెలియని పరిస్థితి కనిపిస్తోంది. కొంతమందికి ఇది వచ్చి వెళ్లిపోయి కూడా ఉంటుందని టెస్టుల్లో తెలుస్తోంది.
తాజాగా ఈ మహమ్మారికి సంబంధించి మరో విషయం వెలుగులోకి వచ్చింది. ఇప్పటివరకు ఇది ఊపిరితిత్తులపైనే ప్రభావం చూపుతుందని భావించారు. కానీ ఈ వైరస్ మానవ శరీరం మొత్తంపై ప్రభావం చూపిస్తుందని గుర్తించారు. తొలుత నాసిక రంధ్రాల్లోకి ప్రవేశించే వైరస్ కణాలు నెమ్మదిగా గొంతులోకి దిగి అక్కడ తిష్ట వేస్తాయి. తర్వాత అక్కడి నుంచి ఊపిరితిత్తుల్లోకి ప్రవేశించి శ్వాసక్రియను దెబ్బతీస్తాయి. తాజాగా ఇది గుండె, కిడ్నీలు, మెదడుకు కూడా విస్తరిస్తోందని వైద్యులు చెబుతున్నారు. దీని ప్రభావం మెదడుకు చేరడం వల్లే రుచి, వాసన కోల్పోతున్నారని పేర్కొంటున్నారు.
గతంలో కరోనా లక్షణాల్లో ఇవి ఉండేవి కాదు. కానీ ఇటీవల కాలంలో రుచి, వాసన తెలియకపోవడం కూడా కరోనా లక్షణాలేనని గుర్తించారు. మరోవైపు కరోనా బాధితుల్లో కొందరు హఠాన్మరణాలకు గురవుతున్నారు. ఇందుకు కారణం.. ఈ వైరస్ గుండెపై ప్రభావం చూపించడమేనని వివరిస్తున్నారు. ఫలితంగా మయో కార్డైటీస్ కు గురై కరోనా బాధితులు చనిపోతున్నారని అంటున్నారు. అలాగే రక్తప్రసరణ వ్యవస్థ కూడా కరోనా వైరస్ వల్ల ప్రభావితం అవుతోందని శాస్త్రవేత్తలు గుర్తించారు. గతంలో గొంతు, ఊపిరితిత్తులకే పరిమితమైన ఈ మహమ్మారి.. మొత్తం దేహాన్నే కకావికలం చేస్తోందని చెబుతున్నారు. అందువల్ల అందరూ తగిన జాగ్రత్తలు పాటిస్తూ దీని బారిన పడకుండా ఉండటం ఎంతైనా ఉత్తమం.
702192 617763I just want to tell you that Im extremely new to weblog and honestly liked this web site. Far more than likely Im preparing to bookmark your blog post . You certainly come with exceptional articles and reviews. Bless you for sharing your internet site. 682233
566672 329069my grandmother is always into herbal stuffs and she always say that ayurvedic medicines are the top stuff 469492