మంచు విష్ణు ‘మోసగాళ్లు’ మూవీ రివ్యూ

కొంతకాలంగా సరైన హిట్ లేక ఇబ్బంది పడుతున్న మంచు విష్ణు కథ నచ్చడంతో ఎంతో రిస్క్ చేసి చేసిన ఫిలిం ‘మోసగాళ్లు‘. టెక్నికల్ సపోర్ట్ సిస్టమ్ స్కామ్ ని బేస్ చేసుకొని చేసిన ఈ సినిమాలో మంచు విష్ణు – కాజల్ అగర్వాల్ లు అన్న చెల్లెల్లుగా కనిపించారు. ఒకేసారి హాలీవుడ్ వెర్షన్, ఇండియన్ వెర్షన్ అని వేరు వేరుగా ఈ సినిమాని రూపొందించారు. మంచు విష్ణు రిస్క్ చేసి హై బడ్జెట్ తో చేసిన ఈ సినిమా ఎలా ఉందో ఇప్పుడు చూద్దాం..

కథ:

అర్జున్ (మంచు విష్ణు) – అను(కాజల్ అగర్వాల్) నాన్ ఐడెంటికల్ ట్విన్స్(ఫ్రాటెర్నల్ ట్విన్స్). ఒక పూర్ ఫ్యామిలీకి చెందిన అర్జున్ ఎప్పటికైనా డబ్బు సంపాదించి బాగా రిచ్ గా బతకాలని అనుకుంటాడు. కానీ కాల్ సెంటర్ లో పనిచేస్తూ, యుఎస్ పీపుల్ పర్సనల్ డేటాని డార్క్ వెబ్ కి అమ్ముతూ కొంత డబ్బు సంపాదిస్తుంటాడు. అది గమనించిన ఆ కంపెనీ సీఈఓ విజయ్(నవదీప్) అమెరికన్స్ పై స్కామ్ చేసి డబ్బు సంపాదిద్దాం అనుకుంటారు. అలా అర్జున్ – విజయ్ కలిసి ప్రొఫెషనల్ గా స్కాం చేయడం స్టార్ట్ చేస్తారు. అను కూడా వీరికి సాయం చేస్తుంది. అలా స్కాం చేస్తూ ఫుల్ డబ్బులు సంపాదిస్తూ ఎంజాయ్ చేస్తున్న టైంలో వీరి స్కాం గురించి యుఎస్ ఫెడరల్ కమీషన్ కి తెలుస్తుంది. ఇక అక్కడి నుంచీ అర్జున్ – అనులు స్కాంని సరికొత్తగా ఎలా మార్చారు? వారిని పట్టుకోవడం కోసం యుఎస్ కమీషన్ ఏం చేసింది? వారికి హైదరాబాద్ ఏసీపీ అజిత్ కుమార్ ఎలా సాయం చేసాడు? చివరికి అర్జున్ అనులు స్కాం నుంచీ బయట పడ్డారా? లేదా? అన్నదే కథ.

తెరమీద స్టార్స్..

మంచు విష్ణు అర్జున్ పాత్రలో మంచి పెర్ఫార్మెన్స్ ఇచ్చాడు. కానీ ఇలాంటి పాత్ర ఇది వరకూ చేయలేదు అని చెప్పుకునే కొత్తదనం అయితే లేదు. కాజల్ అగర్వాల్ కి కాస్త మంచి పాత్రే పడిందని చెప్పాలి. రెండు డిఫరెంట్ షేడ్స్ మరియు స్ట్రాంగ్ లేడీ పాత్రలో మెప్పించింది. సునీల్ శెట్టి పాత్ర కూడా అంత స్ట్రాంగ్ గా లేదు. కచ్చితంగా బాలీవుడ్ ఆర్టిస్ట్ చేయాల్సిన పాత్ర అయితే కాదు. నవదీప్, నవీన్ చంద్ర, తనికెళ్ళ భరణి, రాజా రవీంద్రలు ఉన్నంతలో బాగా చేశారు. రూహీ సింగ్ రెండు సీన్స్ లో జస్ట్ గ్లామర్ అట్రాక్షన్ కోసం పెట్టారు.

తెర వెనుక టాలెంట్..

టెక్నికల్ డిపార్ట్మెంట్ లో బ్యాడ్ అని చెప్పుకోవాల్సినవి చాలా ఉన్నాయి. సో ముందుగా బాగున్న ఒకటి రెండు పాయింట్స్ మాట్లాడుకుందాం. షెల్డన్ చౌ సినిమాటోగ్రఫీ బాగుంది. కార్పొరేట్ స్టైల్ విజువల్స్ బాగున్నాయి. విక్టరీ వెంకటేష్ వాయిస్ ఓవర్ మీద స్టార్ట్ అవ్వడం కాస్త ఊరట. ఆర్ట్ వర్క్ చాలా బాగుంది. ఇంతకంటే బెటర్ టెక్నికల్ వర్క్స్ లేవనే చెప్పాలి. సామ్ సీఎస్ మ్యూజిక్ జస్ట్ ఓకే ఓకే. గౌతమ్ రాజు ఎడింగ్ బాగానే ఉన్నా కథ – కథనాల వలన చాలా సాగదీసినట్టు అనిపిస్తుంది. ముఖ్యంగా ఎమోషనల్ సీన్స్ లో కనెక్షన్ అర్థవంతంగా ఉన్న ఫీల్ ఉంటుంది. నివాస్ డైలాగ్స్ కూడా నట గొప్పగా ఏమీ లేవు.

