బిగ్ బాస్4: ఎపిసోడ్ 23 – ఎలిమినేషన్‌కు ఏడుగురు నామినేట్‌, సిల్లీ రీజన్స్

బిగ్‌ బాస్‌ సీజన్‌ 4 నాల్గవ వారంలోకి అడుగు పెట్టింది. నిన్నటి ఎపిసోడ్‌ మార్నింగ్‌ మస్తీతో ప్రారంభం అయ్యింది. అందులో భాగంగా కొత్తగా వచ్చిన స్వాతి ఇంటి సభ్యులతో నవరసాలు పండించే కార్యక్రమం జరిగింది. ఆ సందర్బంగా లాస్య మరియు నోయల్‌ లు చేసిన ఆగ్రహం బాగా పండింది. దాన్ని ప్రోమోగా కట్‌ చేయడంతో అంతా కూడా ఆసక్తిగా ఏం జరిగిందా అంటూ ఆసక్తిగా చూశారు. తీరా చూస్తే ఇద్దరి మద్య గొడవ లేదు ఏమీ లేదు. అలా నిరుత్సాహంగా మొదలైన ఎపిసోడ్‌ చివరి వరకు కూడా నీరసంగా నిరుత్సాహంగానే సాగింది.

ఎప్పటి లాగే సోమవారం ఎలిమినేషన్‌ పక్రియ జరిగింది. కెప్టెన్‌ అయిన కారణంగా గంగవ్వను నామినేట్‌ చేయడానికి లేదు. ఇక దేవి బిగ్‌ బాంబ్‌ వేసి అరియానా ను ఈ వారంకు సేవ్‌ చేసిన విషయం తెల్సిందే. ఈ నేపథ్యంలో మిగిలిన వారికి బిగ్‌ బాస్‌ ఎలిమినేషన్‌ నామినేషన్‌ టాస్క్‌ ను ఇవ్వడం జరిగింది.

సోహెల్‌ మరియు అఖిల్‌ లు ఇద్దరు హిట్‌ మ్యాన్స్‌ గా వ్యవహరిస్తారు. పార్టీ రూంలో ఉన్న వారి వద్దకు ఎవరు ముందు గా వెళ్లి ఎవరిని అయితే ఎలిమినేట్‌ చేయాలని అనుకుంటారో అలా వారితో డీల్‌ కుదుర్చుకుని డబ్బులు ఇవ్వాల్సి ఉంటుంది. అలా ఈ వారంలో లాస్య, అభిజిత్‌, మెహబూబ్‌, కుమార్‌ సాయి, స్వాతి దీక్షిత్‌ లు ఎలిమినేషన్‌ కు నామినేట్‌ అయ్యారు.

హిట్‌ మ్యాన్‌ లు ఎవరు తక్కువ డబ్బులు ఉంటాయో వారు ఎలిమినేషన్ కు నామినేషన్‌ అవుతారు. నలుగురిని అఖిల్‌ కాల్చి వేశాడు కనుక ఆయన వద్ద ఎక్కువ డబ్బులు ఉండటంతో సోహెల్‌ ఎలిమినేషన్‌ కు నామినేట్‌ అయ్యాడు.

ఇక అఖిల్‌ టాస్క్‌ లో విన్నర్‌ గా నిలిచిన కారణంగా ఆయన్నకు మరొకరిని ఎలిమినేషన్‌ కు నామినేట్‌ చేసే అవకాశం వచ్చింది. ఆ సమయంలో అఖిల్‌ హారికను నామినేట్‌ చేశాడు. అందరు కూడా చాలా సిల్లీ రీజన్స్‌ తో ఎలిమినేషన్‌ కు నామినేట్‌ అయ్యారు. స్వాతి ఇప్పుడే వచ్చిందని, కుమార్‌ సాయి ఇంకా కలవలేక పోయిందని, లాస్య ఏదో అన్నదంటూ మెహబూబ్‌ కాస్త అగ్రసివ్‌ అంటూ ఇలా రకరకాలుగా సిల్లీ రీజన్స్‌ చెప్పి నామినేషన్‌ చేశారు. మొత్తానికి నిన్నటి ఎపిసోడ్‌ చాలా చప్పగా సాగింది.