‘అల్లరి’ సినిమాలో నటించిన నరేష్‌ను చూసి వీడేం హీరో అనుకున్నారు. హీరోగా రెండు మూడు సినిమాలు కూడా చేయలేడు అనుకున్నారు. ఇలాంటి వాళ్లు కూడా హీరోనా అంటూ పెదవి విరిచారు. అయ్య దర్శకుడు అవ్వడంతో ఇలాంటి వాళ్లు కూడా హీరోలు అయిపోతున్నారు అంటూ ఎన్నో ఎనెన్నో విమర్శలు వచ్చాయి. తనపై వచ్చిన ప్రతి విమర్శకు అల్లరి నరేష్ సమాధానం ఇచ్చాడు.
తన ప్రతి సినిమాతో కూడా అల్లరి నరేష్ కామెడీని పంచడంతో పాటు తెలుగు ప్రేక్షకులను ఒక దశాబ్ద కాలం పాటు అలరించాడు. ఈమద్య కాలంలో కాస్త డల్‌ అయినా మళ్లీ అల్లరోడు పుంజుకుంటాడని అంతా నమ్మకంగా ఉన్నారు. అల్లరి నరేష్ మళ్లీ కెరీర్‌ కు ‘నాంధి’ పలికేందుకు నాంది సినిమాతో ప్రేక్షకుల ముందుకు రాబోతున్నాడు. ప్రస్తుతం సినిమాకు సంబంధించిన చివరి దశ చిత్రీకణకు ఏర్పాట్లు జరుగుతున్నాయి.
అల్లరి నరేష్ సినీ కెరీర్‌ మినిమం గ్యారెంటీ అన్నట్లుగా సాగింది. 2002 సంవత్సరంలో వచ్చిన అల్లరి చిత్రం తర్వాత నరేష్ కాస్త అల్లరి నరేష్ అయ్యాడు. అదే ఏడాది ధనలక్ష్మి ఐ లవ్‌ యూ ఇంకా తొట్టిగ్యాంగ్‌ చిత్రాలతో ప్రేక్షకుల ముందుకు వచ్చాడు. ఎంట్రీ ఇచ్చిన మొదటి సంవత్సరంలోనే మూడు సినిమాలు చేసిన అల్లరి నరేష్ ఆ తర్వాత వెనక్కు తిరిగి చూసుకోలేదు.
తదుపరి ఏడాది ఏకంగా నాలుగు సినిమాలు చేశాడు. దాదాపు పుష్కర కాలం పాటు టాలీవుడ్‌లో అల్లరి నరేష్ జోరు మామూలుగా సాగలేదు. నరేష్ నటిస్తే మినిమం గ్యారెంటీ అన్నట్లుగా పరిస్థితి మారింది. తన తండ్రి ఈవీవీ సత్యనారాయణ దర్శకత్వంలో నటించడంతో పాటు పలు చిత్రాలతో ఆకట్టుకున్నాడు. అప్పటి వరకు నవ్విస్తూ వచ్చిన నరేష్ ‘నేను’ చిత్రంతో సరికొత్త నరేష్‌ను ప్రేక్షకులకు చూపించాడు.
కేవలం నవ్వించడం మాత్రమే కాకుండా ఏడిపించడం కూడా తనకు తెలుసు అంటూ నరేష్ పలు చిత్రాలతో నిరూపించాడు. కితకితలు సినిమాతో నరేష్ క్రేజ్‌ తర్వాత స్థాయికి చేరింది. టాలీవుడ్‌ యంగ్‌ స్టార్‌ హీరోల జాబితాలో చేరి పోయాడు. పారితోషికం విషయంలో కూడా అల్లరోడు పెద్ద స్టార్‌ అయ్యాడు. గమ్యం చిత్రంలో చేసిన పాత్రకు గాను అల్లరి నరేష్ విమర్శకుల ప్రశంసలు దక్కించుకోవడంతో పాటు పలు అవార్డులను రివార్డులను కూడా పొందాడు.
ఆ తర్వాత శంభో శివ శంభో చిత్రంలో కూడా నరేష్ నటన ఆకట్టుకుంది. 2012 సంవత్సరంలో వచ్చిన సుడిగాడు చిత్రం వరకు నరేష్ కెరీర్‌ జెట్‌ స్పీడ్‌గా సాగింది. ఆ తర్వాత నుండి మందగించింది. ఈమద్య కాలంలో అల్లరోడి సినిమాలను ప్రేక్షకులు చాలా మిస్‌ అవుతున్నారు. రాజేంద్ర ప్రసాద్‌ స్థాయి దక్కించుకుంటాడని అనుకున్న నరేష్ కొన్ని తప్పుడు నిర్ణయాలు కథల ఎంపిక విషయంలో పొరపాట్ల వల్ల నిరాశ పర్చాడు.
తాజాగా ‘నాంధి’ చిత్రాన్ని చేస్తున్నాడు. ఈ చిత్రంతో మళ్లీ నరేష్ ఫామ్‌లోకి వస్తాడా చూడాలి. హీరోగానే కాకుండా పాత్రకు ప్రాముఖ్యత ఉంటే క్యారెక్టర్‌ ఆర్టిస్టుగా కూడా చేసేందుకు ముందుకు వస్తున్నాడు. మహర్షి చిత్రంలో కీలక పాత్రలో నటించి మెప్పించాడు. ముందు ముందు కూడా నరేష్ నుండి అలాంటి పాత్రలు ఆశించొచ్చు. హీరోగా క్యారెక్టర్‌ ఆర్టిస్టుగా ఇకపై అల్లరోడి కెరీర్‌ ముందుకు సాగుతుందని ఆశిద్దాం.
నేడు ఈ అల్లరోడి పుట్టిన రోజు. ఈ సందర్బంగా ఆయన అభిమానులు.. ప్రేక్షకుల నుండి ఇంకా తెలుగు బులిటెన్‌ తరపున కూడా హృదయ పూర్వక పుట్టిన రోజు శుభాకాంక్షలు తెలియజేస్తున్నాం. రాబోయే రోజుల్లో అద్బుతమైన విజయాలను అందుకోవాలని ఆశిస్తున్నాం.
208533 341164Amaze! Thank you! I constantly wished to produce in my internet website a thing like that. Can I take element with the publish to my blog? 636989
544596 307285Nicely picked details, several thanks towards the author. It is incomprehensive in my experience at present, even so in common, the convenience and importance is mind-boggling. Regards and all the finest .. 286526