Family Star : రౌడీ స్టార్ విజయ్ దేవరకొండ హీరోగా మృణాల్ ఠాకూర్ హీరోయిన్ గా పరశురామ్ దర్శకత్వంలో రూపొందుతున్న ఫ్యామిలీ స్టార్ సినిమా ని మొన్న సంక్రాంతికి విడుదల చేయాల్సి ఉన్నా కూడా షూటింగ్ ఆలస్యం అవ్వడం వల్ల వాయిదా పడ్డ విషయం తెల్సిందే.
సంక్రాంతి నుంచి ఫిబ్రవరి కి ఫ్యామిలీ స్టార్ ను వాయిదా వేయడం జరిగింది. ఇప్పుడు ఫిబ్రవరి నుంచి ఏప్రిల్ కి సినిమా ను వాయిదా వేస్తూ మేకర్స్ ప్రకటించారు. దిల్ రాజు, లక్ష్మణ్ నిర్మాణంలో రూపొందుతున్న ఈ ఫ్యామిలీ డ్రామా ను ఏప్రిల్ 5న ప్రేక్షకుల ముందుకు తీసుకు రాబోతున్నట్లుగా అధికారిక ప్రకటన వచ్చింది.
ఏప్రిల్ 5న ఎన్టీఆర్ దేవర సినిమా రావాల్సి ఉంది. కానీ షూటింగ్ ఆలస్యం అవ్వడంతో పాటు, వీఎఫ్ఎక్స్ వర్క్ బ్యాలన్స్ ఉన్న కారణంగా సినిమా ఆగస్టు కి వాయిదా వేసే యోచనలో కొరటాల శివ ఉన్నాడని వార్తలు వచ్చాయి. తాజాగా దేవర సినిమా వాయిదా అని క్లారిటీ రావడంతో ఫ్యామిలీ స్టార్ ని అదే తేదీకి దించేందుకు రెడీ అవుతున్నట్లుగా తెలుస్తోంది. ఖుషి తర్వాత రౌడీ స్టార్ నుంచి రాబోతున్న సినిమా అవ్వడంతో అంచనాలు భారీగా ఉన్నాయి.