Bharateeyudu 2: శంకర్ (Shankar) దర్శకత్వంలో కమల్ హాసన్ (Kamal Haassan) హీరోగా 1996లో విడుదలైన భారతీయుడు (Bharateeyudu) సినిమా ఎంతటి సంచలన విజయం సాధించిందో తెలిసిన విషయమే. అవినీతిని అంతం చేసే కథ కావడంతో సంచలనాలు నమోదు చేసింది. 27ఏళ్ల తర్వాత ఇప్పుడు భారతీయుడుకు సీక్వెల్ గా భారతీయుడు-2 తెరకెక్కింది. సినీవర్గాలతోపాటు ప్రేక్షకుల్లోనూ భారీ అంచనాలు నెలకొన్న ఈ సినిమాకు సంబంధించి భారతీయుడు-2 ఇంట్రో టీజర్ విడుదలైంది. రాజమౌళి ఈ వీడియోను విడుదల చేశారు.
భారతీయుడు క్లైమాక్స్ లో.. ఏ తప్పు జరిగినా తప్పకుండా మళ్లీ వస్తాను.. భారతీయుడికి చావే లేద’ని చెప్పిన డైలాగ్ తో టీజర్ ప్రారంభమైంది. కథకు తగ్గట్టే డబ్బు ఇస్తేనే పనులు అన్నట్టు పాత్రలు చూపించారు. శంకర్ మార్క్ టేకింగ్ తోపాటు సన్నివేశాలు ఆకట్టుకునేలా ఉన్నాయని చెప్పాలి. టీజర్ ఆఖరులో నమస్తే ఇండియా.. భారతీయుడు ఈజ్ బ్యాక్’ అంటూ కమల్ హాసన్ భారతీయుడు గెటప్ లో వచ్చి ఆకట్టుకున్నారు. విజువల్స్ శంకర్ స్థాయిలో ఉన్నాయి. వచ్చే ఏడాది సినిమా విడుదల కానుంది.