Akira Nandan: రెండున్నర దశాబ్దాలుగా తెలుగు తెరపై స్టయిల్ కు కేరాఫ్ అడ్రస్ పవర్ స్టార్ పవన్ కల్యాణ్. ఈ పేరు వింటే యూత్ కి, ఫ్యాన్స్ కి వైబ్రేషన్స్ వస్తాయి. కెరీర్ మొదట్లో తొలిప్రేమ నుంచి ఖుషి, జానీ వరకూ నాటి యూత్ పవన్ మత్తులో ఊగిపోయారు. వారితో తన నామ జపం చేయించి ఓ ఆటే ఆడుకున్నాడు. ఇప్పటికీ అదే రన్ అవుతోంది. ఓపక్క 50 దాటినా.. ఇంకా తన స్టయిల్ తో ఫ్యాన్స్ ను ఊపేస్తున్నాడు పవన్. మరోవైపు వారసుడు రెడీ అవుతున్నాడు. స్టయిలిష్ లుక్స్ ఉన్న అకీరా వైరల్ అవుతూనే ఉంటాడు. ఫ్యాన్స్ ఇంకెంత వెర్రెత్తిపోతారు. అదే జరుగుతోంది. పవన్ కల్యాణ్ కొడుకు ‘అకీరా నందన్’.. హీరోగా అనౌన్స్ చేయని ఓ సెన్సేషన్. నేడు అకీరా పుట్టినరోజు.
బ్యాక్ గ్రౌండ్ అద్బుతం..
పవన్ కల్యాణ్ – రేణూ దేశాయ్ ముద్దుల కొడుకు అకీరా నందన్. ప్రఖ్యాత జపనీస్ సినీ దర్శకుడి పేరు పెట్టుకున్నారు. అకీరాకు తండ్రి పవర్ స్టార్ మాత్రమే కాదు.. పెదనాన్న మెగాస్టార్. అన్నయ్య గ్లోబల్ స్టార్. వీరికితోడు మెగా ఫ్యామిలీ బ్యాక్ గ్రౌండ్. అన్నింటికీ మించి వ్యక్తిగతంగా పవన్ కల్యాణ్ కొడుకు. ఇన్ని భారీ ట్యాగ్స్ అకీరా మోయాల్సిందే. పవన్ తొలి సినిమా అనౌన్స్ అయినప్పుడు మెగా ఫ్యాన్స్ పూర్తి అండదండలు అందించారు. చిరంజీవి తమ్ముడిగా ఎంట్రీ అంటే సామాన్యమైన విషయం కాదు కదా..! చిరంజీవికి వచ్చిన ఓపెనింగ్సే వచ్చాయి. అందరూ కనెక్ట్ అయిపోయారు. తర్వాత అంతా చరిత్ర. ఇప్పుడు అకీరా పరిస్థితీ అంతే. రావడమే లేట్.. వస్తే ఆ వెల్ కమ్ స్థాయి ఊహలకు అందనిది.
క్లారిటీ ఇవ్వాల్సింది వారే..
అకీరా హీరో అవుతాడని క్లారిటీ ఇంకా లేదు. తల్లి రేణూ దేశాయ్ కి ఇష్టమే. కానీ.. అకీరా మానసికంగా సిద్ధమవ్వాలి. ప్రస్తుతం ఫిల్మ్ మేకింగ్ కోర్స్, మ్యూజిక్, చదువుతో అకీరా బిజీ. తన నిర్ణయమే పవన్ కల్యాణ్–రేణూ దేశాయ్ నిర్ణయం. ఇటివలి మెగా ఇంట వేడుకల్లో అకీరా లుక్స్ మతులు పోగొట్టాయి. పవన్ కొడుకంటే అలానే ఉండాలనేంతగా మెప్పించాడు. వరుణ్ తేజ్ పెళ్ళిలో పియానో ప్లేచేసి ఆకట్టుకున్నాడు. మిగిలింది ఎంట్రీనే. హీరో కటౌట్ ఉన్న అకీరా ఎంట్రీ కోసం ఫ్యాన్స్.. ప్రేక్షకులు, ఇండస్ట్రీ ఎదురు చూస్తోంది. నిర్ణయం తీసుకోవాల్సింది పవన్-రేణు దేశాయ్-అకీరా. త్వరలోనే శుభవార్త రావాలని, సక్సెస్ ఫుల్ జర్నీ ఉండాలని కోరుకుంటూ ‘అకీరా’కు బర్త్ డే విషెష్ చెప్తోంది టీమ్ ‘తెలుగు బులెటిన్’.