కోహ్లీ మరోసారి దాతృత్వం.. మహిళ క్రికెటర్ కు సాయం

టీం ఇండియా కెప్టెన్‌ విరాట్‌ కోహ్లీ ఇటీవలే కరోనా విపత్తు సమయంలో ప్రభుత్వానికి తన వంతు సహకారం అందించేందుకు గాను భారీ మొత్తంలో విరాళంను అందించిన విషయం తెల్సిందే. అనుష్క కోహ్లీ దంపతులు విరాళాలు ఇవ్వడం మాత్రమే కాకుండా ఇద్దరు కలిసి విరాళాలను సేకరించి ప్రభుత్వంకు అందించారు. ఈ సమయంలో భారీ విరాళంతో దేశంపై తన బాధ్యతను చాటుకున్న కోహ్లీ మరోసారి తన దాతృత్వంను చాటుకున్నాడు. కష్టాల్లో ఉన్న ఒక మహిళ క్రికెటర్‌ కు తనవంతు సహకారం అందించాడు.

మాజీ మహిళ క్రికెటర్ అయిన స్రవంతి తల్లి కరోనా బారిన పడ్డారు. ఆమె చికిత్స కోసం స్రవంతి వద్ద డబ్బులు లేక పోవడంతో దిక్కుతోచని స్థితిలో ఉంది. స్రవంతి విషయం తెలిసిన కోహ్లీ ఆమె తల్లికి వైధ్య సేవలకు అయ్యే ఆర్థిక భారంను భరించేందుకు ముందుకు వచ్చాడు. స్రవంతి తల్లి కరోనా ట్రీట్‌మెంట్‌ ఖర్చు రూ.6.77 లక్షల రూపాయలను చెల్లించాడు. హైదరాబాద్‌ మాజీ క్రీడాకారిణి అయిన స్రవంతి తల్లిదండ్రులు కరోనా బారిన పడటంతో వారికి చికిత్స కోసం 16 లక్షలు ఖర్చు అవ్వగా చివరకు డబ్బులు లేక ఇబ్బంది పడుతున్న విషయం తెలుసుకుని కోహ్లీ సాయం అందించాడు.