కరోనా వైరస్పై పోరులో తెలంగాణ ప్రభుత్వం చేతులెత్తేస్తోందా.? అంటే, అవుననే అభిప్రాయం సర్వత్రా వ్యక్తమవుతోంది. న్యాయస్థానం పదే పదే హెచ్చరిస్తున్నా, తెలంగాణలో జరగాల్సిన స్థాయిలో కరోనా టెస్టులు జరగడంలేదు. పొరుగు రాష్ట్రం ఆంధ్రప్రదేశ్లో సగటున 20 వేల కంటే ఎక్కువ టెస్టులు రోజువారీగా జరుగుతున్నాయి. తెలంగాణలో పరిస్థితి అందుకు భిన్నంగా వుంది.
ఈ విషయమై తాజాగా హైకోర్టు ఇంకోసారి తెలంగాణ ప్రభుత్వం తీరుపై అసహనం వ్యక్తం చేసింది. ‘టెస్టుల సంఖ్య పెరిగి, ల్యాబుల్లో శాంపిల్స్ పోగయిపోవడం’ అనే విషయాన్ని సాకుగా చూపి, కొద్ది రోజులు శాంపిల్స్ సేకరణను తెలంగాణ ప్రభుత్వం నిలిపివేసిన విషయం విదితమే. దాంతో పరిస్థితి మరింత గందరగోళంగా తయారయ్యిందని విపక్షాలు దుమ్మెత్తిపోస్తున్న వేళ న్యాయస్థానం కూడా అదే అభిప్రాయాన్ని వ్యక్తం చేయడం గమనార్హం.
ఇదిలా వుంటే, ‘హైద్రాబాద్లో ఇక బతకలేం..’ అంటూ కొందరు సొంతూళ్ళకు వెళ్ళిపోతున్నారు. ‘కరోనా వైరస్ కారణంగా హైద్రాబాద్లో పనులు దొరకడంలేదు.. ఇంటి అద్దెలు భరించలేకపోతున్నాం.. ప్రస్తుతానికి ఊరికి వెళ్ళిపోతున్నాం.. మళ్ళీ పరిస్థితులు బాగుంటే తిరిగొస్తాం..’ అని సొంతూళ్ళకు పయనమవుతున్న జనం చెబుతున్నారు. గ్రేటర్ హైద్రాబాద్ పరిధిలో సామాన్యుడి పరిస్థితి ఎంత దయనీయంగా వుందో చెప్పడానికి ఇంతకన్నా నిదర్శనం ఇంకేం కావాలి.?
మరోపక్క, ఆంధ్రప్రదేశ్లోకి వెళ్ళాలంటే ప్రత్యేక అనుమతులు అవసరమని అక్కడి ప్రభుత్వం చెబుతున్నా, అన్నిటికీ సిద్ధపడే.. తెలంగాణ నుంచి ఆంధ్రప్రదేశ్కి వెళ్ళిపోతున్నారు చాలామంది. తెలంగాణలో అనూహ్యంగా కేసులు పెరగడం, ఆ స్థాయిలో కరోనా టెస్టులు జరగకపోవడమే ఇందుకు కారణంగా చెబుతున్నారు ఊళ్ళకు వెళ్ళిపోతున్నవాళ్ళంతా.
ఇవన్నీ ఓ ఎత్తు, ఛెస్ట్ హాస్పిటల్లో చికిత్స పొందుతూ మృతి చెందిన ఇద్దరు యువకులు, చనిపోవడానికి కొద్ది సేపటి ముందు అక్కడ తమకు సరైన వైద్యం అందడంలేదని ఆరోపిస్తూ సెల్పీ వీడియో తీసుకోవడం.. అది సోషల్ మీడియాలో వైరల్ అవడం కూడా హైద్రాబాద్ బ్రాండ్ ఇమేజ్ని దెబ్బ తీసినట్లుగా చెప్పుకోవచ్చేమో. పరిస్థితి ఇంత తీవ్రంగా వున్నా, పొరుగు రాష్ట్రాలతో పోటీ పడి తెలంగాణ ప్రభుత్వం పరీక్షలు చేయకపోవడం, సమస్యల్ని చక్కదిద్దకపోవడం అందర్నీ విస్మయానికి గురిచేస్తోంది.
339747 973413Hi there! I could have sworn Ive been to this site before but following reading via some with the post I realized its new to me. Anyhow, Im undoubtedly glad I identified it and Ill be book-marking and checking back often! 958666
798177 849021Merely wanna state that this really is really beneficial , Thanks for taking your time to write this. 798945
I am not sure where you are getting your information,
but good topic. I needs to spend some time learning more or understanding more.
Thanks for excellent info I was looking for this info for my mission.
912288 19404This web site is my breathing in, real amazing design and perfect content . 869879