మెయిన్ గా మంచు విష్ణు రాసిన కథ విషయానికి వస్తే.. యదార్థ సంఘటనల ఆధారంగా రూపొందించిన ఈ స్కాం కథ మన జీవితాలు, మన నేటివిటీ చుట్టూ తిరగకపోవడం వలన మొదట కనెక్ట్ కాదు.. పోనీ హీరో తోపు, తెలివైన వాడు అనే యాంగిల్ లో స్కాం చేస్తున్నాడు అనే యాంగిల్ లో తీసినా ఎప్పటికప్పుడు సరికొత్త గా ఎత్తులు వేస్తూ దొరక్కుండా చూసే హీరోయిజం అయినా ఉండాలి కానీ అది లేదు. ముఖ్యంగా ఇలాంటి కథలకి పెద్ద ఎమోషనల్ టచ్ ఉండకూడదు ఉన్నా కథకి బలాన్ని చేకుర్చాలే తప్ప బలహీనతగా తయారవ్వకూడదు. ఇక్కడ అదే జరిగింది, ఉదాహరణకి హీరో ఎప్పుడూ ఫామిలీనీ నా బలం – బలహీనత.. నేను చేసేది అంటా నా ఫ్యామిలీ కోసమే అంటాడు. కానీ చివర్లో పోలీసులు వెంటబడితే ఫామిలీని వదిలేసి వెళ్ళిపోతాడు, చివరికి కూడా తను సంపాదించిన డబ్బు ఉంటుందే తప్ప ఫామిలీ ఉండదు. అలాగే బ్రదర్ – సిస్టర్ మధ్య వచ్చే మనస్పర్థలు చాలా సిల్లీగా ఉంటాయి. సో సిల్లీగా అనిపించే పాయింట్స్ వలన ఎమోషనల్ కనెక్షన్ ఏముంటది చెప్పండి. సో అదీ వర్కౌట్ అవ్వలేదు. కావున ఏ పరంగానూ ఆడియన్స్ కి ఈ కథ కనెక్ట్ అవ్వరు. పోనీ కథనంలో అయినా అదిరిపోయే ట్విస్ట్స్ అండ్ వావ్ అనిపించే పాయింట్స్ తో ఆడియన్స్ ని థ్రిల్ చేశాడా అంటే అదీ లేదు. వెంకీ వాయిస్ ఓవర్ లో ఉన్నంత ఎంగేజింగ్ కూడా కథనంలో లేకపోవడం బాధాకరం. ఇక డైరెక్టర్ గా జెఫ్రీ గీ చిన్ డైరెక్షన్ కూడా అంతంత మాత్రమే అని చెప్పాలి. నిర్మాణ విలువలు బాగున్నాయి కానీ నిర్మాత విష్ణు చెప్పుకున్నంత భారీ బడ్జెట్ అయితే సినిమాలో కనిపించదు.

విజిల్ మోమెంట్స్:

– షెల్డన్ చౌ విజువల్స్
– కాజల్ అగర్వాల్ ప్రెజన్స్
– ఫస్ట్ హాఫ్ లో ఓకే అనిపించే ఒకటి రెండు సీన్స్

బోరింగ్ మోమెంట్స్:

– నేటివిటీ కనెక్షన్ లేని కథ
– బోరింగ్ నేరేషన్
– సాగదీసే కథనం
– వీక్ డైరెక్షన్
– థ్రిల్ చేయలేకపోయిన హైటెక్ మోసం
– జీరో ఎమోషనల్ కనెక్షన్
– నో ఎంటర్టైన్మెంట్

విశ్లేషణ:

యదార్థ సంఘటనల ఆధారంగా చేసిన సినిమా, పైగా ‘మోసగాళ్లు’ అనే క్రేజీ టైటిల్ చూసి ఇదేదో సూపర్బ్ స్కామ్ ఫిల్మ్, అదిరిపోయే థ్రిల్స్ ఉంటాయనుకున్నారో మీరు భారీగా మోసపోతారు. ఎందుకంటే సినిమాలో చూపించిన స్కాం పాయింట్ చూసి ఓకే ఇలా మోసం చేస్తారా అనిపిస్తుందే తప్ప ఆడియన్స్ ఎక్కడా థ్రిల్ అవ్వరు. కాజల్ అగర్వాల్ అప్పియరెన్స్ తప్ప పెద్దగా హోల్డ్ చేసే విష్యం సినిమాలో లేదు. ‘మోసగాళ్లు’ సినిమాతో హిట్ కొడతాను అనుకున్న మంచు విష్ణుకి ఇది కూడా నిరాశనే మిగిల్చింది.

చూడాలా? వద్దా?: మోసగాళ్లు చూస్తే మీరు మోసపోతారు.

తెలుగుబులెటిన్.కామ్ రేటింగ్: 1.75/5