తెలుగు – తమిళ భాషల్లో సూపర్ మార్కెట్ సొంతం చేసుకున్న మాస్ హీరో విశాల్. అభిమన్యుడు తరహాలో సైబర్ క్రైమ్ నేపథ్యంలో చేసిన సినిమా ‘చక్ర’. పలు లీగల్ సమస్యలను ఎదుర్కొని అన్నీ పరిష్కరించుకొని చక్ర మూవీ నేడు రిలీజయింది. ఎంఎస్ ఆనందన్ డైరెక్ట్ చేసిన ఈ సినిమా ఎలా ఉందో? ఎన్ని సరికొత్త క్రైమ్స్ ని చూపించిందో ఇప్పుడు చూద్దాం..
కథ:
ఆగష్టు 15న హైదరాబాద్ లో ఒకేసారి పలు చోట్ల 50 దొంగతనాలు జరుగుతాయి. అందులో మిలిటరీలో పని చేస్తున్న చంద్రు(విశాల్) ఇంట్లోని వాళ్ళ ఫాదర్ కి చెందిన అశోక చక్ర మెడల్ ని కూడా దొంగతనం చేస్తారు. దాంతో చంద్రు మిలిటరీ నుంచి వచ్చేసి తన ఫాదర్ మెడల్ ని దొంగిలించిన వాళ్ళ నుంచి వెతికి పట్టుకోవాలనుకుంటాడు. అందులో భాగంగా ఆ కేసు డీల్ చేస్తున్న గాయత్రి(శ్రద్ధ శ్రీనాథ్) టీంలో జాయిన్ అవుతాడు. ఇక అక్కడి నుంచీ చంద్రు తన టాలెంట్ తో ఆ దొంగతనాల వెనకున్న మాస్టర్ మైండ్ ని ఎలా పట్టుకున్నాడు? పట్టుకునే ప్రక్రియలో ఆ దొంగ నుంచీ చంద్రు అండ్ గాయత్రి టీం ఎదుర్కొన్న సవాళ్ళు ఏమిటి? వాటిని ఎలా ఛేదించి దొంగని పట్టుకున్నారు? ఆ దొంగ అన్ని దొంగతనాలు ఒకేసారి చేయడానికి గల కారణం ఏమిటి? అనేదే ఈ సినిమా కథ.
తెరమీద స్టార్స్..
విశాల్ మరొకసారి మిలిటరీ ఆఫీసర్ పాత్రలో మెప్పించాడు.. కేసుని సాల్వ్ చేసే ఆఫీసర్ గా సస్పెన్స్ ని మైంటైన్ చేయడంలో, యాక్షన్ ఎపిసోడ్స్ మరియు వార్నింగ్ సీన్స్ లో డైలాగ్స్ ఇలా అన్నిటిలోనూ ప్రేక్షకులను ఆకట్టుకుంటాడు. ఇక శ్రద్ధ శ్రీనాథ్ కాప్ పాత్రలో మొదటిసారి మెప్పించింది. సినిమా టీజర్స్, ట్రైలర్స్ లో చూపించకుండా ఉంచిన పాత్ర రెజీనా కాసాండ్ర. నెగటివ్ షేడ్స్ లో రెజీనా సూపర్బ్ పెర్ఫార్మన్స్ చేసింది. ముఖ్యంగా సెకండాఫ్ లో విశాల్ – రెజీనా మధ్య వచ్చే సీన్స్ లో ఇద్దరూ నువ్వా నేనా అంటూ పోటీపడేలా బాగా చేశారు. కె ఆర్ విజయ మరియు మిగిలిన నటీనటులు తమ పాత్రల పరిధిమేర నటించారు.
తెర వెనుక టాలెంట్..
ముందుగా సినిమాని నడిపించిన డైరెక్టర్ ఎంఎస్ ఆనందన్ గురించి మాట్లాడుకుంటే.. కథ పరంగా ఒక సైబర్ క్రైమ్ గురించి చెప్పాలి అనుకున్నాడు. టీజర్స్ మరియు ట్రైలర్స్ చూస్తే ఇదేదో సూపర్బ్ హాకింగ్ సినిమాలా అందరికీ రీచ్ చేశారు కానీ సినిమాలో సైబర్ క్రైమ్ అనే పాయింట్ చాలా చిన్నది అయిపోవడం, సైబర్ క్రైమ్ పాయింట్ చుట్టూ కాకుండా హీరో – విలన్ మధ్య వార్ లా సినిమాని తీసుకెళ్లడం కథలో ఇంపాక్ట్ మిస్ అయ్యేలా చేసింది. కానీ కథనంలో చాలా వరకూ మేనేజ్ చేసాడు. అందుకే సినిమాలో చాలా వరకూ టైం పాస్ అయిపోతుంది. డైరెక్టర్ గా ఆడియన్స్ ని కూర్చో బెట్టడంలో ఒక 60% సక్సెస్ అయ్యాడు. కానీ క్రైమ్ లో పెద్ద మజా లేకపోవడం, చాలా రియలిస్టిక్ పాయింట్స్ చెప్పకుండా వదిలేయడం వలన సినిమా బాగుంది బాలేదు అన్న దానికి మధ్యలో ఉండిపోతుంది.
