మన తెలుగోడు అంబటి తిరుపతి రాయుడు.. వరల్డ్ కప్లో సత్తా చాటాలనుకున్నాడు.. ఇండియన్ ప్రీమియర్లో సత్తా చాటినా, ఎందుకో సెలక్టర్లు అంబటి రాయుడి విషయంలో సానుకూలంగా స్పందించలేకపోయారు. బ్యాటింగ్, బౌలింగ్తోపాటు ఫీల్డింగ్ విభాగాల్లో రాయుడి కంటే విజయ్ శంకర్ మెరుగ్గా ఆడగలడంటూ సెల్టర్లు చెప్పినా, మాజీ క్రికెటర్లు మాత్రం అంబటి రాయుడికి జరిగిన అన్యాయంపై గట్టిగానే గళం విప్పారు.
ఓపెనర్ శిఖర్ ధావన్ గాయం పాలవడంతో, రిషబ్ పంత్ని రంగంలోకి దించారుగానీ, అంబటి రాయుడిని మాత్రం పిలవలేదు. ఇప్పుడు విజయ్ శంకర్ కూడా గాయం కారణంగా జట్టుకి దూరమయ్యాడు. ఇప్పుడూ అంబటి రాయుడికి అన్యాయమే జరిగింది. మయాంక్ అగర్వాల్ని విజయ్ శంకర్ స్థానంలో తీసుకొస్తున్నారు. నిజానికి, అంబటి రాయుడు బ్యాటింగ్ పరంగా ఫుల్ ఫామ్లో వున్నాడు. అవకాశమొస్తే మ్యాచ్ విన్నింగ్ ఇన్నింగ్స్ ఆడగల అంబటి రాయుడిని కాదని, వరల్డ్ కప్ పోటీల్లో టీమిండియా ప్రయోగాలు చేస్తుండడం గమనార్హం.
నాలుగేళ్ళకోసారి జరిగే వరల్డ్ కప్ కోసం ముందస్తుగా ప్రయోగాలు చేయడం సహజమేగానీ, వరల్డ్ కప్ టోర్నమెంట్ జరుగుతున్నప్పుడు ఈ ప్రయోగాలేంటే, కెప్టెన్ కోహ్లీకీ, సెలక్టర్లకీ, బీసీసీఐకే తెలియాలి. నిన్నటి ఇంగ్లాండ్ – టీమిండియా మ్యాచ్లో రిషబ్ పంత్ ఇన్నింగ్స్ చూసిన అంబటి రాయుడు అభిమానులకి ఒళ్ళు మండిపోయింది. ‘అదే అంబటి రాయుడు క్రీజ్లో వుండి వుంటే, ఎట్టి పరిస్థితుల్లోనూ టీమిండియా ఘన విజయం సాధించేది’ అంటూ అభిమానులు సోషల్ మీడియా వేదికగా కెప్టెన్ కోహ్లీ మీద సెటైర్లు వేస్తున్నారు.
ఇంతకీ, విరాట్ కోహ్లీ ఎందుకు అంబటి రాయుడు మీద సీత కన్నేసినట్లు.? తెలుగోడు అయి వుండీ చీఫ్ సెలెక్టర్ ఎంఎస్కే ప్రసాద్, ఎందుకు అంబటి రాయుడిని చిన్న చూపు చూస్తున్నట్లు.? ఇలాంటి సందర్భాల్లో రీజినల్ సెంటిమెంట్స్ ప్రస్తావన సబబు కాదేమోగానీ, ఆ ఫీలింగ్ ఏదో గట్టిగా ప్రభావం చూపడం వల్లే అంబటి రాయుడికి అవకాశాలు రావడంలేదన్న అనుమానమైతే బలపడుతోంది.
నిజానికి, అంబటి రాయుడికి అవమానాలు ఇప్పుడు కొత్తేమీ కాదు. మొదటినుంచీ అతనిపై సెలక్టర్లు చిన్న చూపే ప్రదర్శిస్తున్నారు. ఇండియన్ ప్రీమియర్ లీగ్ సందర్భంగా సచిన్ ప్రోత్సహించి వుండకపోతే, అంబటి రాయుడిని ఇలా కూడా చూసి వుండేవాళ్ళం కాదేమో.
170579 804369Its superb as your other posts : D, regards for posting . 878214
583974 505483As I website owner I feel the articles here is rattling superb , thanks for your efforts. 764240