‘మా ఇద్దరి ఆలోచనలు వేరు.. కానీ, లక్ష్యం ఒకటే.. నేను సాధించాలనుకుని, సాధించలేకపోయినది ఖచ్చితంగా నా తమ్ముడు పవన్ కళ్యాణ్ సాధిస్తాడు..’ అంటూ మెగాస్టార్, మాజీ కేంద్ర మంత్రి చిరంజీవి పలు సందర్భాల్లో చెప్పుకొచ్చారు. 2009 ఎన్నికల సమయంలో చిరంజీవి ప్రజారాజ్యం పార్టీని స్థాపిస్తే, ఆ పార్టీకి అన్నీ తానే అయి వ్యవహరించారు పవన్ కళ్యాణ్. అయితే, ఆ పార్టీలోకి కొన్ని విష పురుగులు ఇతర పార్టీల్లోంచి దూరి.. తీవ్రమైన నష్టం కలిగించాయనుకోండి.. అది వేరే సంగతి. చెప్పుకోదగ్గ స్థాయిలో ఓట్లు, సీట్లు సాధించినా, చిరంజీవి ప్రజారాజ్యం పార్టీని నడపలేకపోవడానికి కారణం, వెన్నపోటుదారులే.
ఇక, 2014 ఎన్నికల సమయంలో జనసేన పార్టీని స్థాపించిన పవన్ కళ్యాణ్, 2019 ఎన్నికల్లో జనసేన పార్టీని పోటీకి నిలిపారు. ఒకే ఒక్క ఎమ్మల్యే గెలిచారు జనసేన నుంచి.. జనసేన అధినేత రెండు చోట్లా ఓడిపోయారు. అయితే, జనసేన పార్టీ తరఫున చిరంజీవి ఎలాంటి ప్రచారమూ నిర్వహించలేదు. ఎందుకిలా.? అన్నదానిపై భిన్న వాదనలున్నాయి. కాగా, 2019 తర్వాత, పలు సందర్భాల్లో మెగాస్టార్ చిరంజీవి ప్రత్యక్షంగానే వైఎస్ జగన్ ప్రభుత్వానికి పలు అంశాలపై మద్దతిచ్చినట్లుగా ప్రకటనలు విడుదల చేశారు. వైసీపీ ప్రభుత్వానికి మద్దతు కాదు, ప్రభుత్వ నిర్ణయాల పట్ల సానుకూల స్పందన అది.
మరోపక్క, చిరంజీవిని వైసీపీ ద్వారా రాజ్యసభకు పంపాలనే ఆలోచన వైసీపీలో ఎప్పటినుంచో జరుగుతోంది. తద్వారా పవన్ కళ్యాణ్కి షాకివ్వాలన్నది వైసీపీ వర్గాల భావన. సామాజిక వర్గ సమీకరణాలు వంటివన్నీ లెక్కలేసుకుని, చిరంజీవిని తమవైపుకు లాగాలని వైసీపీ చూస్తున్నా, చిరంజీవి మాత్రం అటు వైపుగా వెళ్ళడంలేదు.
మరోపక్క, చిరంజీవి కోసం బీజేపీ కూడా బంపర్ ఆఫర్ ఎప్పుడో సిద్ధం చేసింది. రాజ్యసభతోపాటు కేంద్ర మంత్రి పదవి కూడా చిరంజీవికి ఇవ్వాలనుకుంటోంది బీజేపీ. కానీ, చిరంజీవి వైపు నుంచి ‘సానుకూలత’ కనిపించడంలేదు బీజేపీకి. కాగా, ‘పవన్ కళ్యాణ్కి అన్నయ్యగా నా మద్దతు ఎప్పుడూ వుంటుంది.. నా తమ్ముడ్ని నేను ఉన్నత స్థానంలో చూడాలనుకుంటున్నాను.. తమ్ముడిపై నాకు పూర్తి నమ్మకం వుంది.. అనుకున్నది సాధిస్తాడని..’ అని చిరంజీవి ఇప్పటికే చాలాసార్లు స్పష్టతనిచ్చారు.
2024లో సార్వత్రిక ఎన్నికలు జరగాల్సి వుంది.. ఇంకా మూడేళ్ళే సమయం వుండడంతో.. రాజకీయల్లో ఈక్వేషన్స్ ఇప్పుడిప్పుడే కొత్త కొత్తగా మారుతున్నాయి. దాంతో చింరజీవి ఈసారి కింగ్ మేకర్ అవుతారన్న చర్చ ఏపీ రాజకీయాల్లో బలంగా వినిపిస్తోంది. చిరంజీవి మాత్రం, తాను రాజకీయాలపై ఆసక్తితో లేనని అంటున్నారు.
533036 772156Effectively written articles like yours renews my faith in todays writers. Youve written information I can lastly agree on and use. Thank you for sharing. 66158
646880 605069I dugg some of you post as I thought they were incredibly beneficial handy 313674