Tillu Square : డీజే టిల్లు కు సీక్వెల్ గా రూపొందిన టిల్లు స్క్వేర్ సినిమా రేపు విడుదల అవ్వబోతున్న విషయం తెల్సిందే. సినిమా విడుదల నేపథ్యంలో నిన్న రిలీజ్ ట్రైలర్ ను లాంచ్ చేయడంతో పాటు పెద్ద ఎత్తున ప్రీ రిలీజ్ ఈవెంట్ ను నిర్వహించారు. మొన్నటి వరకు ప్రతి ప్రమోషనల్ ఈవెంట్ లో కనిపించిన అనుపమ ప్రీ రిలీజ్ ఈవెంట్ లో కనిపించలేదు.
ప్రీ రిలీజ్ ఈవెంట్ కు హీరోయిన్ అనుపమ హాజరు అవ్వక పోవడంతో నలుగురు నాలుగు రకాలుగా మాట్లాడుకుంటూ ఉన్నారు. ఆ విషయం పక్కన పెడితే ఈవెంట్ లోనే హీరో సిద్దు జొన్నలగడ్డ స్పందిస్తూ మొన్న విడుదల అయిన పోస్టర్ కి చాలా వల్గర్ గా కామెంట్స్ చేశారు. మీకు మాట్లాడే హక్కు ఉంది. అయితే ఇతరులను ఇబ్బంది పెట్టే విధంగా విమర్శలు చేయవద్దు.
ఆమె గురించి చాలా తప్పుగా ట్రోల్స్ చేశారు. దయచేసి వల్గర్ గా కామెంట్స్ చేయవద్దు. ఆరోగ్యకర వాతావరణం లో ఫ్లర్ట్ చేస్తే బాగుంటుంది. మనం అవతలి వాళ్ల గురించి కామెంట్స్ చేసినప్పుడు వారు ఎంజాయ్ చేయాలే కానీ బాధ పడకూడదు అంటూ టిల్లు నెటిజన్స్ కి విజ్ఞప్తి చేశాడు.
టిల్లు స్క్వేర్ లో అనుపమ పరమేశ్వరన్ అందాల ఆరబోత శృతి మించిందని, సిద్దు తో రొమాన్స్ కూడా హద్దులు దాటింది అంటూ గత కొన్ని రోజులుగా నెట్టింట చర్చ జరుగుతుంది. కొందరు శృతి మించి మరీ విమర్శలు చేశారు. వాటి వల్లే అనుపమ ఫీల్ అయ్యి ఉంటుంది.