ఇక టెక్నికల్ టీమ్ చక్ర కి బ్యాక్ బోన్ అని చెప్పచ్చు. కెటి బాలసుబ్రమణ్యం సినిమాటోగ్రఫీ బాగుంది. ఒక యాక్షన్ థ్రిల్లర్ ఫీల్ ని బాగా క్యారీ చేసాడు. ఆ విజువల్స్ కి మరితం బలం చేకూర్చింది మాత్రం యువన్ శంకర్ రాజా మ్యూజిక్. స్పెషల్ గా హీరో కి విలన్ కి స్పెషల్ గా చేసిన ట్యూన్స్ చాలా బాగున్నాయి. త్యాగి ఎడింగ్ బాగుంది. ఎక్కడా లాగ్ లేకుండా షార్ట్ అండ్ క్రిస్ప్ గా సినిమాని కట్ చేయడం ఒక ప్లస్ పాయింట్. యాక్షన్ ఎపిసోడ్స్ కూడా బాగున్నాయి. విశాల్ ప్రొడక్షన్ వాల్యూస్ బాగున్నాయి.
విజిల్ మోమెంట్స్:
– విశాల్ అండ్ రెజీన కాసాండ్రాల సూపర్బ్ పెర్ఫార్మన్స్
– క్రైమ్ ఇన్వెస్టిగేషన్ సీన్స్
– ఇంటర్వల్ బ్లాక్
– ఫ్లాష్ బ్యాక్ ఎపిసోడ్ అండ్ ప్రీ క్లైమాక్స్
– విజువల్స్ అండ్ బ్యాక్ గ్రౌండ్ మ్యూజిక్
బోరింగ్ మోమెంట్స్:
– కథలో సైబర్ క్రైమ్ యాంగిల్ లైట్ గా ఉండడం
– ఎమోషనల్ కనెక్షన్ మిస్ అవ్వడం
– రొటీన్ కాప్ – విలన్ చాలెంజింగ్ సీన్స్
– వీక్ క్లైమాక్స్
– బెటర్ గా ఉండాల్సిన థ్రిల్స్
విశ్లేషణ:
విశాల్ నుంచి వచ్చిన అభిమన్యుడు తరహాలో టీజర్, ట్రైలర్స్ కట్ చేసి, సైబర్ క్రైమ్ జానర్లో సూపర్ సినిమా అంటూ ప్రమోట్ చేసిన చక్ర సినిమా సూపర్ అనే ఇంపాక్ట్ ని క్రియేట్ చేయలేకపోయింది కానీ పరవాలేధనిపించుకుంటుంది. దానికి ప్రధాన కారణం కథ కంప్లీట్ సైబర్ క్రైమ్ యాంగిల్ లో జరగకపోవడం.. ట్రైలర్స్ లో చూపించింది ఒకటి, సినిమాలో ఉండేది ఇంకొకటి కావడం వలన ఆడియన్స్ కాస్త నిరాశ పడతారు. ఓవరాల్ గా విశాల్ నుంచి ఆడియన్స్ ఆశించే తరహాలోనే చక్ర సినిమా ఉండడం వలన కొంత వరకూ నచ్చుతుంది.
చూడాలా? వద్దా?: కమర్షియల్ కాప్ థ్రిల్లర్ సినిమాలు ఇష్టపడే వారు చూడచ్చు.
తెలుగుబులెటిన్.కామ్ రేటింగ్ : 2.5/5
922412 121403I really thankful to uncover this internet site on bing, just what I was searching for : D too bookmarked . 589736
457097 115851I want to thank you for the excellent post!! I undoubtedly liked every bit of it. Ive bookmarked your web website so I can take a look at the latest articles you post later on. 710141
897951 400205I like this site so considerably, bookmarked . 920752
662295 9108Blogs ou need to be reading […]Here is a superb Blog You might Locate Intriguing that we Encourage You[…] 870830
448228 940302hello, your website is actually great. We do appreciate your give very good outcomes 161285