‘ఈ నగరానికి ఏమైంది’ సినిమాలో నలుగురిలో ఒకరిగా తెలుగు వారికి పరిచయమైన సాయి సుశాంత్ రెడ్డి హీరోగా, చాందిని చౌదరి, సిమ్రాన్ చౌదరి హీరోయిన్స్ గా నటించిన ఈ సినిమా లాక్ డౌన్ కి ముందే పూర్తయ్యింది. కానీ ఫైనల్ గా ఓటిటి ద్వారా నేడు రిలీజయింది. మరి ఎలా ఉందో చూద్దామా?
కథ:
విక్కీ(సాయి సుశాంత్) పుట్టడంతోనే ఒక దురదృష్టవంతుడు అనే ముద్ర పడుతుంది. చిన్నప్పటి నుంచీ దరిద్రం కి కేరాఫ్ అడ్రస్ అనే ఇమేజ్ తో ఒంటరి అనుకుంటూ బతికేస్తున్న అతనికి సైంటిస్ట్ అండ్ ప్రొఫెసర్(శిశిర్ శర్మ)తో పరిచయం ఏర్పడడం వలన విక్కీ లైఫ్ ఆసక్తిగా మారుతుంది. అలాగే తను ఎప్పటినుంచో చెప్పలేక తనలోనే దాచుకున్న చైత్ర(చాందిని చౌదరి)పై ప్రేమని కూడా ప్రొఫెసర్ చొరవతోనే చెప్పడం, తను ఒప్పుకోవడం, బ్రేకప్ ఇలా అన్నీ చకచకా జరిగిపోతాయి. కానీ అనుకోకుండా ప్రొఫెసర్ చనిపోవడం, ప్రొఫెసర్ కుమార్తె మాయ(సిమ్రాన్ చౌదరి) బాధ్యత విక్కీ తీసుకోవాల్సి వస్తుంది. అసలు ప్రొఫెసర్ ఉన్నపళంగా ఎందుకు చనిపోయాడు? ఈ మాయ నిజంగానే ప్రొఫెసర్ కూతురా? లేక మాయ వెనుక ఇంకేదైనా కథ ఉందా అనేదే కథ.
తెర మీద స్టార్స్..
హీరోగా సాయి సుశాంత్ జస్ట్ ఏదో చేసాడు అంటే చేసాడు పెర్ఫార్మన్స్ అనేలా ఉంటుంది. అన్ని సీన్స్ లోనూ ఒకటే ఎక్స్ ప్రెషన్ ఇచ్చాడనే ఫీలింగ్ మనకు చాలా అంటే చాలా సార్లు అనిపిస్తుంది. చాందిని చౌదరి, సిమ్రాన్ చౌదరి లు తమ పాత్రల్లో ఓకే అనిపించారు. సీనియర్ యాక్టర్స్ అయిన తనికెళ్ళ భరణి, శిశిర్ శర్మ, హేమ, మకరంద్ దేశ్ పాండే, ప్రియదర్శి లాంటి వాళ్ళు వాళ్ళకి తెలిసింది వాళ్ళు చేసుకెళ్లారు.
తెర వెనుక టాలెంట్..
కథ గురించి ఒక్క మాటలో చెప్పాలంటే శంకర్ – రజినీకాంత్ కలిసి తీసిన ‘రోబో’ సినిమా కథని లో బడ్జెట్ లో తీసే ప్రయత్నమే ఈ బొంభాట్. రోబో సినిమాని వాహ్ అద్భుతం అనేలా తీస్తే, దీన్ని సినిమాలో హీరో పాత్రకి ఇచ్చిన టాగ్ లైన్ దరిద్రం అని చెప్పేలా తీశారు. కథ ఓకే ఇన్స్పిరేషన్ అనుకుందాం, కీలకమైన కథనం, సీన్స్ రాసుకోవడం, లవ్ స్టోరీ, తీసే విధానం.. ఇలా ఎందులోనూ పనితనం కనిపించలేదు. సునీల్ వాయిస్ ఓవర్, కాపీ అయినా ఎంచుకున్న పాయింట్ తప్ప మిగతా ఏ ఒక్క సీన్ కూడా సినిమాలో మెప్పించలేదు. సినిమా చూస్తుంటే డీసెంట్ బడ్జెట్ పెట్టినట్టున్నారు, కానీ యూట్యూబ్ లో టైం పాస్ కిచూసే వీడియోస్ అంత ఇంటరెస్టింగ్ కూడా లేదు. ఓవరాల్ గా కథ – కథనం – దర్శకత్వానికి జీరో మార్క్స్ వేయచ్చు. కేవలం డైలాగ్స్ మాత్రమే అక్కడక్కడా బాగున్నాయి.
సతీష్ సినిమాటోగ్రఫీ, జోష్ బి మ్యూజిక్ మరియు శ్రీకాంత్ ఆర్ట్ వర్క్ లు మాత్రం కాస్త పరవాలేదనిపిస్తాయి. గౌతమ్ రాజు ఎడింగ్ వెరీ వెరీ బాడ్. ప్రొడక్షన్ వాల్యూస్ బాగున్నాయి, కానీ మంచి ప్రాజెక్ట్ మీద ఇన్వెస్ట్ చేయాల్సింది.
విజిల్ మోమెంట్స్:
– సునీల్ వాయిస్ ఓవర్
బోరింగ్ మోమెంట్స్:
– రోబో కథని తిప్పి తిప్పి తీయడం
– పరమ చెత్తగా అనిపించే కథనం
– వెరీ బాడ్ డైరెక్షన్
– కనెక్ట్ కానీ పాత్రలు, సన్నివేశాలు
– చిరాకు పెట్టించే కామెడీ అండ్ లవ్ స్టోరీ
– చూసే సాహసం చేయలేని రన్ టైం
విశ్లేషణ:
సినిమా టైటిల్ ఏమో ‘బొంభాట్’, చూసాక ఆడియన్స్ పరిస్థితి మాత్రం హాం ఫట్. ఒక్క సన్నివేశం కూడా ఆసక్తికరంగా లేకుండా, మొదటి షాట్ నుంచి చివరి షాట్ దాకా బోర్ కొట్టించే సినిమా అంటే ఎలాంటి ఆలోచన లేకుండా ఈ సినిమాని చూపించచ్చు. ‘ఆకాశం నీ హద్దురా’, ‘మిడిల్ క్లాస్ మెలోడీస్’ తో అమెజాన్ వాడు కూడా హిట్ కొట్టాడురా అని అందించే లోపే ఈ ‘బొంభాట్’ రూపంలో మరో మర్చిపోలేని భారీ డిజాస్టర్ తగిలింది.
చూడాలా? వద్దా?: రివర్స్ డబ్బులిచ్చి చూడమన్నా చూడలేం.
తెలుగుబులెటిన్.కామ్ రేటింగ్: 1/5
889849 362644Wow! This can be 1 certain with the most valuable blogs We have ever arrive across on this topic. Really Great. Im also an expert in this topic so I can realize your hard work. 7562