మిత్రధర్మం అనేది బీజేపీకి బొత్తిగా తెలియదు. గ్రేటర్ హైద్రాబాద్ ఎన్నికల్లోనే ఈ విషయం స్పష్టమయిపోయింది. అప్పట్లోనే జనసేన, మిత్రపక్షమైన బీజేపీ విషయంలో తీవ్ర అసహనం వ్యక్తం చేసింది. అయినాగానీ, పొత్తు ధర్మానికి కట్టుబడి.. తమ అభ్యర్థుల్ని బరిలోంచి ఉపసంహరించుకుంది జనసేన. అదే సమయంలో, బీజేపీకి పూర్తిగా మద్దతిచ్చారు జనసైనికులు. గ్రేటర్ ఎన్నికల్లో జనసేన ఎంతలా తమకు సాయపడిందీ ఆ పార్టీ నేతలు చెప్పుకున్నారు. కానీ, తిరుపతి ఉప ఎన్నిక విషయానికొచ్చేసరికి మళ్ళీ బీజేపీ పాత నాటకమే ఆడుతోంది.
ఇప్పటికే, తిరుపతి ఉప ఎన్నికల్లో బీజేపీ నుంచి ఉమ్మడి అభ్యర్థిని నిలబెడ్తామని పలువురు బీజేపీ నేతలు ప్రకటించగా, ‘ఉమ్మడి అభ్యర్థి విషయమై ఓ కమిటీని ఏర్పాటు చేస్తున్నాం..’ అని జనసేన అధినేత పవన్ కళ్యాణ్ హుందాగా వ్యవహరించారు. ఈ క్రమంలో ఇటీవల ఇరు పార్టీల నేతలూ భేటీ అయ్యారు. అందరం కలిసి ఉమ్మడి అభ్యర్థిపై నిర్ణయం తీసుకుందామని కూడా అనుకున్నారు. కానీ, బీజేపీ ఏపీ అధ్యక్షుడు మాత్రం, తిరుపతి ఉప ఎన్నికలో పోటీ చేసేది బీజేపీ అభ్యర్థి మాత్రమేననీ, జనసేన ఆ అభ్యర్థికి సహకరిస్తుందనీ సెలవిచ్చారు.
ఇది చదవండి: తిరుపతి అభ్యర్థిపై జనసేనాని ఆలోచన ఇదేనా.?
ఇలాంటి ప్రకటనలు ఇరు పార్టీలకు చెందిన నేతలూ ఒకే వేదికపై చేయాల్సి వుంటుంది. పైగా, అభ్యర్థి ఎవరన్నదానిపై ఇంకా జనసేన ఓ నిర్ణయం తీసుకోకముందే, ఇరు పార్టీల సమక్షంలో నిర్ణయం జరగకముందే బీజేపీ ఏపీ అధ్యక్షుడు సోము వీర్రాజు, ‘మా అభ్యర్థి మాత్రమే బరిలో వుంటారు’ అని చెప్పడమేంటి.? పొమ్మనలేక పొగపెడుతున్న వ్యవహారంలా తయారైందిది. జనసేన పార్టీ ఇప్పటికైనా ఈ విషయమై అప్రమత్తమవ్వాల్సి వుంది. పొత్తు ధర్మం సరే, రాజకీయ ధర్మం విస్మరిస్తే ఎలా.?
పార్టీని నమ్ముకుని జనసైనికులు ఏడేళ్ళుగా కష్టపడుతున్నారు. వారి కష్టానికి తగిన గుర్తింపు లభించకపోయినా ఫర్లేదు, అవమానాలు ఎదురైతే ఎలా.? ‘బీజేపీ మిమ్మల్ని లెక్కచేయకపోయినా, మీరు బీజేపీతో అంటకాగుతున్నారు..’ అనే దెప్పిపొడుపుల్ని జనసైనికులు జీర్ణించుకోలేకపోతున్నారు. కానీ, అధినేత పవన్ కళ్యాణ్ మీద గౌరవంతో.. అన్ని అవమానాల్నీ దిగమింగుకోక తప్పడంలేదు జనసైనికులకి. అభ్యర్థి ఎవరు.? అన్నదానిపై బీజేపీలో కూడా ఇంతవరకు ఓ అవగాహన లేని పరిస్థితి.
ఫలానా అభ్యర్థి.. అని ప్రకటించకుండా, ‘మేమే పోటీ చేస్తాం.. జనసేన మద్దతిస్తుంది..’ అని చెప్పుకోవడమేంటి.? దుబ్బాక, గ్రేటర్ ఎన్నికల్లో పార్టీకి పెరిగిన క్రేజ్తో అది ఆంధ్రప్రదేశ్ రాజకీయాల్లోనూ రిపీట్ అవుతుందనే అత్యుత్సాహంతో కన్పిస్తోన్న బీజేపీకి, ఏపీలో అంత సీన్ లేదన్నది మాత్రం గ్రౌండ్ రియాల్టీ.
447850 342387Yay google is my world beater assisted me to uncover this fantastic internet site! . 260575